榮升第二任媽咪的張栢芝，上月順利誕下細仔Quintus，為令謝家大少、二少爺生活更舒適，霆鋒、栢芝決定大興土木，在億元舂坎角三千呎獨立屋內，加建多一間BB房。屋企沙塵滾滾，謝生謝太個多星期前，舉家由舂坎角搬到四季酒店暫住，預計一個月後，二少爺BB房便完成裝修。
產後動工
剛在五月中為霆鋒誕下細仔Quintus，張栢芝未坐滿月便四出行街shopping食飯，仲陪老公出埠拍戲鬼咁甜蜜。為幫謝家繼後香燈，栢芝已經四年無拍戲，有傳明年二月將夥拍梁朝偉，復出接拍爾冬陞新戲的她，近日頻頻亮相公開活動，為重返影壇作好準備；繼六月中出席上海電影節後，本週一（六月廿八日）下午，她再度飛上海，出席床褥代言活動。
身為廿四孝媽咪，栢芝始終以家庭為重，佗住Quintus期間已經同老公霆鋒商量，計劃在屋企加建多一間BB房，栢芝亦聽晒奶奶拉姑吩咐，等到Quintus出世滿月後才大興土木，避免犯下孕婦禁忌。
難遮巨腩
為此，一家四口搬住四季酒店，預計一個月後，裝修工程便可完成。「雖然栢芝明年先拍戲，但年尾要拍廣告，所以坐完月之後，呢兩個禮拜佢先開始減肥，住酒店可以方便佢游水同做gym。」栢芝友人說。
上週二（六月廿二日）下午，栢芝與化妝師好友Rick Chin及工人，到銅鑼灣接大仔Lucas放學返四季酒店，晚上九時再會合駁上長髮的霆鋒在酒店食晚飯。老公要拍戲搵錢唔黐家，栢芝對住霆鋒更加小鳥依人，飯後與友人到太子大廈夜店飲嘢，兩公婆全程十指緊扣，非常恩愛。
飲足三粒鐘，身穿灰色斗篷遮肚的栢芝，繑住霆鋒雙雙步出，始終啱啱開始修身，栢芝巨肚無所遁形，見有記者影相，即以過萬元Christian Louboutin窩釘手袋遮肚，霆鋒則心情勁靚與記者打晒招呼。
坐唔定
佗仔期間聽足奶奶話要响屋企安胎唔准四周走，家陣完成任務，栢芝已按捺不住，四出行街shopping。上週六（廿六日）栢芝跟細佬栢文出巡，到Element行街，當日穿上短褲運動裝的她，唔介意露出肥美小腿，但就慣性地以Hermes大手袋遮肚，發現記者後，更急急腳走到W酒店，登上栢文的坐駕離開。
「栢芝仲未減肥成功，梗係唔想俾記者影到啦！遲吓等佢瘦番晒，霆鋒又喺香港的話，栢芝打算一家四口影全家福，Wing Shya已經答應揸機！」栢芝友人說。
飲足三粒鐘，個肚脹卜卜未修身的栢芝，拖住老公恩愛離開。
見記者影相，栢芝以萬五元的Christian Louboutin手袋遮肚。
在舂坎角三千呎獨立屋內，謝家大少爺Lucas的BB房有三百呎大，傢俬從歐洲訂製，相信二少爺的未來小天地，一定唔輸蝕。
Lucas坐唔定，在車廂內不停開閂車廂燈，連uncle Rick都搞佢唔掂。
晚上九時，謝氏夫婦在酒店內食完飯，便撇低兩個仔，手拖手與友人出外飲嘢。
22/6
未成功修身的栢芝，與好友Rick Chin及工人接大仔Lucas放學，之後便急急腳返回「新居」四季酒店。
26/6
傍晚七時半，栢芝著短褲出動，與細佬栢文shopping行街，發現記者後即上車速逃。
28/6
栢芝以黑衣人打扮現身機場，飛上海出席廣告活動。
在上海的活動上，栢芝繼續以黑衣遮肚腩，更公開表示生仔計劃暫時「中場休息」，所以有時間重返影壇拍戲。
謝霆鋒張柏芝加建嬰兒房 舉家酒店暫住
張柏芝與謝霆鋒
榮升第二任媽咪的張柏芝上月順利誕下小兒子Quintus，爲令謝家大少、二少爺生活更舒適，謝霆鋒、張柏芝決定大興土木，在億元豪宅內加建一間嬰兒房。
家裏沙塵滾滾，謝霆鋒張柏芝在一個多星期前舉家由豪宅搬到豪華的四季酒店暫住，預計一個月後二少爺的嬰兒房就將完成。
留言列表
