M-Benz B-Class 平治新 B升格　加 E更抵 @ 明星靚相大分享☆

平治新 B升格　加 E更抵

一般人想平平哋搭遊艇坐私人飛機就話難啫，要平平哋就可以買架歐洲車揸，近年的確選擇甚多，廿萬出頭的 M-Benz B-Class可算是其中一部大熱之選。新一代Ｂ仔再殺到搶客，更首次在Ｂ系列加入 BlueEFFICIENCY牌頭的環保大軍，配合內外齊齊大升格的豪華配備，Ｂ仔的號召力越來越 Strong，日系小車地盤都咪話唔憂心。記者：許維雅攝影：譚盈傑Model： Suki@ GME

其他副刊影片性能全面大躍進放大圖片
■摺後座增至 666L的大尾廂，是 B仔另一大賣點。

■摺後座增至 666L的大尾廂，是 B仔另一大賣點。

平治早着先機，捉緊 budget唔多的年輕人或小家庭，都有愛歐洲車的虛榮心，由 1997年推出價低容積細的 A-Class車仔， 2005年推出更實用的長尾 B-Class，成功吸納更多新客源上歐洲車。相隔六年， B-Class亦是時候推出第二代以保持競爭力，於舊年十月傳媒便拉大隊到維也納試駕，發現各方面都 upgrade不少的 B仔，到港後定價可能要齊齊 up。上周於跑馬地舉行的發佈會終於揭曉答案，入場版 B180賣 26萬幾， B200則由 29萬幾起，咁抵玩，平治全新研發的 1.6公升 BlueDIRECT引擎功勞最大，配合全新 7G-DCT七前速雙離合器波箱、 ECO start/stop停車熄匙系統等㩗手發功，成功將油耗降低 12%以上，平均只需 5.9L/100km，帶挈新 B仔取得政府環保稅優惠以降低車價。除了為環保， B仔性能改動的另一宗旨是提升動感表現，廠方不但將車身降低，更配置全新四點式懸掛系統，以增強入彎及加速的穩定表現，有埋首次加入的專注力警示、 Pre-Safe等安全系統輔助，性能比起上一代有更全面的大躍進。其次， B仔保留了我最愛玩的主動泊車輔助系統，同時照顧車手和新手所需。

放大圖片
■天窗令空間感十足的車廂更開揚。

■天窗令空間感十足的車廂更開揚。

放大圖片
■ B仔的 488L尾廂，運載能力勝過大部份同級車。

■ B仔的 488L尾廂，運載能力勝過大部份同級車。

立體屏幕增豪華感放大圖片
■新 B仔有不少新車身顏色選擇，包括不少銀底藍及灰色。

■新 B仔有不少新車身顏色選擇，包括不少銀底藍及灰色。

B-Class配備及裝潢向來都以實用為主，不過新一代 B仔內外改革卻帶來不少驚喜，如高檔次車系先有的旋轉功能按鈕、藏於軚環背的迷你波棍、桃木櫳及圓形金屬冷氣口等等配備，都出現於新 B仔身上，就連貴車系欠奉的立體大屏幕及後座小餐桌都有，既提升豪華感覺又增加實用性。當中置於中控台上的全新立體屏幕，更是內櫳最搶眼之處，不過原裝配備只有 5.8吋，想增大至 7吋就要加錢喇。此外，車身拉長了 86mm至 4,359mm及擴闊 9mm至 1,786mm，軸距達 2,699mm，車廂空間更闊落，頭頂空間更達至 1,047mm，坐滿一家五口小家庭都唔怕逼狹。之前不少人都覺得 B仔外形偏笨重，新 B車側添上兩條立體骨線、頭尾燈均換上 LED燈、新泵把及頂置小尾翼等，一一都能夠將 B仔的帥氣升級。新 B價錢跟上一代相若，外形卻靚仔咗、內櫳又豪華咗、油耗更慳唔少，的確更有本事吸引年輕車主加入平治車主行列。

放大圖片
■內櫳裝潢有深啡桃木及電鍍選配，提升豪華格調。