掌上有好似「米」字咁嘅星紋，能增加所在位置的力量，但當然要睇喺乜嘢位才定吉凶。
So time
讀者陳小姐問：
本人生於197X年新曆X月9日下午4時，已婚。每年都會因各種因由而轉工，我想問幾時才會安定下來？另外，還有以下問題：
1. 本人剛剛搵到一份公營機構任職行政工作，是否適合本人？秘書、行政及人力資源，哪種行業比較適合我？我的一生事業運如何？
2. 我一生的財運如何？
3. 我幾時會生BB？
4. 我將來能唔能夠靠到老公或子女生活？
5. 我一生的健康運如何？
蘇師傅答：你嘅命格屬「木」，生於秋天，由11歲入人生大運，行到41歲，41至51歲停一停，51歲再開始踏入人生第二個大運，行到71歲為止。1998至2003年呢段時間雖然係大運期，但流年唔夾你，今年到2015年先至正正式式入到運，你可以趁呢段時間諗下有乜嘢想搞作，成功機會都幾大。你依家搵到份行政工作，可以做落去，都適合嘅。若果你喺41歲前都發唔到圍，咁就要等到第二個大運嘞，但嗰時都成五十幾歲，都老啦，所以依家就搏盡啲！有大運，財運就會自然好。你喺今年同明年都會易有BB，咁你同你老公「努力」啲嘞！41歲前你行「剋夫運」，老公幫唔到你，你亦唔係靠仔女命，將來嘅生活，你都係靠自己啦。健康上，肺、喉嚨、骨會弱啲，自己稍為多留意呢幾part啦！
土星丘
有機會患上不治之症及有嚴重犯罪；亦代表呢個人愛利用「神秘學」之名作出犯罪及欺騙行為。
水星丘
代表個人有不平凡的商業本領，但愛偷用別人的設計與計劃而得到利益。
火星丘
一生人容易遇到意外損傷，並往往與暴力事件有關；又代表為人妒忌心重。
太陰丘
能提升幻想能力，有助個人創作，可更加天馬行空。不過呢個都係容易遇溺的記號。
金星丘
有呢個星紋能加強個人的愛心，並熱烈追求愛情，是一個婚姻幸福的記號；更代表一生中易受異性垂青。而星紋喺正生命線側，代表一生人容易會遇上訴訟事件，亦係喪偶之記號。
太陽丘
有機會得到突如其來的幸運財富，與努力完全冇關係，可能是中彩票或在賭博場所得來的，故又稱為「橫財星紋符號」。
木星丘
野心、權力、名譽及愛情都得到滿足。仲有呢個人嘅生活水平及成就，有可能會突然間得到提升。
留言列表
