Kelly4D產檢：BB好健康！
潮媽天后陳慧琳（Kelly）走到懷胎五個月的心理關口，心情難免緊張，幸而昨日她到中環產檢照4D結構性超聲波，腹中塊肉健健康康，看見BB撐手撐腳，Kelly終於舒一口氣，雀躍高呼一聲：「BB好健康！」
天后Kelly走出傷痛再懷孕，並於去年11月把喜訊公告天下，宣布成功人工受孕，懷下龍胎！鑑於上次慘痛經歷，Kelly這胎特別小心，就連平日心愛的高跟鞋也索性棄穿，把工作逐一押後，一於專心安胎。
為保腹中的「小龍包」肥白健康，據知Kelly近日按時做產檢，昨日她在經理人鍾珍陪同下現身中環，相信是到「婦科聖手」何永超醫生診所做產檢。
下午四時，身穿Biker Jacky襯鬆身衫的Kelly，腳踏黑色Boot現身太子大廈，只見她薄施脂粉，掩住五個多月的大肚，全程四萬咁口，途人得見Kelly也不禁探頭一望。
據知，今次Kelly是到診所照結構性超聲波（俗稱照4D），照4D因為可以全方位見到腹中塊肉真身及健康狀況，加上整個過程歷時最少30分鐘至一小時，Kelly看到「小龍包」健健康康，難怪離開時笑得見牙唔見眼，見到記者上前拍照亦有求必應，有問必答。
拍片給老公欣賞
問到是否照4D超聲波？Kelly說：「係呀！仲可以拍片畀老公睇，見到BB撐手撐腳，真係好得意，仲有呀！BB好健康！真係好開心。醫生叫我輕鬆啲，唔好緊張！」她表示老公Alex平日會盡量抽時間陪她產檢，可是他昨日要返工，所以由鍾珍代勞，Kelly又說：「呢胎產檢真係多做咗，一切小心為上，平均兩、三個星期就做一次，BB依家開始踢我喇！真係好活潑囉！」她又謂蝦餃仔至今仍未知道將做哥哥，也不怕他會呷細佬醋。當離開上七人車時，她還主動跟記者講拜拜，心情明顯甚輕鬆。
停接Job押後出碟
記者致電Kelly助手，Kelly現已為「小龍包」減少工作，連原本產後推出的大碟亦要押後，其助手說：「醫生叫Kelly放鬆啲，因為佢個肚大，運氣會頂住，所以會生完先再錄碟，隻碟會延遲推出。依家Kelly會盡量唔接工作，除咗星期日（15日）《八星抱喜》首映會去，之後亦應承做演唱會嘉賓！」助手又表示Kelly沒有特別進補，現只是多飲高鈣奶及吃麥片、吞拿魚三文治及皮蛋瘦肉粥，重了十多磅。
第一手消息請下載on.cc東方互動iPhone/iPad/Android Apps
專案組
Kelly（左）在經理人鍾珍陪同下做產檢。
心情勁靚的Kelly，向記者展示OK手勢。
Kelly坐上七人車時主動講拜拜，狀甚輕鬆。
潮媽，型！
向來極具Fashion Sense的Kelly，連佗B的打扮也十分型格，加上得天獨厚，懷孕至今手腳及面龐全無浮腫走樣。愛穿高跟鞋的她懷孕後即不再穿着，昨日見她穿上黑Boot，一件型格壓紋Biker Jacket配灰色大領衫，再以粉紅色貼身褲上陣，盡展雙腿的修長線條外，還輕輕鬆鬆的拿一個啡色麖皮流蘇手袋，型格十足，Chic到爆。
輪住做星媽
娛樂圈中喜事重重，圈中不少女星傳出懷孕喜訊，將會輪住生龍B。
楊思琦
預產期 ：三月
胎兒性別：保密
醫 院：美國
經 過：楊思琦去年5月宣布與李泳豪分手後，傳出懷有前香港跳水隊員吳帥的骨肉，有傳現正在美國安胎，無綫高層樂易玲日前承認楊思琦請假安胎。
徐熙娣
預產期 ：四月
胎兒性別：女
醫 院：台灣
經 過：懷有第三胎的台灣藝人徐熙媛（小S）早前興奮表示與老公許雅鈞「亂射亂做」而意外有喜，上月兩夫婦現身長女學校活動共享天倫樂，小S仍然身手靈活。
郭羨妮
預產期 ：六至七月
胎兒性別：保密
醫 院：香港
經 過：郭羨妮去年四月與內地武術指導朱少杰註冊結婚，去年十月在小島舉行婚禮，早前更宣布懷孕三個多月，但仍着高跟鞋出席活動，令老公大為緊張。
楊千嬅
預產期 ：七至八月
胎兒性別：保密
醫 院：香港瑪麗醫院
經 過：楊千嬅上月舉行演唱會時，突然臨時更換所有表演服飾變作鬆身裙，愛穿高跟鞋的她又赤腳上陣，當時未夠三個月怕小器未公布有喜，直至早前老公丁子高在微博宣布做老竇。
郭羨妮
楊千嬅
何思諺一日食五餐
懷胎接近六個月、將誕龍B的陽光妹何思諺表示已比前重了二十磅，並笑言現在食得瞓得：「不過依家奉行少食多餐，一日食五餐。因為大肚後，有時食得太飽後會頂住個胃甚至反胃，所以每餐食少少，而且係多菜少油。」在家養胎的她表示除閱讀育嬰書外，家人和朋友也提供不少湊仔及生仔心得經驗：「我仲未上產前育嬰課程，因為老公（樂隊Mr.成員Tom）成日開工唔得閒陪我上，朋友送咗好多BB嘢例如衫仔畀我，但我依家仲揀緊床仔，同埋新年就到，我咁大個女第一次派利是，所以揀緊啲又靚設計又有心思嘅利是封。」她考慮稍後會照結構性超聲波，以便更清楚B仔的狀況。
懷胎近六個月的何思諺笑言食得瞓得，又狂睇育嬰書。
4D結構性超聲波 胎兒全貌一覽無遺
不少孕婦都會照4D結構性超聲波，以掌握胎兒的成長及健康狀況。仁安醫院婦產科主管余啟文表示，4D結構性超聲波可給父母看清楚胎兒的容貌。他說：「照2D比較平面，要專業人士先睇得明，但係3D同4D就立體啲，可以由頭到尾睇清楚胎兒容貌同身體。3D要逐張逐張相慢慢出，4D就好似拍片咁可以連環快拍，速度較快。無論影3D定係4D主要都係畀準父母睇，當係樂趣，又唔會有副作用，但係醫學上只要用2D，就已經可以清楚睇到胎兒嘅結構。」
仁安醫院婦產科主管 余啟文
留言列表
