當街騷肌
唯唯為了在新劇可以騷肌，早前搵私人教練狂操，完成外景後即除衫露出一排腹肌。唯唯當紮又弗成咁，要獵女，抑或俾女獵，應該冇乜難度。
打頭陣
梁烈唯溝完肥苟再嗒 Vivian 升呢梁烈唯煞停婚事
捱了 14年終於上位的梁烈唯，有個拍拖十年的女友 Tina（應采兒助手），雖然唯唯公開表示已認定對方，又話揀定鑽戒計劃結婚，但他對飛來蜢一樣來者不拒。
據知早前與城城搭上的苟芸慧，被飛之後電到唯唯暈得一陣陣，在新劇《飛虎 II》兩人飾演夫妻，唯唯更主動要求加牀戲，假公濟私。之後，唯唯年初與𡃁模 Vivian（羅彩玲）拍三級片《重口味》時戲假情真，拍激吻及牀戲時要求清場，拍完戲更以短訊傳情。
男友周圍獵女，加上對婚事一拖再拖， Tina一怒之下吵大鑊，在微博發表心死宣言，更一度搬離愛巢冷戰。
唯唯雖然已有個拍拖十年的女友，但面對住甜到漏的苟芸慧同青春性感的 Vivian，係男人都心動啦！
專人抹汗
周日（ 21日），梁烈唯與馬德鐘為新劇《飛虎 II》拍外景，大熱天時全副武裝標晒汗，其他演員都要自己抹汗，得唯唯有專人服侍，大爺咁款。
司機候命
狂接 job搵錢的唯唯，最近請了私人司機（左）駕駛由其父持有，新買入的七人車。這日拍完外景，唯唯即跳上車休息，有司機（藍衣者）排場果然唔同晒。
唯唯與𡃁模 Vivian在電影《重口味》內唔止脷疊脷，還有場廚房肉搏戲。戲中兩人都是背住另一半偷食，更有傳假戲真做，投入度 100%。
攞正牌溝女
人紅自然多女埋身，之前用情專一的唯唯，近月以工作為名暗地裏獵女。今年一月，他拍黃智亨執導的三級片《重口味》，與女主角苟芸慧已攞正牌打情罵俏。早前苟介入郭富城與熊黛林做小三，愈減愈肥被嘲肥苟，唯唯即維護她肥得靚，對她照顧有加，更不時以電話慰問，𠱁得肥苟好開心。上月中兩人去長隆拍特輯，肥苟被指當唯唯是水泡，毫不避忌狂放電。
嘆完肉女，再來一個𡃁模。唯唯在《重口味》其中一個單元與𡃁模 Vivian（羅彩玲）有多場激咀牀戲，兩人更要求清場拍攝，愈咀愈激。據知情人士透露，兩人唔止做戲咁簡單，「 Vivian見到唯唯已經放晒電，話自己冇經驗叫對方錫住佢。唯唯當時亦好受落，拍前已經見佢兩個好有交流黐到實。唯唯同佢咬耳仔，細聲講大聲笑，到真係 roll機時直頭忘晒形，導演嗌 cut都唔知。之後佢哋繼續以短訊來往，好明顯係互溝。」
唯唯與𡃁模 Vivian在電影《重口味》內唔止脷疊脷，還有場廚房肉搏戲。戲中兩人都是背住另一半偷食，更有傳假戲真做，投入度 100%。
幕前的唯唯經常演壞孩子，私底下亦經常去蒲。難得女友 Tina多年來不離不棄，但升呢後的他緋聞不絕， Tina終於忍無可忍，更在微博發心死宣言吐寃屈。
未婚妻吐寃屈
記者問過 Vivian，她大讚唯唯是個非常好的牀上對手。「唯唯真係好好，拍戲時佢教咗我好多嘢，又叫我放膽去做，我哋喺廚房搞嘢要周圍撞，佢攬住我自己用個身受晒啲力，真係好保護我。（有傳你哋之後仲短訊傳情？）哎呀！我唔想再俾人話我勾人男友，唔敢啦！」早前 Vivian被指主動撩周秀娜男友 Avis，導致兩人分手。勾人男友有前科的她，為保形象一於死口唔認。
鬼祟講電話
周一（ 22日）梁烈唯與女友 Tina到其表哥在跑馬地開設的茶餐廳醫肚，其間他不時走出店外講電話。當 Tina走出店外時，他即急忙收線，非常鬼祟。
貌合神離
對住女友 Tina，唯唯唧都唔笑，離開茶餐廳時各有各行，睇落似唔識多啲。
女友搬離愛巢
唯唯女友 Tina多年來對男友在外獵女都隻眼開隻眼閉，不過最近她發現男友對自己的態度非常冷淡，一怒之下吵大鑊。據 Tina密友透露，「唯唯成日以工作忙做藉口唔陪女友，其實有時去咗蒲。 Tina一直都啞忍，近半年唯唯同苟姑娘行得好埋，兩人開始嘈多咗。到最近《重口味》啲激咀照出街， Tina再發現唯唯同 Vivian嘅短訊，終於忍無可忍，吵完大鑊再搬出愛巢，又喺微博同密友狂呻。跟咗唯唯十年， Tina從來都冇要求過啲乜，一直同佢捱，到依家唯唯出頭，只係想有個名份啫！去年攞獎唯唯話計劃兩年內結婚，但完全冇着手籌備過，最近直頭當冇咗件事！兩個月前 Tina逼婚，唯唯就話：『依家上緊位，唔搏幾時搏？結婚遲啲先啦！』」
今年 34歲的唯唯，不止一次向外放風會娶 Tina，甚至多次被影到與女友一齊去睇鑽石戒指，不過全部都得個講字。就連 Tina老闆應采兒都睇唔過眼，曾表示會贊助兩人訂婚，藉以催促唯唯快些拉埋天窗。不為所動的唯唯上月被記者追問何時結婚，仍諸多推搪，「今年唔得啦！好多人結婚，冇地方擺酒。」
在圓方的超市內，唯唯與 Tina買餸回家玩煮飯仔，不過兩人唔多溫馨仲面左左，但當發現記者後，唯唯即拖住女友，擺明做樣俾記者睇。
見 fans即變臉
去到圓方，有 fans要求合照，唯唯隨即笑晒仲有求必應。
黑口黑面拍拖
事實上，唯唯與 Tina拍拖十年一直同居，三星期前 Tina一怒之下搬出愛巢，事後唯唯怕影響形象，遂不停以電話攻勢𠱁女友，還承諾以後生性唔蒲， Tina才心軟搬回愛巢。周一（ 22日），記者在碧堤半島守候多日，才首次發現唯唯與 Tina離開碧堤半島寓所。他們先去香港仔上了一幢工業大廈，再去跑馬地茶餐廳醫肚。未發現記者前，唯唯一直木無表情，與女友手都無拖過，其間更多次撇低 Tina鬼祟講電話。及後去到圓方停車場，唯唯見記者在場才拖住女友扮恩愛，不過個樣依然唔多歡容。
Tina：佢唔會𠝹女啩
周三（ 24日）下午 2時左右， Tina獨自由寓所外出，本刊記者上前做訪問，她表現得非常大方，似是早有準備。記：記者 T： Tina
記：收到你同唯唯之前吵大鑊，仲搬走過？
T：冇……冇呀！我哋依家好好。
記：點解呢兩個星期都唔見你喺寓所出入？
T：……我同唯唯都好忙。
記：唯唯最近同苟芸慧行得好埋又傳緋聞，又同𡃁模 Vivian拍戲激咀，有傳戲假情真，你係咪好嬲？
T：都係為工作。
記：你唔驚唯唯喺出面𠝹女咩？
T：我諗佢唔會𠝹女啩……（表情開始尷尬）
記：咁唯唯係咪拖婚？
T：（即時離開，還避開鏡頭）我趕住上車，唔答喇！
Tina聽到有關唯唯拖婚即封口，急急腳走人，明顯有難言之隱。
無綫當家小生買少見少，近年受力捧的唯唯雖個子不高勝在樣貌四正，加上活潑鬼馬的演技，唔止冧到女，觀眾緣亦不錯。近半年唯唯狂拍劇接電影，揚言要賺錢買樓讓女友住好啲，希望他真係唔會忘本，早日俾 Tina一個名份啦！
維護男友
周三（ 24日），唯唯女友 Tina離開深井寓所時接受記者訪問，她表示不信男友溝苟芸慧及𡃁模 Vivian，但對於唯唯拖婚，她則不作回應。
喜愛夜蒲
唯唯向來喜愛夜蒲，曾被影到與孫耀威在中環夜店外醉醺醺。早前他更在《獎門人》節目內承認試過兩次一夜情。
身價半年急升
冧苟有樣睇
唯唯 11年拍無綫劇《飛虎》與苟芸慧飾演情侶，兩人開始熟絡。之後無綫多次安排他們以情侶姿態出騷，今年更合作拍電影及微電影。苟姑娘以嗲功犀利出名，唯唯唔冧爆就假。
去年 8月在《飛虎》慶功宴上，肥苟因被刊登與謝天華拍劇的車震相而激動到喊，唯唯即時遞水又遞紙巾，非常殷勤。
11年拍《飛虎》，肥苟眾目睽睽下幫唯唯抹汗，睇得出男方當時非常受落。
今年 1月，三級片《重口味》開鏡活動，唯唯在記者面前餵肥苟食蛋糕，儼如真情侶一樣。
武打世家
梁烈唯（ Oscar）父親梁家禮是早年的武打片演員，梁家仁是其伯父。 99年，唯唯出道參演電影《監獄風雲之少年犯》飾少年梁家輝。 04年加入 TVB，一路都演二打六閒角，直至 08年憑《尖子攻略》提名萬千星輝頒獎典禮「最佳男配角」和「飛躍進步男藝員」。隨後他演出機會愈來愈多，每年平均參與四至五套劇集，雖然都是綠葉但戲份愈來愈重。去年他憑《缺宅男女》首次奪得「飛躍進步男藝員」，人氣即時暴升，現時開拍中的新劇《飛虎 II》他亦擔演第二男主角。
入行 14年的唯唯去年終於以大熱姿態勇奪「飛躍進步男藝員」，當時更在台上多謝支持他多年的女友 Tina。
03年梁烈唯仍是大配角，在電影《少年刀手》中他飾演邊緣少年，男主角是張栢芝細佬張豪龍（黃衫）。
12年在無綫劇《缺宅男女》中，唯唯飾演的關二哥，與劇中的關二嫂黃智雯日嘈夜嘈，兩人齊齊成功跑出。
唯唯參加了最近熱爆無綫的歌唱節目《星夢傳奇》，因為不用試音便入圍，即被指內定三甲。不過在周日（ 21日）的第三集，唯唯已被 out。對於其歌藝，網友彈多過讚
留言列表
