師妹我撐你！（設計對白）
天后發功
英皇宮心計　祖兒撐鍾舒漫鬥泳兒
2010年01月14日
近年深得楊受成歡心，榮升英皇新太后的泳兒，得寵指數與日俱升，連一姐容祖兒都要行埋一邊。為要抵禦外敵，容祖兒決定拉鍾舒漫埋堆，並提議合唱對方的大熱作品《給自己的信》，利用自己天后的勢力，力谷師妹上位，直情係英皇版《宮心計》！
食尾胡
憑《給自己的信》在頒獎禮上連環掃獎的鍾舒漫，不斷在台上多謝公司與同事支持，甚至喊到收唔到聲。
「 Sherman（鍾舒漫）同人講，佢最感激係祖兒，原本佢首歌上唔到榜首，因為祖兒主動提出合唱，多咗一個合唱版，令播放率提高咗好多，最後四台都攞第一，唔單止咁，祖兒仲幫佢諗埋頒獎禮著咩衫，《叱咤》嗰晚，因為 Sherman冇黑色皮靴襯中空裝，祖兒就借咗佢對黑色 Balmain皮靴出嚟。」鍾舒漫身邊人透露。
據了解，祖兒出盡全力扶師妹上位，除深明做新人艱難外，亦牽涉同門派系鬥爭。入行四年，一心想成為樂壇天后的泳兒，終於升格成為楊受成身邊大紅人。有老闆下旨力捧，公司上下不敢怠慢，泳兒今年便聯同師弟海鳴威合唱《我的回憶不是我的》，在卡拉 OK及國內同樣大受歡迎，令泳兒順利開拓國內市場。


多謝師姐！（設計對白）
 
我個後台仲勁！（設計對白）
 
容祖兒跟英皇得獎歌手齊齊出席 IFPI頒獎禮，不過跟泳兒（左二）全程冇交流，只顧住同好姊妹阿 Sa（右二）密密斟。

地位動搖
一朝得志，跟英皇其他藝人零交流，擺明唔埋堆的泳兒，甚至連師姐祖兒都冇面俾，二人多次在公開活動上冇偈傾。地位受到衝擊，祖兒決定出招玩大聯盟，力谷師妹升呢挫泳兒銳氣。
「 Sherman有祖兒幫拖，泳兒都冇有怕，因為英皇嚟緊要佢雙線發展，主攻國內巿場，又搵彭浩翔度身訂做，喺年中開套戲俾泳兒，男主角係响大陸有晒巿場嘅謝霆鋒，總之擺好多資源喺佢身上，務求做起泳兒，好難怪其他藝人眼紅囉。」知情者透露。


Sherman在頒獎禮著住的黑色皮靴，去年中容祖兒擔任 The Mira Hong Kong開幕禮嘉賓時，同樣著住襯中空裝。
 
去年三月劉家昌演唱會，英皇就派泳兒做代表，大 sell唱功兼力谷人氣。
 
去年英皇影十周年「英皇盛勢群星大合照」，泳兒（右一）已經升呢，跟 Twins企在第一排。
 
泳兒要闖影壇，英皇就搵謝霆鋒傍住合作電影，幫師妹打開內地市場。

借刀殺人
娛圈中人為爭人氣、爭上位、爭獎、爭寵而鬥個你死我活，為求生存，不但姊妹可以變敵人，朋友都照樣可以利用。
鄧麗欣、傅穎


昔日九餅好姊妹終反目，鄭中基入主金牌大風後，有指鄧麗欣不斷放毒針，令傅穎坐冷板凳，更拉攏其他姊妹包括吳雨霏等孤立傅穎，於去年金牌大風周年餐會中分桌而坐。就連生日都鬥到出面，傅穎生日場面冷清，反觀鄧麗欣貴為一姐生日，就宴請公司總動員到賀。傅穎最後忍無可忍，高調毀約過檔星皓。
趙碩之、尹蓁晞、戴夢夢


08年憑殺食身材上位的趙碩之，見師妹尹蓁晞（ Yumi）火速冒起，令她人氣下滑而甚為不滿。 Yumi被傳援交，碩之即落井下石，暗寸對方濫交，又聯同戴夢夢數臭她常遲到累街坊！同門師姐妹公然針鋒相對，最後兩敗俱傷，齊入雪櫃，惟有做場大龍鳳，於記者面前大方和解、冰釋前嫌。





 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄