記者發現由美國返港的李澤楷，手上紙袋內有一個小盒，他一見記者拍照，即用外套遮掩。當記者同佢講，蘇民峰話 Isabella 2011年容易大肚，佢笑到四萬咁口！
娛樂頂點
Isabella計劃追多個　李澤楷冧笑：遲啲你咪知
2010年02月05日
去年尾，誕下小長治的 Isabella（梁洛施）秘密回港，高調出現 Sammi演唱會後，便一直深居簡出。之後各大傳媒全天候追訪，兩人依然低調唔蒲頭。據知自從 Isabella為李澤楷繼後香燈，得寵程度與日俱增，雖然兩人未公布正式結婚，但據知女方不但可以住在李公子的石澳二億大宅內，更御准在虎年繼續追 B。 1月 29日，本刊終於埋身訪問到李澤楷，對於虎年追 B計劃，他冧爆回應。
互動片段

李澤楷回應虎年再生 B

Isabella自 1月初現身鄭秀文尾場演唱會後，一直足不出戶，留在李澤楷石澳兩億大宅中照顧小長治。 1月 13日晚，本刊從李澤楷石澳寓所的落地玻璃窗，發現疑似 Isabella高䠷的身影，而小長治則由工人抱住，在走廊行來行去。
最近名攝影師夏永康接受《信息時報》訪問時，竟漏了口風，踢爆李澤楷找他影婚紗照︰「當家庭照、朋友照，我對那輯照片很滿意……替她（ Isabella）開心咯！結了婚生了兒子。」之後又改口說「不對，是生了孩子，還沒結婚。」


李澤楷心情大靚，離去時更向記者揮手道別。
 
仔唔怕生，愈多愈好！（設計對白）
對於富甲香港的李嘉誠來說，目前只得兩個男孫梗係唔夠，記者早前在他面前提起小長治，他就笑到見牙唔見眼！

留港與爺爺拜年
儘管 Isabella還未正式成為李太，但據知母憑子貴的她，卻愈來愈得寵。其實，做了爸爸的李澤楷，愈來愈愛家庭生活，有傳他特別安排女友返港，打算逗留至農曆年後才離去。而公務繁忙的李澤楷，為了能在虎年三代同堂過年，特別將所有的外國會議及工作安排在 1月，好待過年時可以多陪女友及兒子，帶兒子與父親李嘉誠拜年，更有傳他有意在虎年再追多個。不過，玄學家蘇民峰就批兩人要等到 2011年才可再懷孕。
1月 29日，李澤楷由美國返港，本刊在機場向他求證是否有意追多個時，雖然一直避而不談，但心情靚爆，笑容滿面。

記︰ Isabella係咪喺香港過年？
李︰多謝晒，唔該！
記︰蘇民峰話 Isabella 2011年好易大肚？
李︰私人嘢唔講嘞，好冇？多謝晒你哋！希望你哋新年快樂。
記︰會唔會喺虎年娶佢過門？
李︰唔該晒大家……
記︰ BB依家喺邊？
李︰私人嘢唔講嘞，好冇，好冇……大家影夠嘞……（舉手示意唔好再影）
記︰係咪有繼續造人計劃？
李︰哈哈哈……遲啲你咪知囉……（冧爆）
至於 Isabella則透過發言人盧覓雪回覆：「多謝大家關心，我冇咩回應。」


1月 13日工人抱 B
在李澤楷石澳豪宅內，隱約看見小長治由工人抱住，由於天氣寒冷，小長治包着厚厚的 BB袍。
 
一名身材高䠷嘅長腿女子（應該是 Isabella）與抱住 BB嘅工人，在走廊踱步。之後幾天，大屋全屋窗簾放下，完全密不透風。
 
1月 3日，已修身不少嘅 Isabella高調地現身鄭秀文尾場演唱會，之後以調虎離山計成功擺脫記者，以免住址曝光。

1月 10日返家勁小心


當日清晨 7時，李澤楷由外地公幹回港，抵達機場時，即邊行邊忙 send信息，而保鑣（右）則在遠處實。
 
李澤楷 94年以 1.2億元購入石澳道 12號三面環海嘅地皮，再花超過兩億元興建，佔地 2萬 1千多呎，另有 3萬 7千多呎宅外花園。
 
李澤楷雖然心急返屋企見女友同囝囝，不過為確保沒有人跟蹤，它的座駕及保鑣車繞道回家，原本機場至石澳豪宅車程只需 40分鐘，卻足足花了一個半小時。

蘇民峰：梁洛施暗夫命難入門


雖然 Isbella為李澤楷生咗個仔，不過蘇民峰卻指她入豪門機會不高︰「梁洛施生於 88年 6月 23日，五行屬土，生喺秋天，要水嚟滋潤，金嚟生水，佢少年行十年大運， 16至 26歲係演藝高峰， 26歲後就普通運。除咗幫老公，再做嘢嘅機會唔大。明年佢犯太歲，好有機會大肚。佢係暗夫命，意思係好容易識到有女朋友或者老婆嘅人，佢婚姻唔係幾好，要配唔正常姻緣，雙方關係至比較易維持，而佢有幫夫命。不過李澤楷本身條命咁正，應該唔使佢幫。」





娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(02月刊)★ 週刊 及 雜誌(4-11月刊)☆ 週刊 及 雜誌(10-2月刊)☆

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄