唔抵得呀！（設計對白）
Azzedine Alaia$20,000
Christian Louboutin$15,000
探熱針
暴發徐子珊 買 10萬衫一嘢過
2010年02月04日
最近被踢爆搭上坐擁二十億身家的「殼王」陳國強的徐子珊，有大水喉照住，極速換車，並搬往貝沙灣千呎豪宅，行頭方面亦愈來愈勁，不再牛記笠記，唔名牌唔著。縱使發晒誓話自己唔識富豪，但轉頭又到 Joyce一次過掃十萬名牌衫，衣食住行全面升呢。
名牌新人王
陳國強被指跟徐子珊在新年期間於四季酒店國會軒晚飯，更介紹給富豪朋友認識。
有無綫幫手力谷，徐子珊在過去的四個音樂頒獎禮上連掃多個新人獎，加上有富豪照住，她亦升呢做名牌新人王，出席「娘家」的《勁歌金曲頒獎禮》尤其落重本，上身穿着接近兩萬蚊的 Azzedine Alaia白色裙，腳踩價值萬五蚊的 Christian Louboutin長靴，全身行頭四萬蚊。
入行六年，徐子珊近年已升為電視台姐仔，去年更歌影視三棲發展，不過好睇唔好食，收入始終有限。
今非昔比
過往慳家徐子珊，衣著打扮平民化，但忽然富貴後，身上件件名牌，就算冇時間出街 shopping，都會上網掃貨。
Barbie$2,980
Jeremy Scott$6,900
Balenciaga$15,000
Christian Louboutin$15,000
BCBG$1,700
有大水喉射住，徐子珊進駐月租三萬多的貝沙灣豪宅，雖然自己揸限量版 BB車，但父母就換了豐田 Alphard 350星級七人新車。
徐子珊早前出席電影《錦衣衞》記者會著住的低胸裙，屬歐洲牌子 Preen，約$4,000，舊年升級做富太關心妍亦有一件，徐子珊果然富貴。（《蘋果日報》圖片）
未爆有富豪關照，徐子珊已經戴住六萬鑽石錶出活動。
BCBG$2,700
Christian Louboutin$6,000
Alacria鑽石錶$60,000
掃米奇衫
「佢同同屆個落選港姐 Jaymee（鄧慧琦）好好感情，一直都有來往，半年前，佢仲叫對方幫佢喺做緊嗰間時裝店攞 sponsor，後來 Jaymee同咗施榮忻（菁英會主席）拍拖，有樓揸手唔使做，子珊不知幾羨慕。到咗舊年十二月，佢自己都升埋呢，除咗喺 D-Mop掃咗幾萬蚊 Jeremy Scott米奇老鼠衫之外，兩個星期前，佢又去 Joyce掃貨；嗰日佢逗留咗唔係好耐，入去係咁意行咗個圈，就睇中咗幾件過萬蚊嘅名牌，仲諗都冇諗就全部要晒，又留咗一條過萬蚊嘅 Givenchy裙，一次過買咗成十萬蚊衫，好豪氣。」知情者透露。
唔貴唔著，徐子珊近日出席活動，身上穿著的名牌衫郁吓手都四、五千，上月二十日，她擔任「第一屆香水奧斯卡」特別嘉賓，手戴價值約六萬的 Alacria鑽石手錶，腳上的 Christian Louboutin露趾高踭鞋，亦要六千幾。據知，暴發的徐子珊更一口氣掃了幾對唔同顏色同類鞋，方便襯衫。
人緣麻麻的徐子珊，早前與小儀、黃宗澤在昂坪 360拍新劇外景時，擺阿姐款，令全組人等她一個。（《蘋果日報》圖片）
卸任港姐後，徐子珊加入無綫當藝員，當年身形肥腫的她，衣著打扮娘味十足。
04年徐子珊和鄧慧琦（左）參選港姐時，已成為朋友，她更羨慕好姊妹覓得有米男友，唔使做。
07年徐子珊接拍游乃海執導的《跟蹤》，不久二人便傳出緋聞，近日指她為結交富豪朋友，飛起窮導演。（《蘋果日報》圖片）
自我隔離
結交到富貴朋友，徐子珊開始做上等人，跟黃宗澤、王祖藍、小儀等合作新劇《情人眼裡高一啲》時，對一班同事表現疏離。
「佢平日都好少同大家傾偈，通常都係坐埋一邊唔講嘢，我哋一班人約去大 canteen叫餸食飯，佢幾乎次次都唔出現，反而鍾意一個人去西餐廳嗰邊食。其實佢向來人緣麻麻，而家富貴咗，就更加唔鍾意同人黐埋一齊。有次去昂坪 360拍外景，佢揸車去到現場，明明見到個吊車站，都唔肯自己行過去，特登要等 PA做完嘢去接佢，搞到成班人要等佢開工；所以而家隊 crew都叫佢珊姐，要人服侍 o架。」工作人員透露。
選美脫貧
選美場向來是成名捷徑，另方面也是城中富豪揀女最佳地點，唔少出身自屋邨的窮港姐，在無綫做藝員收入有限，入不敷支，要短時間內發圍住豪宅、揸靚車，搵條大水喉射住，已經係大勢所趨。
林莉
05年港姐季軍
29歲
選港姐前任職新鴻基售樓部 sales，月入約一萬，與家人同住青衣公屋，被封為「公屋港姐」，近日獲內地富商打本千萬開設模特兒公司力捧，經常現身名店掃貨，並有司機以二百萬的馬莎拉蒂接送，更入主比華利山豪宅，即時脫貧。
葉翠翠
05年港姐冠軍
27歲
○八年被內地富商黃有龍睇中，當時月薪只得萬三蚊的她，在一星期內連掃兩間北角半山賽西湖豪宅，共值三千一百萬，忽然富貴前，葉翠翠父母只是租住三千蚊的元朗村屋，加上母親患有腎病，被稱「悲情港姐」。
郭羨妮
99年港姐冠軍
35歲
童年家住牛頭角下邨第三座，家境清貧，當選後即飛甩空中少爺男友，其後因與溫兆倫拍拖拖累事業，身價暴跌。 ○六年與「殼王」陳國強一同出席飯局，隨即換車、換樓，以五百萬買入太子道豪宅柏德豪庭並隨即賣出套現。此外「殼王」更請埋保安護花，又開拍電影《臥虎》讓她做女主角，後來有傳因為搭上馬德鐘而激嬲「老細」，最終脫殼 收場。
stacylife 發表在 痞客邦 留言(0) 人氣()
留言列表
留言列表
