Selina預計需要 1年時間復元，由於傷勢不輕，康復後會留疤，相信日後難以短裙示人。台灣《蘋果日報》圖片
2010年10月29日
上周五（ 22日），台灣女子組合 S.H.E.成員任家萱（ Selina）拍攝湖南衛視新劇《我和春天有個約會》時不幸燒傷，現已送返台灣林口長庚醫院治療。 Selina原先打算今年 10月下嫁律師男友張承中，但佢希望喺電視圈大展拳腳，加上酬勞可觀，一集廿萬人民幣， 40集穩袋 800萬人民幣，眼見大好機會， Selina寧願押後婚期至出年 4月。可惜咁就換嚟一場無妄之災。
Selina爸爸透露，愛女全身 5成皮膚燒傷，約有 30%屬三級灼傷，以手腳最為嚴重，面頰側輕微燒傷及有水泡。經過 5小時清理壞死皮膚手術， Selina燒傷位置已敷上藥，目前情況穩定。醫院估計， Selina需要 2、 3個星期等皮膚自行復原元，如果情況唔理想，有可能要接受植皮。不過媽咪姐深信「大難不死必有後福」，希望在明天， Selina加油呀！
台灣林口長庚醫院
林口長庚醫院屬台灣數一數二嘅連鎖醫院。據知 Selina被安排到醫院嘅灼傷加護中心，並於周一（ 25日）進行長達 5個鐘嘅清創手術。
上海瑞金醫院
男主角內地影星俞灝明則仍在瑞金醫院留醫。發生意外時，俞曾以身保護 Selina，故傷勢較嚴重。據知俞背部、雙手等多處燒傷，部分更傷及網狀真皮層，臉亦腫到睜唔開眼，但慶幸並冇毀容。
全站熱搜
留言列表
