喺娛樂圈搵食，有實力有運氣固然重要，但待人接物都係好重要嘅一環，好多時識唔識撈，亦會影響自己嘅星途。好似王祖藍咁，又拍戲又拍劇又唱歌，人氣有幾高就見仁見智，不過好姨就好肯定佢係世界仔一名。

話說早幾日好姨去開電視城，咁啱邵氏電影《翡翠明珠》喺古裝街拍攝，咁好姨當然要去八一八。當時祖藍正企定定俾在場傳媒影相，之後有記者話不如影大合照，咁當日有份演出嘅林峯、容祖兒、阿Sa同大王（安德尊）就一齊上前，原本企中間位嘅祖藍，即時世界仔上身，好識做咁讓個中間位俾祖兒、阿Sa同林峯，自己就乖乖哋企番側邊影大合照。咁識做，唔怪得咁多人對祖藍評價極高，因為識時務者為俊傑嘛。


本來祖藍企定定影梗單人照，但之後有記者話不如影大合照，其他主角亦相繼到場。

 
祖藍本來企中間位，但佢一見到祖兒、阿Sa同林峯先後埋位，祖藍即時讓出中間位。


之後祖藍乖乖哋企側邊，咁識做，唔怪得祖藍工作一浪接一浪啦。

明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(03月刊)★ 週刊 及 雜誌(4-11月刊)☆ 週刊 及 雜誌(10-3月刊)☆
arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄