周秀娜（Chrissie）依家已經俾人叫做「娜姐」，唔係齋吹捧，事實上佢真係有阿姐嘅氣派。話說佢早前為新戲《猛男滾死隊》喺跑馬地墳場拍外景，影大合照時，娜姐被安排企喺中間位，點知企佢隔籬嘅過氣華姐徐自賢忽然鬆踭，遮晒娜姐半邊身。但娜姐一啲都冇黑面，之後幾個女星合照時，佢仲讓個中間位俾徐自賢，自己就企側邊。娜姐好嘢！


大合照之後，輪到幾個女仔影相。娜姐貴為姐級，梗係懶得爭，就算爭都嫌失身份啦。徐自賢要中間位，咪讓俾佢囉。娜姐先唔稀罕。


當日一班藝人企戙戙影大合照，娜姐被安排企喺主角曾志偉隔籬，但大半個身被奀星徐自賢遮住。徐更叉腰鬆踭，小小位都唔留俾娜姐。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄