吸金第 1位
賺 1,590萬
預計交稅：約 190萬
一講到自己成為兩年吸金王，阿佘笑不攏嘴。不過佢估錯咗曾是勁敵的廖碧兒會在三甲之列，果然從來不敢輕敵喎。"
娛樂頂點
無綫 09吸金王　阿佘千五萬揮低林峯
2009年12月25日
無綫小生花旦，除要鬥靚鬥爭獎外，最重要係鬥搵錢多。 09年將近結束，無綫內部已列出藝員今年收入龍虎榜，失落視后嘅佘詩曼以破紀錄千五萬冧莊成為無綫吸金王，拋離第二位林峰和第三位嘅 Laughing哥謝天華，將去年排第三的廖碧兒踢走。
賺得多交稅自然多，本刊找來專業會計師為無綫三甲吸金王估算一吓明年要交多少稅。結果在扣除無綫經理人約 20%佣金後，榜首阿佘估計交稅近二百萬，林峯亦要百四萬。難怪林峯話交稅好肉赤，而阿佘就話要買樓獎勵自己。
去年阿佘以千二萬收入成吸金王，打破無綫藝人收入紀錄，將 07年吸金盟主廖碧兒踢落第三。縱然今年無綫玩偏幫，由年頭已力谷楊怡上位，又將「我最喜愛女角色獎」及加設的「表現進步獎」頒給她，令同是《宮心計》功臣之一的阿佘捧蛋。但講到搵錢能力，楊怡遠不及阿佘。
今年初阿佘已開行 turbo，拍了《絕代商驕》、《宮心計》及《天與地》三劇，其間還瘋狂接拍內地廣告及登台，唔放過任何吸金機會。據知在今年收入龍虎榜中，第四、第五位分別是陳豪和苗僑偉，換言之阿佘是唯一打入五大的花旦。其餘鍾嘉欣、胡杏兒、楊怡因欠缺內地市場，統統不入榜。
早年阿佘憑《金枝慾孽》成功開拓內地同東南亞市場，而她有份參與的《歲月風雲》及其他劇集在內地亦大收，令她在內地有價有市。縱然受金融海嘯影響，但她的人仔身價不跌反升。知情者說：「阿佘係無綫最高廣告身價藝人，接一個廣告要百五萬至二百萬左右。阿佘好識人情世故，對客亦有求必應，所以好受廣告商歡迎。佢今年跑到千五萬，大部入都來自人仔（人民幣）。」


吸金第 2位
賺 1,206萬
預計交稅：約 144萬
林峯承認今年工作量比去年好得多，「今年拍劇唔多先多咗時間出外賺錢。我一直交稅都過一百萬，真係好肉痛。」
 
吸金第 3位
賺 600萬
預計交稅：約 70萬
今年謝天華憑 Laughing哥大豐收，首度打入吸金榜三甲，佢好抵死咁話：「賺到錢要低調，所以唔敢同人講好開心。」

買樓獎勵自己


日前有傳出楊怡贏獎後，髮型抄足阿佘，仲學擺埋阿姐款，但據知她在吸金榜十名不入。吸金能力未夠強就擺款，快咗啲喎！

本周一（ 21日），記者趁阿佘出席活動時恭喜她再次成無綫吸金王，她笑到見牙唔見眼說：「我無理排第幾，因為我都唔知其他人賺幾多。（有無信心下年繼續冧莊？）有啩，唔敢講呀！（你知唔知第二同第三位係邊個？）第二我估係林峯，第三係咪廖碧兒？（第三係 Laughing哥！）係喎，佢今年好似都賺好多。（會唔會買禮物獎勵自己？）今年都有諗買樓獎勵自己，所以早排都睇過樓，不過依家樓市太高，遲啲先。」
佘詩曼吸金表
廣告
香港體健（香港） $120萬
纖體公司（馬來西亞） $150萬
感冒藥（內地） $150萬
華生堂果汁（內地） $150萬
卓爾珠寶（內地） $150萬
媚蘭護膚品（內地） $150萬
纖體公司（內地） $200萬
雅芳婷（中港） $170萬
活動
香港（$8萬× 10個） $80萬
內地及東南亞（$15萬× 12個） $180萬
海外登台（$18萬× 5場） $90萬
合共：$1,590萬
林峯吸金表


林峯嘅處男演唱會請嚟老友謝天華撐場，兩個同屬人氣王，荷包好難唔豬籠入水。

廣告
依波路手錶（中港） $120萬
alicafe咖啡（東南亞） $150萬
六福珠寶（中港） $120萬
演唱會
香港× 2$100萬
大馬（聖誕）× 1$80萬
越南× 1$60萬
活動
香港
（ 12個×$8萬） $96萬
內地及東南亞
（ 15個×$10萬） $150萬
海外登台
美加
（$40萬× 2場） $80萬
內地及東南亞
（$25萬× 10場） $250萬
合共：$1,206萬
謝天華吸金表
廣告
健肝素（香港） $60萬
寶寧健健之選牙膏（夫婦檔） $80萬
海洋公園 Halloween網上 tvc $80萬
色男面膜（香港） $60萬
活動
香港（$5萬× 5個） $25萬
內地（$8萬× 10個） $80萬
海外登台
（$10萬× 12個） $120萬
電影
變節
（無綫旗下邵氏開拍） $10萬
精舞門 2（內地） $50萬
喜羊羊與灰太郎的灰太郎配音 $30萬
合共：$595萬
謝天華險勝陳豪
據知冧莊得第二的林峯，早有超越阿佘之心，今年初便向公司要求減少拍劇，讓他出外發力銀，因此他今年只和楊怡拍了《談情說案》一劇。知情人士說：「自從林峯拍咗《溏心風暴》同《家好月圓》後，佢嘅殺食外形同唱功，已經成功佔據東南亞市場，所以上年無論中港抑或星馬登台，啲反應都好勁，少女中女市場都俾佢殺晒。無綫見佢個勢咁爆，今年咪俾佢狂登台同開演唱會，所以先可以超越舊年九百幾萬嘅收入。論登台身價，林峯係全台最高，去美加登台可以叫價到 40萬一場。」今年他推出的唱片亦衝破白金，賣出三萬張，數字拍住天王天后級， 9月在紅館舉行的兩場個唱更叫好叫座。
至於第三位吸金王戰情最為激烈，謝天華年中憑「 Laughing哥」一角後來居上，食住個勢接拍四個廣告，吸金力一度與陳豪叮噹馬頭，最後埋單近六百萬，將只少他約 20萬的陳豪拉下，贏他一個馬鼻。
對於打低陳豪入吸金三甲，謝天華說：「聽講陳豪都搵好多，所以聽到贏咗佢都有啲意外。今年確係比去年賺多好多，不過比起林峯同阿佘，我仲差九條街啦。」


廖碧兒今年因衰臭寸，在荷里活做過一次大茄，就同無綫吊高嚟賣，結果遭雪藏影響收入，連五大都無佢份。
 
陳豪去年收入俾緋聞女友廖碧儀壓住，屈居梗頸四之位，想不到 09年歷史再次重演，被飾演 Laughing哥嘅謝天華擊敗，繼續做阿四。

無綫吸金咪神
花旦小生賺大錢，無綫班三線妹仔亦細有細搵。今年呂慧儀、高海寧，亦步徐淑敏後塵化身咪神搵銀。不過吸金咪神，還是屬於因奉子成婚而 hit爆的徐淑敏。

第 1位徐淑敏
上半年咪神 Suki本被 o靚模搶去唔少飯碗，直至 8月傳出她奉子成婚，活動即時增至每月平均三至四個，仲識得食住個勢由 3萬出騷價加至 5萬，並以 15萬接拍護膚品廣告，以年賺 80多萬成無綫咪神之冠。

第 2位呂慧儀
向來只標榜 42吋長腿嘅長腳蟹呂慧儀，今年加料露埋 32B嘅咪咪狂接比堅尼騷。只收 2萬的她，今年至少接咗 12個外快 job，還以 5萬客串價演出兩部電影，拍纖體廣告又執 12萬，其外快收入有 60多萬，屈居第二。

第 3位高海寧
自年中出埠拍「美女廚房」，高海寧 34D上圍比童顏巨乳的瑤瑤更為震撼，從此成無綫旺場咪神，單是最近兩個月已接下 10個外快 job，總計全年收入有 30多萬，打入咪神三甲。
撰文：娛樂組
攝影：攝影組
鳴謝：方育基執業會計師

2009TVB吸金王曝光　佘詩曼稱霸賺贏林峰
佘詩曼
TVB小生花旦，除要鬥靓鬥爭獎外，最重要是鬥賺錢錢多。09年將近結束，TVB內部已列出藝員今年收入龍虎榜，失落視後的佘詩曼以破紀錄一千五百萬連莊成爲TVB吸金王，抛離第二位林峰和第三位的Laughing哥謝天華，將去年排第三的廖碧兒踢走。






 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄