Marvel Vs Capcom MVC 50 美日明星賽　喪駁 168Hit @ 明星靚相大分享☆

50美日明星賽　喪駁 168Hit

一向覺得格鬥 Game最講鬥智鬥力捉心理，但一遇到《 MVC》系列，大堆頭人物個個出招都花多眼亂，閒閒哋幾十 Hit，加埋三人一小隊換人策略，真係打到手忙腳亂。最新 Ultimate版，角色更激增至 50人，格食格更複雜深奧，絕對考你出招嘅章法。記者：徐影龍

其他副刊影片新人新衫眼都花

距離《 Marvel Vs Capcom 3》不足半年，廠方已推出 Ultimate加強版，將本來已集合 38位美日英雄嘅格鬥 Game，增加至足足 50人！莫講話深層研究攻守技巧，單單記熟呢班人水蛇春咁長嘅出招表，已經難過我考的士牌記街名。《 MVC》系列最好玩之處，係有大量跨遊戲角色加入，好似《逆轉裁判》成步堂、《魔界村》阿當、《生化危機》 Chris等，將你我熟悉人物，統統變成格鬥高手，而加強版更新增《惡魔獵人》旦丁大佬 Vergil、《出擊飛龍》 Strider等共 12名新角色。我玩咗幾日，最鍾愛新人係《幽靈戰警》 Ghost Rider，一條長長火鞭勁到無倫，幾招必殺技喊出電影內經典對白「 You are guilty！」「 Have a nice dead！」加上踩住架哈利電單車出超必，實在型到不行，必操！新角色外，近日更有新服裝 DLC登場，好似美國旗版 Iron Man、仿電影版美國隊長等新 Look，加上舊有嘅變形俠醫、蜘蛛俠等正義聯盟，簡直就係電影《復仇者》嘅預演版。

放大圖片
■ Iron Man將成支美國旗着上身，老實講，有點醜。

■ Iron Man將成支美國旗着上身，老實講，有點醜。

放大圖片
■美國隊長近似電影版，但盾牌形狀有所改變。

■美國隊長近似電影版，但盾牌形狀有所改變。

放大圖片
■幽靈戰警一使出贖罪之眼，突然諗起尼古拉斯基治個搞笑造型。

■幽靈戰警一使出贖罪之眼，突然諗起尼古拉斯基治個搞笑造型。

放大圖片
■地獄業火分上中下三路進攻，判定範圍不俗，絕對係主力招式。

■地獄業火分上中下三路進攻，判定範圍不俗，絕對係主力招式。

放大圖片
■呢個正義組合，不期然諗起下年五月上畫嘅電影大作《復仇者》。

■呢個正義組合，不期然諗起下年五月上畫嘅電影大作《復仇者》。

放大圖片
■新角色 Strider，有忍者以快打快嘅特色，仲有機械猛獸幫拖。

■新角色 Strider，有忍者以快打快嘅特色，仲有機械猛獸幫拖。

高低手各有各玩放大圖片
■《少年街霸》造型嘅春麗，緊身運動裝別具韻味。

■《少年街霸》造型嘅春麗，緊身運動裝別具韻味。

打咗《街霸》廿幾年，學曉咩叫立回睇位捉心理，但嚟到同樣係 Capcom開發嘅《 MVC》系列，就完全唔 Work。為迎合一眾 Marvel超人，搞到日系角色出招變得又誇又勁，空中波動拳、超遠昇龍拳，勁到好似開咗葵花寶典咁，瞇埋眼隨便亂 Chok，都駁到幾十 Hit連技。最大問題係人多招多，加上輔助角色可幫手連招，搞到 Combo Hit數多到好似做 Show咁，隻 Game出咗無耐， YouTube已經有高手，以 Vergil示範 168Hit連技，超必又華麗又誇張，低手如我又確係宣洩到不小壓力指數。以為係細路仔格鬥 Game？世界各地每年都有唔少大型格鬥賽，《街霸》、《拳皇》以外，《 MVC》亦係高手競技場之一，梅原、 Justin等世界級高手都有參加。即係等於雞糊又碰又上好易食啫，但高手坐埋一枱，就知竹館牌有幾考牌章喇。

放大圖片
■最終 Boss銀河王，霸咗 2/3個畫面，相當屈機。