同我拗手瓜！（設計對白）
探熱針
鄭秀文開騷　許志安拖「小公主」贈興
2009年12月17日
鄭秀文（ Sammi）平安夜開騷，早前有報導圖文並茂指與她分手五年的許志安到排舞室探班，二人並玩得異常投入，為此，令安仔的圈外女友余德琳（ Michelle）打翻醋壜。
上週六（十二月十二日），許志安約齊數十名好友為女友提前舉行生日會，有男友派定心丸，準備明年同安仔拉埋天窗的 Michelle，全晚 high爆狂隊。
探舊愛班
許志安、鄭秀文雖然早已結束十三年的戀人關係，但分手五年，依然不時傳出二人藕斷絲連，甚至復合新聞。即將在平安夜舉行一連十場演唱會的 Sammi，開騷不忘老友，許志安、張衞健、蘇永康及梁漢文將會以「 Big4」組合，現身其中一晚演唱會做嘉賓；早前有報導指許志安曾單拖到排舞室探望舊愛，二人關係依然撲朔迷離。
據知，安仔探班並與 Sammi玩得極投入的報導出街後，即令拍拖超過一年的 Michelle醋意大發，向男友大興問罪。
上週五（十一日），許志安聯同好兄弟張衞健、蘇永康及梁漢文以新組合「 Big4」在電視城為翌晚舉行的《歡樂滿東華》彩排，為安撫女友 Michelle，他公開為探班事件補鑊，不過卻語無倫次，愈描愈黑。「冇去探班，我哋去開同一個地方排舞，用同一個排舞老師，有冇玩過唔記得，玩過都唔出奇。」 
許志安視女友 Michelle為小公主，女友打翻醋壜，許志安馬上花十萬元舉行神秘派對冧女。
 
許志安將會擔任 Sammi演唱會其中一場嘉賓，早前二人齊齊現身排舞室彩排。

開 P補飛
許志安雖未有與舊愛劃清界線，但明知女友 Michelle氣在心頭，亦急急補飛。上週六晚東華演出後，當晚隨即趕去銅鑼灣 Basement，為 Michelle提前舉行神秘生日派對，當晚有份出席生日會的包括：張衞健、梁漢文、蘇永康、吳國敬、歐陽震華及吳浩康等，在眾圈中好友面前被確定正印地位， Michelle即時冧晒！
「十八號先係 Michelle三十歲正日生日，不過安仔就提前約晒班好朋友，為佢搞咗個神秘派對， Michelle事前完全唔知 o架，安仔凌晨做完東華個騷先去女友屋企（太子）再過嚟， Michelle嚟到見到咁多 friend好開心，仲喺大家面前話多謝晒許生。」知情者說。 
許志安近日聯同死黨張衞健、蘇永康及梁漢文組成「 Big 4」，上週六為東華演出後即約埋大班好友為女友賀壽。
 
曾經在東華表演中意外甩褲的 Yumiko，近年成為該節目鐵膽表演嘉賓，當晚完騷後亦俾面出席友人派對。
 
歐陽震華與太太當晚趕兩場派對，二人盛裝打扮出席，成為全場焦點。

難捨難離
雖然許志安同 Sammi分手五年，安仔亦另結新歡，但仍多番表示與 Sammi是一家人，親暱關係不變。二人關係秤不離鉈，感情已經昇華。
互相力撐


分手至今，每逢對方出碟開騷，安仔、 Sammi必定力撐對方。 08年東亞華星演唱會中， Sammi台上高唱《唯獨你是不可取替》，安仔在台下和唱，引起全場哄動。安仔即將夥拍好友開騷，嘉賓名單上理應亦會出現 Sammi的名字。
好友撮合
09年二人結伴前往張衞健與張茜婚禮，並當場感觸落淚。有指身邊好友知道二人其實餘情未了，特意在菲律賓多玩三天，製造機會讓愛火重燃。
公布婚訊
酒量不淺的 Michelle成晚以女主人身份四出敬酒，二人玩至幾乎天光，才從後門離開，腳步浮浮的 Michelle由兩名友人傍實，但仍不忘對在場記者說：「辛苦晒，唔該晒！」但躁底梁漢文一出門口就郁手推記者，梁炳嫂亦玩到成頭濕晒，二人最後由一眾好友包圍送上的士。
月前在台灣宣傳新碟的許志安，曾公開自爆與女友關係仍處於熱戀期，二人亦鍾意玩驚喜。今年八月，許志安四十二歲生日， Michelle亦為男友舉行了一個神秘生日派對。
「安仔根本當 Michelle好似小公主咁湊，佢哋成日情深款款咁互望，啲 friend都叫佢哋結婚，安仔話遲啲開完演唱會（明年三月）會公布，其實佢哋都考慮過先同居，不過 Michelle媽咪思想比較保守，其實 Michelle雖然未正式進駐加多利山做女主人，不過成日都會留喺安仔屋企過夜。」知情者說。 
醉街朋友
Michelle由後門離開，心情極靚的她，雖然腳步浮浮要朋友扶住，但依然識得多謝記者，笑到四萬咁。
 
吳國敬女友上的士後即耷低頭，吳國敬就用黑超遮眼，唔俾記者影他的醉態。
 
李彩華跟男友王傲山離開時，王傲山戴上太陽鏡遮醉，更要由清醒女友做司機送返屋企。 
梁漢文上的士前，推開影他相的記者，無禮兼躁爆，同樣玩到 high晒的老婆 Karen，離奇地連頭都濕埋，攰到唔識郁。
 
吳浩康與女友莊思敏當晚比主人家更早到場，不過切完蛋糕就匆匆走人。

鄭秀文開騷　許志安拖「小公主」贈興

鄭秀文平安夜開唱 許志安拖未婚妻贈興

鄭秀文
鄭秀文平安夜開唱，早前有報道圖文並茂指他與她分手5年的許志安到排舞室探班，兩人玩得異常投入，爲此令許志安的圈外女友余德琳(Michelle)十分吃醋。

上周六，許志安約齊數十名好友爲女友提前舉行生日會，有男友派定心丸，准備明年同男友結婚的余德琳，全晚十分興奮。











娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 週刊 及 雜誌(4-11月刊)☆ 週刊 及 雜誌(10-12月刊)☆


 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄