導管抽脂
開窿後，醫生便插入極幼的抽脂管抽脂。珍妹今次要抽出 900cc脂肪，待傷口一個月後完全復原，才能於本月底進行第二次抽脂，兩次共抽身體 20%脂肪。事後珍妹話：「背脊同腰都唔痛，只係手臂有少少痛，不過第二日無事。」"
娛樂頂點
抽脂手術照曝光　李麗珍半裸露波邊　賺 300萬轉行賣珠寶
2010年03月12日
44歲的李麗珍，去年底的起心肝洗脫脹爆珍污名，先以百萬酬勞接拍瘦身食品廣告，由 130磅激減至 105磅，回復昔日蜜桃成熟時身形，並以中女之齡着上噴血三點式影相，挑戰新一代索女周秀娜。之後她再下一城，為悅榕莊做代言人，打 20針 botox瘦面，進帳二百萬。
減肥打 botox都未夠喉，近日珍妹更加入整容代言人行列，做抽脂及吊眼線手術，順勢再賺一筆。咁等錢使，皆因珍妹決定轉行大搞珠寶生意，順道執靚樣做生招牌，她語氣堅定說：「我對發展珠寶事業好有信心。」
一心搵銀轉行的珍妹，上月初主動向悅榕莊提出做其整容代言人。為賺三百萬酬勞，半裸躺在手術牀上公開抽脂過程。至於珍妹的癡心情長劍男友潘源良，更以行動支持珍妹整容。上月中便全程陪住女友到中環的整形外科診所做抽脂手術。由於抽脂主要改善曲線身形，因此珍妹由手臂、背部雞翼位、腰兩側和肚腩都進行抽脂。首輪目標抽走 900cc脂肪，至本月底再做腹部抽脂及吊眼線手術，急救下垂的眼皮，令雙眼更大更圓。
麻醉


首次做整容手術，珍妹顯得有點緊張。手術前先由麻醉師為她進行麻醉。由於抽脂分兩次進行，首輪主攻背部及手臂，珍妹全程均要半裸扒在牀上。
手術刀開窿 


為方便插入抽脂管，醫生要用手術刀在珍妹下腋（黑線位置）開約五毫米的小洞。
珠寶展擺檔 


上周五（ 5日），決定轉行的珍妹現身會展舉行的珠寶展，她設計的珠寶首飾放在其中一個攤位展出。現場有千四個來自世界各地的珠寶商參展，她到場取經之餘，亦不忘留意自己作品的市場反應。
頻頻推劇
珍妹頻頻急救外形，以為她為再戰娛圈鋪路，就連老友曾志偉都錯估珍妹心意，早前曾力邀她拍《 72家租客》，王晶又落足嘴頭珍妹性感上陣拍新片，點知兩個都慘食檸檬。原來珍妹自 6年前被爆搭上已婚髮型師 Jackey Ma及沉淪 3p迷幻生活後，已對娛圈頭意興闌珊，近年更密謀轉行，故去年初拍罷內地電影《紅河》便停工至今。面對愛女許椅榕今年升中，開始懂得照顧自己，珍妹便於去年修讀珠寶設計及珠寶鑑證課程，提升謀生技能。
知情者說：「早排志偉見佢減肥成功咪即刻搵佢拍《 72家租客》，點知珍妹話無興趣推咗，因為佢大半年前讀珠寶設計時，識咗香港玉器商會當副會長嘅同學謝先生，佢叫珍妹同佢合資，今年中喺灣仔開珠寶店，珍妹負責做設計同舖頭生招牌。你知做生意要好多錢，咁男友潘源良就幫佢搭路搵卓悅同悅榕莊做纖體整容代言人，三次加埋都有近六百萬落袋。」
頻頻銀
5個月前瘦身 


去年 10月珍妹先做纖體產品代言人，將從前脹爆的 130磅體重減至 105磅，即時以性感內衣晒冷，穩袋百萬酬勞。
3個月前打 botox 


去年 11月珍妹又打 botox瘦面，又袋二百萬，認真和味。
吊眼線 keep 15年 


近年珍妹因眼皮鬆弛下垂，搞到雙目無神，所以唔介意成為人工美女的她，決定月底吊眼線打救雙眼。
珍妹將於四月進行的吊眼線整容技術，是由日本及韓國引入，原理是在皮下植入眼線，除可令雙眼皮變得更深，亦會令雙眼在視覺上變得更大更明亮，因此在香港愈見流行。
手術時，醫生會因應求診人眼形，於每邊眼皮拮針，然後以手術線在針孔上縫成一條新眼線，雙眼皮效果即顯現。手術線三星期後眼線可跟眼皮融合，不會讓人察覺，相比傳統用刀割雙眼皮方法，雖然不能永久維持，但風險較低，不留疤痕。且一次手術可維持 10至 15年，最重要是手術線留在人體內，對身體沒有壞影響。
抽脂後多飲菠蘿汁 


李麗珍今次所做的超聲波抽脂，是 08年出現的整容技術，手術時間只需個半至兩個小時，較傳統抽脂手術縮短半小時，毋須留院，復原時間亦較快。超聲波抽脂法是先將金屬管注入生理鹽水幫助血管收縮及撐起皮膚，之後將導管插入皮層下，發放聲頻分解脂肪細胞，最後將已溶解的脂肪及鹽水混合物抽出便完成。每次抽脂不能超過 1500毫升，而手術後兩星期需穿上緊身衣，加快皮膚收緊。
醫生建議珍妹抽脂後多點休息及多飲菠蘿汁去瘀，且一個月內不能進行劇烈運動及提重物。由於手術時只在吸脂部位做一個 5毫米的切口，故傷口復原後會不留疤痕。 


男友潘源良知道珍妹去年想轉行做珠寶生意，故幫她諗計搭路掘金，做美容院代言人，今日珍妹轉行成功，真要多得男友出心出力。 


珍妹大方接受訪問，還興致勃勃做埋 model，戴上自己設計的戒指，還問記者：「我嘅作品靚唔靚？」當日她逗留珠寶展近 4個小時才離開。
顧客大讚


上周會展舉行國際珠寶展，中午 1點記者在一樓的「淘翠」攤位發現李麗珍（紅圈），該攤檔放了珍妹設計的旗袍戒指。現場有買家知道是珍妹設計都大感驚訝，並讚她的設計有創意，匿埋一角偷聽意見的珍妹，即時開心到震。
老師拍檔撐


展覽首日，珠寶設計老師 Jackie Law（左）到場為學生珍妹打氣，還大讚珍妹有潛質：「我俾佢嘅畢業功課評價好高，因為珍妹好有設計天分，有市場觸覺，係我勸佢入呢行。」右為珍妹的珠寶店拍擋謝生。
自家設計戒指 


珍妹以旗袍做戒指題材，分別用蜜糖紅、白、綠翡翠配 18k金，這是她修讀珠寶設計課程的畢業作品，只花一星期構思設計，珍妹話成本價約一萬元，零售價約二萬元。當中以蜜糖紅翡翠及白翡翠兩款最受歡迎。
珍妹：好難再拍戲
據知跟珍妹做生意的拍擋叫謝建榮，其家族經營 A級天然翡翠玉石數十年，兩年前他自立門戶開設「淘翠」，專賣翡翠玉及珠寶首飾，年中計劃與珍妹合資開另一家珠寶店。
坐言起行，珍妹上周五（ 5日）便在會展舉行的國際珠寶展現身，為生意拍擋謝生的攤位助陣。而由珍妹親自設計，以旗袍概念設計的寶石戒指亦放在「淘翠」攤位展出。當日所見，剛做完抽脂手術的珍妹身穿銀色貼身短裙到場，腰間回復曲線。見有客欣賞自己設計的戒指，不慣 sell客的她只躲在攤位一角，交由拍擋謝生負責。
記者上前訪問珍妹，以往對傳媒甚為抗拒的她一反常態，有問必答。她坦言希望淡出娛圈，全力搞好珠寶生意：「拍戲拍咗咁多年，已經覺得好悶，所以上年開始搵我嘅興趣。起初報讀珠寶鑑證，中途轉讀珠寶設計，早排啱啱畢業，我決定向呢方面發展。依家搵緊舖，同謝生一齊合資七位數字，喺灣仔或者金鐘開珠寶店。我負責做設計，嚟緊我會完成埋珠寶鑑證一年課程，考埋個試就可以攞鑑證牌，之後可能去意大利進修。珠寶生意會係我正職，除非遇到好鍾意嘅劇本，否則好難再令我復出拍戲。（男友支唔支持你轉行？）佢同個女一樣，我做乜佢都支持。（中年先轉行，有冇經過好大掙扎？）無喎，反而覺得呢個年頭仲可以搵到自己興趣，好想快啲轉型，我對發展珠寶事業好有信心。」
記者問珍妹是否為搵銀做生意才當整容代言人，她直認：「咁我嚟緊要為珠寶店做生招牌，都想自己靚啲，既然我唔介意整容，又有錢賺，何樂而不為？」
國際珠寶展於本周二（ 9日）結束，記者致電珍妹拍擋謝生，他稱珍妹處女作的戒指已接到訂單：「蜜糖紅色同白翡翠款式都有客訂，不過數量唔方便透露。另外亦有海外訂單傾緊，以佢第一次設計嚟講，已經有好好成績。」珍妹呢鋪中女轉行，總算成功踏出第一步！
曾志偉許鞍華想珍妹拍戲


「佢想轉行咩，唔怪得之前推咗我啦！我梗係想佢繼續拍戲，不過亦好支持佢開創新事業，最緊要佢做得成功又開心，搵到自己目標。」


曾找珍妹拍電影《千言萬語》、助她成為金馬影后的導演許鞍華，聽到珍妹轉行一點也不驚訝。「佢以前已經成日講話想學其他嘢，一早知佢想轉型，不過，最好佢繼續拍戲，我好希望之後可以同佢再合作。」
珍妹拜名師 


李麗珍就讀的「香港珠寶學院及寶石鑑定所」位於上環，校長乃享譽國際、有「翡翠皇后」美譽的知名寶石學家歐陽秋眉。珍妹讀的寶石鑑證，由她親自教授。






明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(03月刊)★ 週刊 及 雜誌(4-11月刊)☆ 週刊 及 雜誌(10-3月刊)☆


 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄