上週五（ 28日），出名為食的細細粒到麥記開餐，點到成枱食物，食量驚人。
封面
陳嘉佳 未掂過男人 細細粒守處： 40歲先失身
上週一（ 25日）首播嘅《 My盛 Lady》，收視最高只有 28點，但劇中飾演富家盛女夏明珠的細細粒（陳嘉佳）搶盡鏡頭，尤其真情流露喊住話：「再食落去真係冇人幫到我，到時一定搵唔到男人鍾意我！」肥得可愛又可憐。
28歲的細細粒，原來現實中係從未拍過拖的 240磅肥妹處女，天生只對食有「情意結」，誓死唔肯減肥，就算上週六飛到曼谷玩四日三夜，身陷危城，細細粒照喪食睬你都傻！俾人話係「盛女」，細細粒決心守處：「我會守處守到 40歲，未到結婚階段我都唔會犯禁！」
《 My盛》珠珠搶戲細細粒於首週播出的《 My盛 Lady》很搶鏡，仲有報道指黃子華偏幫細細粒，令徐子珊不滿，細細粒果然得人歡心。《蘋果日報》圖片
「我唔鍾意運動！」
細細粒憑《 My盛 Lady》人氣急升，一到麥記即引來一大班粉絲要求合照，當中不少是男性，細細粒都好有異性緣㗎！
上週五（ 29日），細細粒到麥記開餐，美食當前，她已經急急腳落柯打，點滿成張枱都係麥樂雞、薯條汽水。早前網上一段名為《一生只想尋找一個肯挨（捱）麥記的女人》勁 hit，細細粒說：「其實我就覺得麥記幾好食，如果個女仔唔食，除非減肥，唔係都幾港女。其實做咩睇唔起啲食物，唔一定要食千幾二千蚊嘅嘢，先顯到身價。」
細細粒身形長期維持 240磅，不過身體狀況一直保持良好水平，從小到大都沒有任何大病痛，細細粒說︰「我唔鍾意運動，𠵱家開始注意食物嘅成分。」 11年加入娛樂圈後，細細粒開始減少進食高油、高熱量的食物。
愛玄彬裴勇俊
買完嘢食，細細粒即急不及待開餐，一邊食一邊笑晒！其實食得是福，不過細細粒可以食慢啲，唔使咁急囉！ 
細細粒手腳不算粗，只是身體龐大。 
細細粒雖然有成 240磅重，但對自己的手臂同小腿信心十足，任度唔嬲，反而條腰就死唔肯度。
匿酒店喪食
新劇角色反應咁好，細細粒忙完頭輪宣傳後，上週六飛到泰國曼谷度假，但就撞正當地爆發反政府示威，多個大型商場及百貨公司都關門，示威者仲佔據了政府總部，四面彿周邊以及包圍警察總部外。
週日（ 1日），細細粒行到 Siam Paragon附近，仲為本刊直擊現場狀況。香港保安局已於週一（ 2日）發出紅色外遊警告，呼籲一般市民應避免到當地旅行。
眼見外面立立亂，細細粒即刻匿入酒店，繼續同「食物」做好朋友，喪飲喪食。不時將美食分享到個人網頁上，似乎未被亂局打擾心情。
細細粒這次泰國遊跟一位朋友同行，原訂計劃都係 shopping、掃街邊美食，不過因遊行示威緣故而不敢外出，只好外賣帶返酒店。得知泰國暴動升溫，有不少朋友致電叫細細粒萬事小心，不過食字行先，細細粒去到邊都搵到好嘢食！細細粒說︰「見到當地電視台有個伯伯受傷，好驚！呢度真係好亂，好多條街都封咗，我呢兩日會留喺酒店，買完嘢食就即刻匿埋，最緊要有得食呀！」
1/12曼谷 身處危城日日食泰國曼谷爆發反政府示威，週日（ 1日），細細粒為《 FACE》直擊封路情況。 
細細粒在 Siam Paragon現場所見，情況愈來愈惡劣，惟有返酒店暫避。 
回港前一晚，細細粒執行李時發覺買得太多手信，但都不忘在手信山前擺勁 cute甫士。
匿喺酒店的細細粒，即刻到酒店內的餐廳醫肚。 
身在危城曼谷，細細粒不時自拍將相片放上網，向 fans報平安。
BMI（ Body Mass Index）的全名是「身體質量指數」，其計算公式如下： BMI＝體重（ kg）÷身高（ m）÷身高（ m）
*標準 BMI都是介乎 18.5與 24之間，若超過 30，則必須提高警覺了。 
由細肥到大
細細粒自小暴飲暴食，尤其在發育期間更變本加厲，體重直線上升，由最輕 140磅至高峰 260磅，現今維持 240磅。雖然重磅，不過幸好身體沒有任何大病痛。肥人嚟講，細細粒算靚女囉！
雖然自小被人取笑，長大後，已採取「聽唔到」的態度面對所有難聽說話。 
14歲好 pure自小食唔停，細細粒 14歲時體重已達 180磅，但勝在保持上海人好傳統，皮膚夠靚，好 pure喎！ 
細細粒喜歡食嘢，所以自小已是肥妹仔身形，但其實五官幾靚女，小學肥嘟嘟好可愛。
盛女逐個出
《 My盛 Lady》共有 7位盛女，身為「教主」的黃子華會各師各法，打救及改造每個盛女，為她們找尋好歸宿。
1號細細粒是劇中首位盛女出場，經過黃子華改造後成功找到另一半坤哥。 
2號王君馨男人婆性格，要教主發掘她身上的優點。 
3號陳敏之經改造後，成功變成自信十足的網絡歌手。
4號江美儀令許紹雄不再玩𡃁模，更向她表白。 
5號梁靖琪喜歡監控男人，不過令林子善挽回男人的尊嚴。 
6號高海寧喜歡拜金，險墮入富豪飯局，要教主黃子華出手打救。 
7號蝦頭教主前度，最終與徐子珊爭仔。 
採訪、撰文：張志威
攝影：攝影組
壹傳媒互動有
留言列表
