為豪宅，我忍！（設計對白）
合作過《絕世好 bra》有晒默契，就算古仔頭頂胸，大塊田都唔介意。
搜影
古天樂捱姦換豪宅
2009年12月31日
買磚頭兼且愈買愈豪的古天樂，月前豪擲億二購入貝沙灣六千呎獨立屋與家人同住。一心做孝順仔，唯有密密做到無停手，最近他一口氣同電影公司簽下七部片約，片酬合計過半億。
單是○九年已有八部電影上畫，古仔新作是《花田囍事 2010》，片中古仔被大塊田（田蕊妮）生剝強姦，當日埋位拍足十二粒鐘，導演一個唔該完全剪走，嘥料！
頂唔順
開工首日，古天樂同田蕊妮已埋牙肉搏，劇情指身為皇后的大塊田為破皇帝古仔處子之身，強行將對方生剝強姦。雖然古仔出名慢熱，不過兩人早在《絕世好 bra》已經合作過，零尷尬兼默契十足，埋位前一起同導演互度強姦步驟。在導演要求下，大塊田全程要提高八度講對白，對手古仔頂唔順：「毛管都戙晒，真係惡頂！」
俾大塊田生擒兼露埋點，辛苦十二粒鐘，後期製作時，導演竟大刀闊斧，將該幕強姦戲剪走。「劇情好似太過時裝，同古裝片有點格格不入。而家雖然剪走咗，不過，如果老闆覺得冇問題，隨時都可以加番上去。」一名工作人員說。


被田蕊妮生剝強姦的古仔事後流下男兒淚，「貞節」不保。
 
飛擒大咬的大塊田，早已對古仔生螆貓入眼，大庭廣眾嘟嘴熊抱，狼樣盡現。
 
住慣九龍的古仔，今次睇中貝沙灣六千呎獨立屋，豪擲億二為家人添安樂窩。

吸金術
有香港、大陸賀歲片票房冠軍紀錄在手，令原本接戲唔停的古天樂更搶手，水漲船高，片酬亦隨之急漲一倍，但有供有求，黃百鳴便搶先同古仔簽下七部片約，加埋廣告及活動合約，古仔吸金有術，豪擲億二買獨立屋，係好合理嘅！


舊年新年合作《家有囍事 2009》，今年賀歲片再次碰頭，拍攝期間古仔瞓响三姑膊頭對劇本都無問題，證明有幾老友。


首次拍搞笑片的熊黛林，戲中做古仔個妹，但對手戲僅此一場，唔通城城落禁令，唔俾女友同靚仔合作？
 
戲中古仔一個打十個勁好武功，搞笑片武打場面雖然唔算辛苦，但最難頂莫過於身處零下低溫，全日戶外拍攝，古仔表示拍到手腳冰凍無晒知覺。

砌磚致富
近年片約不絕的古天樂豬籠入水，電影、廣告一個接一個，自言唔會搵血汗錢「較飛」的他，多年來對業物投資情有獨鍾，而且眼光獨到，至今有賺無蝕，現手持物業，市值超過三億。

古天樂不停工作換豪宅 遭田蕊妮剝光侮辱

古天樂新作是《花田喜事2010》

古天樂買房子越買越豪華，月前豪擲一億二千萬購入貝沙灣五百多平米獨立屋與父母同住。一心做孝順兒子，惟有不停工作不停手，最近他一口氣簽下七部片約，片酬合計超過五千萬。

但是09年已經有八部電影上映，古天樂新作是《花田喜事2010》，片中古天樂被田蕊妮剝光強奸，當日拍攝超過12個小時，導演一聲對不起就全部剪走。





arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄