望女成鳳
阿媽棒打鴛鴦　楊怡黎諾懿半年玩完
2010年01月14日
憑《宮心計》奸妃姚金鈴角色奪「我最喜愛電視女角色」獎的楊怡，事業得意同時，更被踢爆跟奀星黎諾懿撻着，發展姊弟戀地下情。
戀情曝光後，一直希望女兒嫁個有錢人的楊媽媽，深怕奀星拖累阿女錢途，不惜出手棒打鴛鴦。被飛的黎諾懿十分傷心，近日不斷向好友哭訴：「我好唔捨得！」
識於微時
出道十年，楊怡終於憑《溏心風暴之家好月圓》及《宮心計》令事業逐步「升呢」，正式進身一線花旦之列。事業人氣齊升，同時被揭跟同屆訓練班出身，比自己年輕一歲的奀星黎諾懿撻着。楊怡事業愛情兩得意，楊媽媽卻大潑冷水，淨係想阿女嫁個有錢人，將來衣食無憂。
「阿怡同黎諾懿同期訓練班出身，多年嚟大家嘅際遇都麻麻，所以特別投契，互傾心事撐大家，諾懿同阿怡屋企人都好熟，經常會一齊食飯，就因為咁，阿怡媽咪以為佢哋係老死，冇諗到會拍拖。」黎諾懿身邊人說。


楊媽媽愛女深切，反對楊怡同黎諾懿來往，決定棒打鴛鴦，令「諾怡戀」半年玩完。（《忽然 1周》圖片）
 
楊怡跟藍偉傑拍拖四年多，隨住男方破產，亦被楊母棒打鴛鴦分手。

撥大葵扇
後生仔女愛情講心唔講金，一早已經鍾意楊怡嘅黎諾懿，雖然成功抱得美人歸，卻遭楊媽媽棒打鴛鴦。「阿怡媽知道（拍拖）之後好唔開心，一盆冷水照頭淋，叫個女諗清楚，諾懿無錢無事業，阿怡啱啱先上位，拍拖對事業會有好大影響。試過一次大家一齊食飯，阿怡媽係咁講買樓投資，單打諾懿買唔起，又成日搵人介紹有錢人俾個女識，搞到諾懿好無癮，最後佢兩個協議分手，做番好朋友！」黎諾懿身邊人說。
屬典型星媽的楊媽媽，大女楊卓娜選完美再入無綫，細女楊怡中學畢業便加入訓練班，多年來一直望女成鳳，將來嫁主好人家。像○四年，楊怡跟肥仔生意人藍偉傑拍拖，見未來親家投資開設科技有限公司，楊媽媽於是撥行大葵扇，可惜早前藍偉傑屋企破產欠下巨債，楊媽媽即刻叫阿女提出分手。
「藍偉傑破產，本來阿怡同佢拍拖好穩定，佢仲好撐男友，但阿媽好唔鍾意，最後都撐唔住要分手！」楊怡友人說。
至於被飛的黎諾懿，近日心情跌至谷底，經常向身邊好友哭訴：「真係唔想阿怡做磨心，但係同阿怡分手，真係好唔捨得！」知情者說。


憑《宮心計》人氣急升，早前楊怡與陳豪齊齊做除夕倒數活動搵真銀。（《忽然 1周》相片）
 
秘密拍拖期間，楊怡、黎諾懿便被本刊撞破一齊買相機。
 
楊怡家姐楊卓娜（左），舊年與廣告燈箱大王結婚，配合阿媽選婿要求。
 
今屆台慶頒獎禮，楊怡憑奸妃一角連奪兩獎，包括「我最喜愛電視女角色」及「最佳表現大獎」。

無得比
近期人氣急升的楊怡頻頻出席搵錢活動，接 job接到手軟，單是 09年收入已有 315萬，身價遠遠超過上年只有一劇在手的黎諾懿。





 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄