楊怡爆響口無綫鬧饑荒

馬國明、楊怡及羅仲謙主演的無綫劇《 On Call 36小時》，上周取得最高 33點收視（ 211萬人），平均收視達 30點（ 192萬人），成績理想，昨日舉行慶功宴。羅仲謙與楊怡被指傳出緋聞而間接取得高收視，楊怡笑說：「我從來都係實力派，我唔係偶像派，羅仲謙就係靚仔派。」對於會否以情侶檔再合作，楊怡說：「要問監製，家好饑荒。」問到是否無綫人手流失，造成演員饑荒？楊怡補鑊說：「我對錢銀好饑荒。」

嫌羅仲謙細

《 On Call》日前劇情講述羅仲謙用橫額海報向楊怡示愛，楊怡取笑海報太細，羅仲謙說：「現實中我未用過呢招。」羅仲謙表示，很歡迎客戶找他與楊怡組情侶檔宣傳，他硬銷說：「價錢有得傾。」採訪：張俊銘攝影：林德雄


羅仲謙恨與楊怡情侶檔搵銀，增加收入。

楊怡開到口叫謙仔學冧女招

緋聞情侶楊怡和羅仲謙昨日宣傳劇集《On Call 36 小時》時，經常打情罵俏。問到該劇收視不俗，是否因兩人緋聞帶動？楊怡笑說：「我向來實力派。」謙仔自稱是偶像實力派，但又指要跟楊怡學習，大讚她是實力偶像派靚女，楊怡即讚他靚仔。謙仔被問到有否用劇中的冧女招冧楊怡？他坦言未用到，楊怡即叫他：「偷吓師啦！如果現實中有個男仔咁浪漫，都好Sweet，但我唔係鍾意浪漫，我鍾意爆。（叫謙仔簽無綫經理人？）如果我係佢經理人，我會叫囉！（你想做？）點做呀！」記者笑言可抽謙仔佣金，謙仔笑說：「咁我咪食穀種！」

而劇中與楊怡一對的馬國明，被指遭謙仔奪去另一半，他笑指謙仔唔「擸」得幾耐，更叫他行埋一邊：「網上啲反應都期待我同楊怡一齊。（人哋現實生活中一齊喎！）我唔理，但我唔知佢哋現實生活係唔係，睇唔到蛛絲馬迹。」另外，廣管局錄得該劇一宗投訴，指劇集稱頌公立醫院醫生，有誤導巿民之嫌！

楊怡和羅仲謙不時打情罵俏，互笠高帽。

被搶去另一半的馬國明，惟有攬住黃智雯補數。

楊怡抓撈孖謙仔 打折搵銀

緋聞男女楊怡、羅仲謙於活動中互笠高帽、打情罵俏，楊怡讚謙仔靚仔，謙仔又讚她是實力偶像派靚女。之前二人被本報影到BBQ，楊怡乘機𢱑撈說：「最近金錢上鬧『饑荒』，若果有BBQ店開幕，可以搵我哋剪綵。」

楊怡開到口抓撈，恨與羅仲謙情侶檔搵真銀。

楊怡、謙仔、馬國明、黃智雯等昨出席《On Call 36 小時》的宣傳活動，宣布上周平均收視達30點，最高33點，一對緋聞男女受訪時不時互相吹捧、打情罵俏。

現一劇接一劇的謙仔，否認已在電視站穩腳：「不過今次係最有成功感，喺街都有人叫我劇中花名。」是否與楊怡傳緋聞帶動好收視？楊怡即笑言：「乜有啲咁嘅嘢咩？我向來係實力派。」在旁的謙仔即指自己是偶像實力派，二人更互笠高帽，謙仔說：「我要跟楊怡學習，佢係實力偶像派靚女。」楊怡即時「回禮」讚他是靚仔。對劇集反應佳會否再合作，他們說要問監製，毋須太刻意。

右起：羅仲謙、楊怡眼神一致默契十足，馬國明則跟黃智雯鬼咁好傾！

馬國明、黃智雯成為一對。

金錢「饑荒」

楊怡又自爆最近金錢上鬧「饑荒」：「所以無綫開電視劇我都會拍。（同謙仔情侶檔？）無論係唔係，出嚟你哋都話我哋情侶檔啦！如果有BBQ場開幕請我哋做剪綵嘉賓，價錢有得傾，可以打個折。」至於謙仔被問到有否向楊怡使出劇中的「冧女」招數？他揚言未有「出招」，楊怡即叫他「偷師」：「如果現實生活中有個男仔咁浪漫，都好sweet，不過我唔係鍾意浪漫，我鍾意爆！」記者笑言楊怡應勸謙仔簽無綫做經理人，兩人會有更多合作機會，楊怡謂：「如果我係佢經理人，我會叫囉！」

至於劇中與楊怡一對的馬國明，被指遭謙仔奪去另一半時，他笑謂：「佢唔擸得好耐，叫佢行埋一邊，網上啲反應都期待我同楊怡一齊。（人哋現實生活中一齊喎。）我唔理，不過我唔知佢哋現實生活係唔係，睇唔到蛛絲馬迹。」

另外，廣管局亦錄得《On Call》劇有一宗投訴，指劇集稱頌公立醫院醫生，有誤導巿民之嫌。