我好耐冇行 LV！（設計對白）
慳啲使啦！（設計對白）
Edison諗晒絕世好橋教陳見飛做生意，點知家姐踢極唔願郁，原定去年尾開業的新派影樓，至今仍未開張營業。
探熱針
家姐老豆陀衰家　陳冠希養家月使 70萬
2010年01月14日
淫照事件就快兩周年，反口唔認講過「無限期退出香港娛樂圈」嘅陳冠希，今時今日仲係無戲拍無碟出，就算時裝生意愈搞愈大，每月開支依然天文數字。
除了本身大使性格難移，每次返香港都要入住日租二千五的 W酒店，舊年破產後龜縮大陸的老豆陳澤民，衣食住行全部靠個仔接濟，最離譜仲有家姐陳見飛，細佬幫手諗掂生意大計，連鋪都租埋，點知家姐失戀無心機做，陳冠希要孭起鋪租燈油火蠟，加埋養起成頭家，搞到每月開支高見 70萬。
財色兼失


攤大手板食拖鞋飯的 Felix，經常陪米飯班主兼女友陳見飛出席活動，更唔怕醜攬埋一嚿晒恩愛。

舊年年中，陳見飛自爆同拍拖一年圈外男友 Felix分手更搬出西環愛巢，到跑馬地獨居：「我哋分手後無再聯絡，我哋住嗰間屋簽三年租約，而家都唔住，唔想唔開心。」
話搬就搬，尚有兩年死約在手要賠錢，陳見飛唯有搵細佬打救。「 Tricia（陳見飛）失戀嗰晚喊住打俾 Edison，話同 Felix分手好傷心，唔想再住西環間屋要即刻搬， Edison梗係幫住家姐啦！舊屋賠死約筆錢，仲有新屋嘅上期按金，全部 Edison俾晒！」陳見飛友人說。
近年陳見飛不斷出商場騷行 catwalk賺錢，即使酬勞唔多，日常開支其實唔使攤大手板，可惜遇上愛情騙子，令陳見飛入不敷支。「嗰個 Felix根本就食緊拖鞋飯， Tricia要搵錢返嚟養佢，你見個男人成日咁得閒陪女朋友行騷，就知佢無業遊民啦，兩個成日為錢鬧交，拍咗成年先分手， Tricia算忍得。」陳見飛友人說。
失戀大晒
無拖拍，陳見飛失戀心情一直未能平伏，更為情消瘦十幾磅，就算有工作搵上門，都唔願做。
陳冠希唔想家姐自暴自棄，於是提議陳見飛開鋪做生意，引入近年美國相當流行的新式影樓來港發展。
「外國班鬼妹鬼仔好羨慕啲荷李活巨星，可以行紅地氈，簽名响巨型 backdrop上面，美國有好多影樓模擬呢啲場景幫客人影相，仲好多人幫襯， Edison覺得香港個 market可以試，於是搵鋪、買器材、請人乜都同佢搞掂，仲諗住控制成本，安排家姐前鋪後居，點知 Tricia完全集中唔到精神，原本上年年尾開門做生意，到而家十劃只得兩、三撇，鋪租水電要 Edison全部俾晒！加上佢每個月要養埋爹哋媽咪，仲有自己盤生意，一個月使六、七十萬好正常。」陳冠希友人說。


10/1 4:00pm
經常返香港巡視時裝業務的陳冠希，週日一行五人巡完鋪後，在銅鑼灣街頭吹水，離開時見到記者影相，陳冠希露出得戚笑容。


發力搵錢
家姐唔生性，破產後龜縮大陸的父親陳澤民，衣食住行同樣要阿仔接濟，幸好陳爸爸多年來交遊廣闊，早前成功拉攏上海富婆泵水二千萬入股陳冠希的時裝公司，故能夠有足夠資金在上海連開三間分店，擴大時裝王國版圖。
生意愈做愈大，但陳冠希的演藝事業卻原地踏步，近年積極到荷李活試鏡的他，只獲一部蚊型西片《 Almost Perfect》睇中，飾演邊緣青年大配角。
電影難撈，陳冠希以前廣告合約多到接唔晒，因為淫照事件失去「大水喉」百事可樂合約，唯一「情不變」的就只有 Levi's牛仔褲。
去年陳冠希到台灣幫牛仔褲拍攝全新硬照廣告，同樣是品牌代言人的蔡依林，知道淫照大王駕到，即刻講明分開影、拒合照。想當日淫照女主角愈揭愈多，被拖埋落水的蔡依林，除公開否認外，更出價一億台幣買回自己的「淫照」以證清白。今日事過境遷保住台灣天后江山，蔡依林同陳冠希畫清界線絕對人之常情。


有老豆介紹富婆泵水 2,000萬，陳冠希上海時裝生意愈做愈大，舊年 12月舉行開幕禮，請來日本潮流教父藤原浩一齊趁熱鬧。
 
曾經講過「無限期退出香港娛樂圈」嘅陳冠希，去年中接受 CNN訪問時，反口話香港記者英文差，誤解意思；同時在節目中重提淫照女主角，被指借受害女星過橋，為復出做宣傳。
 
因為淫照事件到加拿大上庭，工作人員機票、住宿、請保鏢樣樣都係錢，全部要由老闆林建岳墊支，陳冠希只能賣身還債，去年便以 1,500萬續約十年給林建岳。
 
身邊經常出現年輕男伴，陳澤民破產後依舊風流，搬離加多利山後，住進三萬月租葡萄園洋房，出入駕駛積架房車，經常中港兩邊走，生活逍遙。

陳冠希支出表


老豆陳澤民、二家姐陳見飛（右二）洗腳唔抹腳，要陳冠希孭起成頭家，一個搵、全家使，好在大家姐陳麗華（右一）算生性。

老豆家用︰ 4萬
阿媽家用︰ 4萬
家姐鋪租及零用︰ 3.8萬
香港、上海、吉隆坡時裝店開支︰ 52萬
個人使費︰ 8萬
總支出︰ 71.8萬
撲水養家
陳冠希月使 70萬養家，藝人拍劇登台搵錢養起一家幾口其實大有人在。

張栢芝
撲水養家經典人物，除咗養阿媽、供同母異父家姐戴碧芝到加拿大讀書，仲有兩個早年不務正業細佬，買車做生意吃喝玩樂全部栢芝一手包辦，連老豆鬍鬚勇一家三口都要照顧。後來栢芝下嫁謝霆鋒，傳將近億身家分配一家大細後，從此經濟封鎖。

周秀娜
潮州 o靚模愈搏愈剝，有傳老豆生意失敗欠下巨債，要周秀娜賣肉償還，但佢全部否認：「唔好抹煞我哥哥同兩個細佬嘅付出，總之我哋四個一齊孭起頭家。」

郭書瑤（瑤瑤）
台灣「童顏巨乳」瑤瑤因父親心臟病發逝世，被迫一邊讀書一邊做「龍友」 o靚模養阿媽同細佬妹，屋企窮到合資格攞綜援，好在後來憑 32F巨乳獲網上遊戲商賞識拍廣告一炮而紅，成為電車男女神。

梁洛施
澳門出世，半歲時父親離世，阿媽要去賭場打工，梁洛施自小性格反叛唔願讀書， 12歲簽英皇做歌手養家， 18歲拍電影《伊莎貝拉》獲封影后， 19歲識到李澤楷， 20歲生李長治做未來首富媽咪，從此唔使撲水養家。







arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄