羅美薇疑遭性騷擾 學友護妻即投訴

張學友昨日由福州做完巡唱返港，據知老婆羅美薇日前在馬會健身時疑被職員性騷擾，有指職員問眼部不適的她「使唔使吹」和舉中指，學友坦言老婆為此感到不快：「佢講英文，唔係香港人，係言語同肢體上有不適當表達，懶幽默！老婆忍咗一陣至同我講，所以我口頭同馬會投訴，馬會係非常嚴謹嘅機構，職員停職接受調查。（報警處理？）冇咁大件事，性騷擾係刑事，佢係不禮貌對待，所以我先作出投訴，依家佢已經停職，老婆可以安心去做運動，嗰度佢仲熟過我，唔使我陪，亦唔使請保鏢。」另外，學友表示在福州演唱時遇着下雨，幸沒有影響演出，對孫燕姿因舞台濕滑跌倒，他十分驚訝，並稱其巡唱亦發生過舞蹈員和工程人員受傷，幸沒有大礙。

學友表示不用陪太太羅美薇做運動，亦不會請保鏢護駕。

學友護妻：冇咁大件事

現年45歲的羅美薇息影多年，婚後專心相夫教女養尊處優，加上勤做運動Keep Fit，外貌和身材依然保持魅力。據知日前羅美薇到跑馬地馬會健身，做運動時眼部不適，有男職員竟挑逗問：「使唔使吹？」令她甚為氣結，怎知對方沒有反省，之後再見羅美薇手指受損，竟向她舉中指疑似不文手勢。

張學友昨日返港，炮轟馬會健身房的職員「懶幽默」。

員工停職

羅美薇不忿連環受辱，向老公學友「求救」，學友為妻出頭向馬會投訴，昨日他完成福州巡唱返港步出機場時，對於老婆疑受性騷擾，學友說：「冇咁大件事，係不禮貌對待，性騷擾係刑事，我冇寫信投訴，只係口頭同馬會投訴，馬會係非常嚴謹機構，職員停職接受調查。」

放大圖片

文化不同

職員是否問羅美薇「使唔使吹」及向她舉中指？學友說：「佢講英文，唔係香港人，係言語同肢體上有不適當表達，懶幽默！老婆唔嬲都唔使同我講啦，其實佢忍咗一陣，朋友話見過呢個職員有類似情況，所以我先投訴。（問會否請保鏢保護妻女？）唔使，可能大家文化唔同。」此外，學友透露日前冒雨演出福州巡唱，對於孫燕姿因舞台濕滑仆倒，他指戶外演出要小心，自己的巡唱試過有舞蹈員扭傷和工程人員跌落台，幸沒大礙。

文：音樂組