呂方前晚在紅館舉行個唱，當中最爆炸的是當觀眾叫他感謝鄭裕玲時，呂方叫大家不要亂講，又謂自己好朋友轉了是男性，該人正是常對他噓寒問暖照顧周到的倫永亮，故意為二人好友關係製造曖昧。


其他娛樂名人影片

呂方一連兩場「呂方 Touching Moment演唱會 2011」前晚在紅館展開序幕，入座率七成，楊琤也到場欣賞。呂方大唱首本名曲和別人的歌，其兩場個唱撞正王菲在亞洲博覽館開騷，故他對觀眾說：「最近好多演唱會，赤鱲角沙頭角牛頭角都有，多謝你哋嚟睇我。 Touching Moment點解，我唔係好知，字面係摸你一陣，希望大家和諧啲，摸吓隔籬隻手，握吓手，吹吓水，唔識都可以傾吓呂方靚唔靚仔，講嘢唔使負責任，赤鱲角咁遠唔好去。」現場播放呂方的電影和劇集片段後，他說：「我做咗 30年偶像，今時今日先知自己已經唔係偶像，有日有人搣我塊面話我肥咗，我冇晒自信心。」他又謂《秋天的童話》本來找他做主角，但因高度問題才轉找周潤發，他說：「我唱佢首主題曲仲好收過套戲，我着埋高踭鞋都唔夠周潤發高。」

放大圖片
杜德偉與呂方屬多年好友，前晚他特地任嘉賓。

杜德偉與呂方屬多年好友，前晚他特地任嘉賓。

放大圖片
有靚女舞蹈員伴舞，呂方又唱又跳，相當落力。

有靚女舞蹈員伴舞，呂方又唱又跳，相當落力。

觀眾：多謝嘟嘟

後來嘉賓杜德偉出場與呂方合唱，兩位好友互讚，到尾聲呂方致謝辭時，有觀眾大叫「多謝嘟嘟」，呂方即做出安靜手勢並叫：「 o殊！」又兩次強調「唔好亂講」，並謂：「家個好朋友，佢係男人，我轉咗，冇所謂啦，家男同女。呢個人喺我病會畀藥我食，我肚餓叫我去佢屋企食飯，攰時搵按摩師畀我，佢係倫永亮。」倫永亮隨即上台與呂方合唱《緣份》，倫永亮說：「我識咗佢 26年，今日見佢變高咗，佢唔開心會搵我同朋友食飯傾偈。」後來倫永亮為呂方彈琴，呂方還扮喊，但笑說：「咁開心，我又點會喊！」採訪：胡比　攝影：黃偉雄


呂方特別介紹好友倫永亮（右），故意將二人關係曖昧化。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄