演唱會上，蕭亞軒帶領小巨蛋內萬多名觀眾幫媽咪祈福：「請你不要放棄。」開騷前，蕭亞軒更到過宜蘭三清宮，三跪九叩願折壽 10年以續母命，惜未能孝感動天。
國台扮
圓亡母心願　蕭亞軒承繼 2.5億遺產
2010年01月14日
2009年 12月 31日，入行 10年嘅蕭亞軒，終於完成首個小巨蛋演唱會。
2010年 1月 1日，同子宮頸癌搏鬥 2年嘅蕭媽媽， 12月中肺炎入院，聖誕昏迷，元旦病逝。
好比來回地獄折返人間，到小巨蛋開騷，蕭亞軒無非為完成媽咪嘅心願，孝順女終於做到，只係媽媽嘅病情無奇跡出現。
強人媽咪


蕭亞軒媽咪葉秀玲，終年只有 53歲。佢除咗臨終前分配好公司股份、買定嫁妝，更叮囑蕭亞軒經理人要好好照顧個女。

同老公離婚，蕭媽媽母兼父職湊大蕭亞軒兩姊弟，更一手創立元超國際股份有限公司，代理台灣半導體產品，公司年營業額接近 8億台幣，保守估計，蕭媽媽身家超過 10億台幣，大約 2.5億港元。
早已預備
擁有事業王國，但健康每況愈下，蕭媽媽在臨終前 3個月，決定將公司 50萬股股份，轉到蕭亞軒名下，仲安排囡囡做公司掛名董事；差不多同一時間，蕭媽媽再花 2,000萬港幣，買入「瑞安懷石」 3,000呎豪宅，送俾個女做嫁妝。
財產、心願一切妥當，响囡囡完騷後 11小時，蕭媽媽因為血小板無法凝結，器官大量出血辭世，之前一對仔女陪媽咪陪到天光，啱啱返到屋企沖涼換衫，就收到醫院傳來嘅噩耗。
已為亡母安排好葬禮同長生地，蕭亞軒嘅情緒由崩潰得要食鎮定劑入睡，變成接受現實，接受將來只能同細佬相依為命。


蕭亞軒讀小學三年級，父母決定離婚，蕭爸爸蕭堯任職 DJ及大學講師，年前罹患大腸癌成功痊癒，父母同樣中招，蕭亞軒絕對係高危一族。
 
每日會到醫院為媽咪守靈嘅蕭亞軒，除咗會齋戒 49日，仲同細佬密密摺蓮花、元寶，每日又會預備星巴克咖啡俾媽咪做「下午茶」。
 
台灣嘅訃聞，家屬會以文字悼念故人。蕭亞軒同細佬响訃聞寫上：「您將遠行至西方極樂世界，得到快樂及超凡美麗……最後，我們想對您說聲：媽咪，我們愛您。」
 
同蕭亞軒情同姊妹嘅楊謹華，除咗擔任個唱表演嘉賓，仲幫手打理蕭媽媽嘅身後事。




arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄