8/7加國追蹤
栢芝專登唔接 job，陪兩個仔去溫哥華度暑假。連日來都帶兩個仔入社區中心玩，呢日溜完冰更索性鞋都唔着就咁跳上朋友車。
封面
唔養鬼仔 帶 2子平住溫哥華 張栢芝脈門紋十字架洗底
跟謝霆鋒離婚 2年的張栢芝，最近被目擊帶住 2個仔 Lucas（謝振軒）及 Quintus（謝振南）於加拿大溫哥華遊玩，更有傳栢芝打算移居當地。
據離婚後的栢芝，除了搏命接戲搵錢，更一直母兼父職照顧即將六歲的 Lucas和三歲的 Quintus。據知栢芝於 11年 7月與霆鋒辦妥離婚手續時，已有打算帶兩子移民到加拿大溫哥華。「栢芝自己有錢，唯一係想爭番個仔，所以當時佢提出另一個有力 point，就係會令兩個仔健康、安靜咁成長，當時亦已經決定會帶兩個仔移民。霆鋒都喺加拿大長大，所以最後佢哋兩公婆都覺得溫哥華係一個好地方；二來栢芝家姐都住喺溫哥華，只係當時未決定幾時要實行！」栢芝身邊人透露。了解，早有準備帶二子離開香港移民溫哥華的栢芝，於上年尾已在當地置業，而本月初栢芝便攜兩子到當地旅行。此行目的除了是探望家姐戴碧芝及朋友外，更忙於替兩個寶貝仔搵學校。本刊連日追蹤，發現栢芝戒甩以往的大使作風，在溫哥華全程出入公眾康樂中心，屈住朋友平民屋，右手脈門更紋了一個「十字架」紋身。原來傳曾沉迷拜泰國神佛兼養鬼仔的栢芝已重投主的懷抱，棄養鬼仔，撤出香港，到當地過簡樸生活。
17/7最叻豎指
喺溫哥華 Surrey嘅社區中心玩完水，栢芝拖住 Lucas離開，打扮明顯比以前樸素，出街多數就咁紮一個「師奶髻」。記者見她經常豎起手指同朋友傾偈，露出右手脈門上嘅十字架新紋身。今年 6月（右圖）栢芝幫 Juicy Couture拍宣傳照時仍未紋上十字架。
6月(網上圖片)
社區中心游平民水
大仔 Lucas下月便滿 6歲，正準備升讀加拿大學校制的 Grade 1（相等於本地小一），栢芝亦係時候「的」起心肝，逐步撤出香港。
本刊於溫哥華時間 16日下午，在網民發現栢芝出沒的素里區（ Surrey）社區中心（ Surrey Sport& Leisure Centre）遇上正帶住 Lucas、 Quintus和女友人前往游水的栢芝。其間雖有市民發現栢芝，但素里區的居民主要為印度及韓國人，所以栢芝亦顯得很自在，不時跟兒子拍照，之後又狂自拍兼玩微信，不用開工又唔使俾人發現指指點點，栢芝心情相當不錯。
鬧爆 Lucas
Lucas由於扭計唔肯溜冰，被栢芝拉埋一邊指住鬧，企喺隔籬嘅朋友就唔敢出聲。至於 Quintus由於太細個，所以得個睇字冇落場。
爆喊
俾媽咪鬧完， Lucas同栢芝返到朋友屋企就狂喊，要栢芝呵番。
栢芝喺當地生活簡單，除咗去社區中心，就係同朋友去超市買日用品。栢芝更每日都素顏出現，跟在香港化行妝出街完全兩個人。
自己報料
栢芝被爆跟兩子在溫哥華度暑假，全因有網民在 Surrey的社區中心發現栢芝及兩個仔，仲影埋合照 po上網。本刊更發現栢芝的官方微博有上載栢芝今次溫哥華度假相。索性自己報料，起碼效果一定正面，醒咗！
忙電話
於栢芝在社區中心泳池陪兩個仔玩水期間，邊同朋友傾偈邊 WhatsApp同玩微信，好忙碌。
栢芝喺官方微博 po上游完水帶仔去公眾浴室排隊沖涼相，慈母形象爆晒燈。
清場影仔
其間栢芝叫喺 Lucas附近嘅細路讓開，等佢可以攞個靚角度影仔。
3.8加幣迫公眾池
Surrey Sport& Leisure Centre是政府設施，一般市民唔需要入場費，但每項活動均另收費，如游泳每次收加幣 3.75元（約港幣 28元），相當抵玩。
Lucas扭計栢芝狂鬧
栢芝於社區中心玩了個多小時後拖住兩個仔去沖身，然後坐朋友的舊款 7人車返回朋友位於社區中心附近屋企，翌日栢芝再帶兩子出動。
這天栢芝唔游水，改玩溜冰，栢芝換上一身溜冰裝，未到溜冰場已着好溜冰鞋，到達後栢芝熟練地到櫃枱為自己和 Lucas畀錢，不過幫 Lucas着裝備的重任就交畀同行女友人，自己則急不及待衝入溜冰場露兩手，難怪早前都傳熱愛溜冰的栢芝打算在國內建 150個溜冰場。
10分鐘後 Lucas不情不願行入溜冰場，而栢芝就埋去耳語兩句，似是叫 Lucas自己慢慢行，不過 Lucas行兩步便停低企定定，栢芝便叫 Lucas改用輔助工具，擾攘近一小時，栢芝已無心情溜冰，惟有當場指住 Lucas訓話。
收買細路
其間栢芝攞住大堆雪條請鄰屋細路食，氹到班細路好開心。
19/7
栢芝呢日冇帶仔出街，只係留喺朋友屋企，等兩個仔同鄰居玩。
玩掃地
踩完單車， Lucas（左一）同鄰居小朋友玩掃地，畫面搞笑。
千八萬做加拿大人
栢芝連日寄居朋友（小圖）家，該屋坐落於 Surrey的另一平民區，距離栢芝物業只有 5分鐘車程。
四哥同拉姑早年移民加拿大，霆鋒同婷婷兩兄妹都係加拿大籍，但原來栢芝及兩個仔要入籍都唔係咁易。記者向景鴻移民顧問查詢，負責人李小姐說即使父親係加籍，都唔代表 Lucas同 Quintus兩兄弟可以自動入籍：「由於佢哋離咗婚，所以都要撫養權屬於父親以及申請時父親本人留喺加拿大工作同生活先至得。所以都係建議搞投資移民，即係要喺當地銀行或其他資產、房地產、公司資產共 160萬加幣（約 1千 2百萬港元），另外喺政府移民基金存入 80萬加幣（約 6百萬港元）五年定期存款先至得。」
至於小童學費，私校每年大約 20萬至 30萬港元。即使冇加拿大國籍亦可因應個別學校收生準則而入讀政府學校。只要成為加拿大國民，由出生到高中基本上都可享有免費教育，政府更會每月存入 5百加元到父母戶口，以供將來子女升讀大學之用，福利比香港優勝好多。
加國掃平民屋
記者翻查當地樓宇買賣資料，原來早於去年 12月，栢芝以個人名義斥資約 100萬加幣（約港幣 750萬）買入位於 Surrey的平民區獨立屋。以專吼香港豪宅的栢芝來講算好慳家。
香港物業：
世紀大廈頂樓連天台
買入價： 1.28億（ 11年 8月）
市值： 1.35億
跑馬地翠景樓頂層（與母親聯名公司持有）
買入價： 1,770萬（ 11年 5月）
市值： 1,650萬
大坑龍濤苑高層單位（已售）
買入價： 440萬（ 11年 2月）
賣出： 630萬
據知栢芝物業現由印裔家庭租住。室內面積約有 3千呎，包括 5間睡房、 3個廁所及 3個車房。
加拿大物業：
Surrey獨立屋
市值：約 100萬加元（約 750萬港元）
栢芝物業一帶約有 2間政府小學，排名雖然一般，但勝在方便。
學校： Walnut Road Elementary School
Frost Road Elementary School
棄泰國神佛回歸主
本刊連日觀察，發現栢芝都是寄居朋友家中，而她去年尾買下一棟位於 Surrey、市值約 7百多萬港元的獨立屋則已出租。
往後數天栢芝即使沒帶兩子出街，都會讓他們在屋苑內踩單車，或者與鄰居小朋友玩，在香港已入讀加拿大國際學校幼稚園部的 Lucas，亦很快融入外籍鄰居圈子，顯得相當享受，經常玩到滿頭大汗。
栢芝於溫哥華期間，每天均以樸素打扮外出，日日素顏。本刊更發現栢芝右手脈門紋了一個大大的十字架紋身，心口亦戴了十字架頸鏈。據知曾迷信泰國神佛的栢芝，現已改信基督教，更改埋以往浮誇大使作風，樸實做人。
留在溫哥華度暑假，暫未接工作的栢芝，據知將於下月攜兩子返港；而早前謝賢被問到前新抱帶兩個孫移民，竟表示不知情。前「姑仔」謝婷婷亦話唔清楚，「吓？去咗喇？（佢哋應該只係去度暑假！）嚇死我，以為佢哋去咗唔返，我冇聽過！（佢哋移民？）上次見已經係 Quintus生日（ 5月 12日）， Quintus氹得我好開心，成日都好掛住佢哋。」至於一向同栢芝唔多啱 key嘅拉姑就一直關上手提電話，本刊至截稿前仍未聯絡得上。咁搞法，霆鋒想見對囝囝都好難。
20/7
呢日戴住紫色胸圍嘅栢芝繼續留喺朋友屋企同兩個仔玩，其間失驚冇神又指住 Lucas，不過今次係叫佢去另一邊玩，而唔係鬧仔。
心情大好嘅栢芝陪仔玩期間遇上外籍男鄰居一家，二人好好傾，有講有笑。
栢芝最近一次喺香港公開現身，已經係 5月去睇 C AllStar演唱會。(網上圖片)
謝霆鋒近日到內地擔任湖南衞視原創比賽節目《快樂男聲 2013》嘅評判，身價同 Eason一樣，齊齊收 8百萬人仔，輕鬆吸金。
謝賢同婷婷（小圖）都話唔知栢芝帶 Lucas同 Quintus移民。雖然兩子撫養權歸栢芝，但如果栢芝真係粒聲唔出帶走 Lucas同 Quintus，最嬲嘅一定係拉姑。《壹週刊》圖片
紋脈門唔痛
栢芝入行十幾年，上咗癮不斷紋身。連埋最新紋的十字架， 7個紋身中大多以花紋圖案為主，今次紋了「十字架」喺脈門位置非常當眼。
至於好多人都以為脈門因為皮薄所以紋起來會好痛，但紋身師傅 Dick就話：「腋下仲痛，亦唔會有乜危險，因為只會紋表皮，唔會入到真肉。」
請走鬼仔 好來好去
留言列表
