明星靚相大分享☆

桂綸鎂攞環保袋上機  桂綸鎂素顏似師奶 

■驟眼望落桂綸鎂真係有啲似屋邨嘅師奶。

互聯網圖片

【台北→香港】台灣女星桂綸鎂一向都唔係以靚取勝，不過佢嘅氣質喺中港台都係數一數二，吸引唔少宅男成為佢嘅fans。不過事實證明幾靚幾有氣質都好，妝前妝後都可以係兩個人。

前日晏晝佢由台灣飛嚟香港工作，就俾人影到佢完全冇化妝嘅相，黃黃嘅膚色加上眼鏡同頭箍，如果話佢似黃面婆可能刻薄咗啲，內地媒體就用「飄嬸味」嚟形容佢嘅素顏，事實睇落真係好似人妻師奶。

親民冇架子

當時桂綸鎂搭嘅係國泰CX475由台北嚟香港嘅飛機，現場人士形容佢非常親民，完全冇大牌架子，亦冇好似其他大明星咁上機都要化晒妝，仲好平凡咁用頭箍固定頭髮，一身藍色打扮嘅桂綸鎂同佢螢幕上嘅形象好唔同，而且仲好知慳識儉，冇用乜嘢名牌旅行篋或手袋，只係隨便孭個環保袋上機，另外就係一個類似日本無印良品品牌嘅拖篋，十分簡樸。更有趣嘅係明明佢坐嘅係商務位，但係就走來走去，同坐喺經濟艙嘅朋友吹水，雖然要逼經濟位，但佢都依然坐得好開心，全程同朋友講唔停。

撰文：李森

■化咗妝嘅桂綸鎂啲氣質真係唔同啲。資料圖片 

■環保袋和披肩就係桂綸鎂訪港嘅行頭。

互聯網圖片 

■原本坐商務位嘅桂綸鎂為咗同朋友傾偈，走咗去經濟位坐。互聯網圖片