除了坐唔定， Carmaney仲鍾意咩都試咩都八。細個學過單簧管、籃球、話劇、羽毛球、畫畫等，她說：「想做想學嘅我就會即刻做，雖然唔係樣樣叻，但至少無悔呀！」
U花 U草
黃嘉雯 天生不是 BB
新一屆高登女神選舉揭盅，除咗冠軍人妻謝安琪，其餘入圍 10強的岑麗香、官恩娜和黃心穎等都係千依百順 BB型，包拗頸一向唔係高登仔口味！
現就讀浸大人文學系 Yr.2的黃嘉雯（ Carmaney），雖然擁有典型索樣，大眼長髮等女神育成元素，但卻欠高登仔聽聽話話的大準則， Carmaney最討厭管束：「我份人都幾包拗頸，又貪玩，試過十號風球為追風，唔理其他人反對，走上山露營，又試過瞞住媽媽，一個人去英國旅行。」冇腳嘅雀仔，今次又要搵法官大人！
浸大人文學系 Yr.2黃嘉雯 Carmaney
一到星期六、日， Carmaney就會帶齊 ukulele同相機，捐窿捐罅搵郊外好去處。塔門、浪茄、鴨屎洲等都去過，分分鐘畀啲掛住打機的香港男仔更外向！
堅持跳舞
英國遇險
最怕要報到
作為家中孻女，自然個個當佢係寶，但愈管得嚴，呢隻甩繩馬騮卻走得愈遠：「之前我想染紅髮，明知媽媽唔鍾意，但我就先斬後奏；上年入 danso，媽媽唔鍾意我太夜返，叫我退隊，我知佢錫我，怕我辛苦，但愈唔畀，我偏偏愈硬頸。唔只屋企人，中學時曾經有心儀男同學，明明開頭好地地，但當佢哋（男同學）一想管我，叫我報告行蹤，或者只係佢哋向我報告，我都好怕，唔知係咪因為咁，嚇走晒啲男仔。」
一直以為自己是匹脫韁野馬，原來只是未碰上適合騎師。最近才初戀的 Carmaney坦言：「開頭佢成日問我『瞓未呀？』、『仲唔起身返學？』，我都有啲唔習慣，但之後慢慢明白佢係真心關心我，怕我亂嚟。其實有人關心、有人管都係福氣，可能我呢隻冇腳雀仔都要安定吓。」
U花 U草：
只要是各大專界的靚仔靚女，《 FACE》就會介紹給大家認識。
撰文：譚家昌
攝影：何榮亮
化妝： Wing@Wing L image
形象： Bryan@the Flaming
服裝： Lily Brown
留言列表
