血腥 Juno代替
已成為潮人 Icon之一的 Juno，取代阿嬌成為新一輯 Tough Jeansmith代言人。新廣告構思 Juno亦有份諗，硬照中不乏手揸電鋸血腥場面，夠晒另類。
娛樂頂點
同 Juno分手斷米路　阿嬌失 Bauhaus廣告
2010年02月05日
阿嬌（鍾欣桐）兩年前受「淫照事件」影響，要退下火線洗底，局住停工一年，搞到冇啖好食。好彩阿嬌之後獲有米男友 Juno（麥浚龍）關照，為佢拉線傾掂 Bauhaus旗下 Tough Jeansmith亞太區代言人合約，令復出頭炮係威係勢。
不過去年兩人分手，曾經講過無條件支持阿嬌嘅 Juno已經唔再撐阿嬌，近日更以 7位數字酬勞取代阿嬌成為 Tough Jeansmith代言人。
冇咗 Juno呢個大靠山，有傳阿嬌即 mark實向華強大仔向佐，又同師弟 William撻着，誓要喺感情上收回失地。


堅強嬌冇得續約
08年受淫照事件影響，阿嬌形象插水，至 09年多得 Juno出手，阿嬌成為 Bauhaus旗下 Tough Jeansmith代言人，以堅強嬌形象拍了一輯型女廣告。

08年阿嬌經歷淫照風波， Juno即以男友身份負起護嬌責任，唔理屋企反對，安排阿嬌去其淺水灣豪宅暫住避鋒頭。 09年初阿嬌開始復出，可惜受淫照事件影響難搵廣告商支持。 Juno即出面搵老友兼 Bauhaus老闆黃銳林，為阿嬌傾掂 Bauhaus旗下的 Tough Jeansmith代言人合約。
Juno狂碌人情卡
但去年 8月 Juno與阿嬌正式分手， Bauhaus已決定約滿後不再與阿嬌續約。據知情人士透露：「 Bauhaus老闆黃生同 Juno係老友，去年 Juno開到聲要幫阿嬌，黃生份人咁講義氣當然唔會托手踭啦！全世界唔敢用阿嬌，黃生仲幫佢鋪天蓋地宣傳，雖然阿嬌做亞太區代言人得百幾萬酬勞，但總算有個好開始啦！幾個月前 Bauhaus計劃新一年嘅廣告，老闆知道 Juno同阿嬌已經分咗手，唔使再因為 Juno用阿嬌，所以冇再續約，仲搵 Juno取代阿嬌㖭！」
對於 Juno取代阿嬌做新一輯 Tough Jeansmith廣告代言人， Bauhaus透過公關公司表示：「因為新鮮感嘅關係，所以搵咗潮人 Juno做代言人。（係咪因為 Juno同阿嬌分手所以唔使再撐佢？）因為 Bauhaus同阿嬌嘅合約完咗。 Juno出道時成日俾人抨擊，但佢好努力，終於做出成績，我哋覺得佢嘅形象好啱呢個品牌。」
兩人分手後， Juno冇再幫阿嬌傾廣告外，口風亦唔同晒。去年 Juno回應阿嬌復出時撐到出面，表示：「唔止精神上，就算佢嘅工作，或各方面需要幫忙，我都一定會幫。」阿嬌去年 3月中接受「志雲飯局」訪問，除私底下向陳志雲確認 Juno的男友身份外，亦大讚 Juno有義氣。
但近月兩人已甚少在訪問中提及對方，去年年尾阿嬌更公開表示與 Juno已無聯絡。而本周一（ 1日） Juno出席公開活動時被問及有傳阿嬌是呃 o靚模造愛改運的茅山師傅的契女， Juno即冷淡回應：「我冇睇報道，冇權俾任何意見，我都係做好自己嘅工作好喇！」


玩埋 SM
除咗大玩血腥，仲玩埋 SM。相中 Juno成面血兼手被綑綁， SM味甚重。 Juno話靈感來自佢一個未出街嘅新歌 MV。
 
Bauhaus老闆黃銳林與 Juno都係潮人，所以分外投契，去年更因為 Juno關係，搵阿嬌做代言人，不過阿嬌唔再係阿嫂，所以冇得留低。
 
08年 Juno與阿嬌合作拍電影《破事兒》撻着，其後阿嬌爆出淫照事件， Juno處處維護聲言會無條支持阿嬌。

爭拗多和平分手
其實 Juno與阿嬌自傳出戀情後都不被看好，知情人士透露：「去年阿嬌為復出籌謀， Juno俾咗好多意見，但有啲意見同阿嬌有分歧，爭拗自然多，再加上英皇幫阿嬌接咗好多工作，佢哋少見面感情自然轉淡，不過佢哋總算係和氣收場。」
冇咗 Juno，阿嬌亦不愁寂寞。早前她為杜汶澤監製電影《前度》開工，即中在戲中飾演她前度男友的向華強大仔向佐，仲狂 send短訊同肉照冧對方。同一時間阿嬌又被傳與師弟 William（陳偉霆）搞姊弟戀，向公司推薦對方做其新歌 MV男主角，戀事多多。
本周二（ 2日）晚， Juno透過經理人公司回應：「我哋向來都係好朋友，冇話分唔分手。至於取代阿嬌拍廣告，其實係公司同個客溝通過，覺得我嘅形象好配合個品牌，對方好有誠意，所以一拍即合。」


09年氣勢如虹
去年 3月 Bauhaus為阿嬌打響復出頭炮，安排她鬧市出巡做宣傳，引來數百人圍觀，聲勢浩大。
 
冧向佐
去年 12月阿嬌為杜汶澤監製電影《前度》開工，即有傳她主動狂冧向華強大仔向佐，兩人更不時眉來眼去。《蘋果日報》圖片

阿嬌復出做啲乜
09年係阿嬌單飛復出嘅一年，又拍廣告，更試新嘢演舞台劇，總算復出順利，不過口碑及聲勢無復當年勇。今年工作包括出唱片、電影及演內地電視劇。得唔得，仲要有待觀察。

廣告
09年 3月︰ Tough Jeansmith亞太區代言
09年 7月︰大馬傑士啤酒廣告
09年 7月︰ Botox代言人

舞台劇
09年 8月︰舞台劇《星爸亞爸》

唱片
2010年 1月︰新專輯《心多》
2010年 2月︰英皇賀年歌新曲+精選

電視劇
2010年 2月︰內地電視劇《靈珠》

電影
09年 12月︰愛情電影《前度》

演唱會
2010年 4月︰ Twins人人彈起 2010演唱會





明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(02月刊)★ 週刊 及 雜誌(4-11月刊)☆ 週刊 及 雜誌(10-2月刊)☆


 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄