早前美國德州法庭就將 52歲、九度犯醉駕的 Bobby Stovall重判終身監禁，成為全球首宗因醉駕要坐成世監的案例。判得重唔重就各有說法，但最肯定的是醉駕確實累己累人，明知自制能力低的朋友，不妨裝個 Ignition Interlock，吹完波波， Pass咗先准着車，咁就萬無一失啦！記者：許維雅攝影：陳陶鈞Model： Sylvia
隨時要吹無得偷雞
想杜絕司機醉駕，只要裝個 Ignition Interlock咁就穩陣，原理是將酒精測試器接駁到車身引擎，若然酒精含度超標，司機就無法撻着車。其實 Ignition Interlock於美國好普遍，不少父母都會幫仔女的車裝上，又或者法庭用作判罰一些醉駕人士強制安裝。你以為開車時搵人幫你吹就可以過骨？開車途中，測試器會不定時呼叫要求司機再吹，杜絕偷雞。大家亦毋須擔心每次停一停又要再吹好麻煩，只要兩分鐘內再開車就免吹，生產商 C4話：「所有設定都跟足美國規例，可靠性亦取得合格證書。」怕車頭有條線駁住部機唔好睇？廠方話即將推出藍芽版本，免匙系統一樣可以裝，等大家再無藉口。一眾後知後覺的香港官員，係咪應該考慮引入用來監察酒鬼司機呢？
放大圖片 
■ Sylvia即飲 200ml啤酒，趁口腔酒精未散再試吹。結果顯示「 Test Fail」，當然着唔到車啦！
放大圖片 
■ Ignition Interlock$12,500（ a）（未連約$300安裝費）
Sylvia試玩 放大圖片 
■唔吹的確撻唔着車，不過只要着半下匙，測試器就會叫，指示你先要吹波仔。
放大圖片 
■合格的話，螢光幕會顯示「 Test Passed」，可以即刻着車。未飲酒的 Sylvia試吹第二次先成功，因為都要幾大啖氣。
Fuel Cell感應警用級別
喜歡有酒送飯，唔想中招坐監，有部酒精測試器傍身 Check吓，就可以安心開車。不過，呢類酒精測試器的價格差別都幾大，幾十至幾百元的貨仔都是用半導體傳感器，出來結果都好唔穩定，亦會同時感應濃烈氣味，如煙及咖啡等，準確度偏低。所以要買就最好揀一些只對酒精有反應的 Fuel Cell（電化學燃料電油）感應器，屬警用級別，貴就貴些少，但好似 Mark X及 Jupiter都取了美國及中國等地政府的合格驗證，準確度會有保證。
Jupiter（+/-5%偏差）$18,000（ b）
最新型號的警用級別款式，多個世界各地的驗證足以肯定結果可以作呈堂，有觸控屏幕、列印機及 GPS等功能。
放大圖片 
放大圖片 
■介面好似手機，可以輸入司機名稱及車牌等。
Mark X（+/-8%偏差）$2,500/a 放大圖片 
同樣用 Fuel Cell感應器，但只有初級驗證，可接駁外置打印機。
Saturn（無偏差保證）$375/a 放大圖片 
以半導體傳感器測試，設計比較簡陋，需要等約十幾秒先可以用。
便利店輕便裝（無偏差保證）約$90 放大圖片 
呢款係朋友曾經於便利店見到買來試玩，同屬半導體傳感器，連吹氣管都無，準確度更低。
吹波度數小測試
其實度數視乎不同人的體質、尺碼而不同，理論上高大或肥人就好似大容器一樣，相對較難超標，不過仲要睇是否空肚、胃部吸收等因素。雖然究竟飲幾多唔會超標實好難訂立一個準則，不過我們做了個小測試，以平日最多人開餐飲用的啤酒、紅酒及烈酒溝綠茶為例，查看度數會不會超出香港法例的 22度標準，同時用三種不同酒精測試儀作比拼， Check其穩定性。（以下數據只供參考）
測試機款 放大圖片 
1.MARK X2.便利店輕便裝3.SATURN
Case 1酒精份量： 500ml啤酒一罐（酒精含量 5%） 放大圖片 
結果（ 1） 9.8微克（ 2） 0.02%（即約 20微克）（ 3） 22.7微克
分析： 放大圖片 
身形矮小有番少少肉地的多姐飲大罐啤酒屬等閒事， 5分鐘已經飲完，雖然用 3號機測試顯示超標，但準確度最高的 1號機就合格。
Case 2酒精份量：紅酒一杯（酒精含量 13%） 放大圖片 
結果（ 1） 8.7微克（ 2） 0.01%（即約 10微克）（ 3） 22微克
分析： 放大圖片 
身形高大的 Joe飲了整杯紅酒都係只得 8.7微克，絕對同佢高過多姐差不多三分一有關，而 2號機於兩個測試中的結果差別甚大。
Case 3酒精份量： 5cle迷你馬爹利１支（酒精含量 40%） 放大圖片 
結果（ 1） 7.2微克（ 2） 0（ 3） 0
分析： 放大圖片 
中等身形的細權平日飲酒當飲水，兩分鐘已經倒晒落肚，酒精含量最高的測試結果比想像中低，由此可見影響度數的原因頗大，而 2號及 3號機更測不出結果。
查詢：
（ a） 2391 0370（ AES汽車配件用品）（ b） 3421 0580（ C4 Development） 
留言列表
