手持新增的「流行歌王榮譽大獎」的陳奕迅，開心大叫，同枱的謝安琪望到實戥人高興。
龍鳳鬥
環球發功　 Eason Joey爭傳媒大獎
2009年12月31日
四大國際唱片公司包括環球、華納、 EMI及 Sony，就歌曲 MV版稅問題跟無綫鬧翻決裂，「四大」旗下歌手包括陳奕迅、謝安琪、李克勤、張敬軒、薛凱琪及方大同等，將絕跡明年一月中舉行的「勁歌頒獎禮」。
明知無綫隨時食白果，環球正積極向其他電台埋手「搶獎」，無非想力谷 Eason做大贏家，誓要跟無綫之友的英皇一姐 Joey鍊過，爭奪四台聯頒的「傳媒大獎」。
獎情告急
搶先派發樂壇成績表的《新城勁爆頒獎禮 2009》於上週六（十二月廿六日）舉行，與無綫搞對抗的四大唱片公司巨頭環球唱片，搏老命為旗下歌手爭獎，令慣常做新城大贏家的英皇娛樂「獎情」告急。
主張皆大歡喜的新城，為免順得哥情失嫂意，將派糖配額提高至一百四十六個，再分別加設「新城勁爆流行歌王」及「新城勁爆流行女皇」兩大獎，給環球一哥 Eason，以及英皇一姐 Joey，令二人各掃六獎成為大贏家，環球及英皇唱片亦分別奪得廿八個獎，分到啱啱好。
事後新城高層朱明銳解釋， Eason及 Joey是歷年在新城得到最多獎的男、女歌手，今年特別加插此大獎予以鼓勵，新城方面早已向「四台聯頒」上報，此獎不會計算入「傳媒大獎」之內。


俾晒面換兩套衫的謝安琪， Opening先以逼爆上圍白色 tube dress，揮低 deep V平胸容祖兒，連贊助商高層都忍唔住眼。
 
坐正環球隔籬枱的張繼聰，眼見 Eason風騷影相，坐冷板的他唯有不停食嘢。
 
謝安琪雖然與 Joey及千嬅奪得「新城勁爆女歌手」，但卻失落「新城全球勁爆歌手」大獎，站在一旁無眼睇兼黑面。

犧牲謝安琪
「環球明知無綫唔會俾咩獎佢哋，於是向商台同新城埋手幫 Eason揮獎，希望就算少咗無綫幾個獎，都可以拉番條數，幫 Eason爭取『傳媒大獎』。除咗新城， Eason同謝安琪會喺商台做大贏家， Joey要攞『傳媒大獎』唔係咁易。」一名唱片公司中人說。
新城造就 Eason與 Joey捧走六獎，近兩年作個人發展的阿 Sa僅次其後得五獎，成為第二贏家。其餘的一線歌手如古巨基、謝安琪、楊千嬅及張敬軒等只得四獎。公司努力谷 Eason，難免要謝安琪犧牲，被飛出「新城全球勁爆歌手」獎的她，不時在台上面燶燶。
大有大爭，細有細爭，無厘頭憑一曲《給自己的信》連奪四獎的鍾舒漫台上台下哭成淚人，又自爆得老闆楊受成力讚，身為師姐、只得兩獎在手的泳兒當堂眼紅，在慶功宴上二人擺明無偈傾，唔妥到出面。


慶功宴上，大獎歌手得主上台開香檳，為怕被樽塞打中， Joey和謝安琪全程表現驚青。
 
側田和曹格自街頭打架後首度公開碰頭，即表現友好，一攬泯恩仇。
 
在金牌大風上班的 Sa爸，慶功宴上不時黐住阿 Sa所屬的英皇娛樂，還一同跟新城高層朱明銳隊酒。


鍾舒漫奪四獎令同公司的泳兒眼紅，慶功宴上同枱食嘢卻面左左無偈傾，唔妥到出面。
 
泳兒被邀與林峯合照，顧住索鼻的她，要 Mani大叫「一齊影啦！」，才勉強合照。

陳奕迅容祖兒搶奪傳媒大獎 公司背後發力

四大國際唱片公司包括環球、華納、EMI及SONY就歌曲MV版稅問題跟TVB鬧翻決裂，“四大”旗下歌手包括陳奕迅、謝安琪、李克勤、張敬軒、薛凱琪及方大同等將絕迹明年一月中TVB舉行的“勁歌頒獎禮”。

明知在TVB會隨時吃白果，環球正積極向其他電台洽談“搶獎”，無非想力捧陳奕迅做大贏家，誓要跟TVB之友的英皇一姐容祖兒力拼，爭奪四台聯頒的“傳媒大獎”。







 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄