24歲 Near上週六（ 16日） Near在深水埗港鐵站外派傳單，他稱 8年冇開電視，「用咗做電腦 mon，我咁鍾意林保怡都冇睇《天與地》啦！」
搜尋氣
罷睇 TVB 熄電視發起人：阿叻係懦夫！
阿叻靠香港觀眾養大，卻睇死香港人唔敢熄電視，早前聲稱如果週二台慶收視得番 2、 3點，便由電視城跪返屋企甚至去死，更嘲諷網民係「妄民」，態度囂張，激嬲網民發起熄機賀台慶及呼籲 800個收視調查戶熄機等行動，群情洶湧。
現職地盤文員的 Near（ 24歲），除咗力撐熄機更發起派傳單活動，呼籲市民熄電視，有 500多名網友參與支持； Near連日來親身到深水埗、荃灣、元朗等地區派傳單，雖然預咗阿叻唔使跪回家，但他坦言：「唔反擊只會繼續被人睇死！」
Near到深水�要求食肆在店內張貼傳單，得到十多間食肆支持，但有些食肆則表示要問過老闆才張貼。
阿叻嘅言論係導火線，佢係代表咗一班人，同佢一樣思想嘅人，可以話蔑視緊我哋，覺得我哋冇可能做到（熄電視），我係嬲點解我哋真係做唔到呢！我自己出錢印傳單，雖然都知收視唔會跌到 2、 3點，但最起碼要多啲人知，有人輕視我哋到咗呢個地步，今日唔做啲嘢，永遠俾人睇死。
阿叻係一個懦夫，又要威又要戴頭盔，你問我如果見到佢會同佢講乜？佢根本唔值得我同佢講嘢，同佢講乜都唔會明㗎啦！阿叻、成龍、溫兆倫都係香港觀眾養大，要搵大陸錢無可厚非，但出賣良心梗係有問題啦！
得 800個人代表晒全港收視係好無奈，遲啲多啲免費電視牌，好應該再增加，最起碼香港人口十分之一啦。之前 HKTV冇得發牌我已經好嬲，等於政府已經決定埋我哋嘅生活狀況喇，我唔會話香港𠵱家好封閉，但長此落去一定會囉！
我真正關心時事係反國民教育嗰陣，因為有黃之鋒，佢係英雄，吸引到我去注意件事，我唔可以話學到佢咁，但都想做番啲嘢，就算喺網上有幾多 like都只係數字，政府根本漠視你呢個數字！呢個係我最大嘅感受，所以要走出街呼籲囉。
吹雞派傳單
Near最近在 facebook呼籲網民一起派傳單，一呼百應， 4日內已有 500多人表示參加。
拍片反擊
留言列表
