啱啱喺新加坡珠寶公司 annual dinner表演完返港， Hunny話唔知新片《 Hunny撞綠魔》咁大反響喎。
搜尋氣
睡衣招兵 女魔師 Hunny：「平時畀開屎高登仔食」
其實玩魔術同收兵，都好似落降頭一樣，魔術師玩幻象畀你信係真，娘娘就係日日做啲嘢去洗班兵腦：「我最好、我最索！」玩魔術，睇落就會覺得係個魔術師勁，充滿想像力同才華，但係娘娘睇得多，啲仔會識分。呢個女仔係得個樣、淨係可以睇，定係可以交朋友囉。我諗我係後者，所以我第一條片《熱辣辣》用最低成本買盒魚蛋加個杯麵，仲要連妝都冇化反而點擊最多。
我同司徒夾帶都認為我嘅市場定位係女醜，唔係女神，所以我從來唔志在個女神榜，用把奇怪聲去唱〈熱辣辣〉，結果俾人話「好想檢舉你把聲」就正中我下懷喇！我係一個鍾意氹人開心嘅人，唔使收多啲兵嚟氹自己開心，所以我先至會學魔術咋嘛！女神留番畀第二個做啦！我揀做吳君如、蝦頭得唔得？
Hunny話 10年前已經識司徒夾帶，喺夾帶影片中，自己一直擔當女醜角色：「我鍾意帶畀人歡樂，唔使收兵等人氹我囉！」 
一週點擊已經 41萬，《 Hunny撞綠魔》原來係 Citibank出錢拍嘅借錢交稅廣告：「露少少就話 41萬喇？其實我做女醜可以再冇低線啲！」截至週一更過 43萬！勁！ 
4年前得台灣魔術紅人劉謙賞識，力邀在台灣、內地巡迴表演，還登上內地魔術節目《奇跡之門》， Miss Hunny喺內地都算有人識。
撰文：娛樂組
攝影：賴穎雋
全站熱搜
留言列表
