探熱針
大茶飯 揭歐陽巧瑩有米男友 住四千萬獨立屋
收埋虛榮
歐陽巧瑩的男友叫 Adrian Cheung，是一間資產管理公司的 Marketing Director，二人拍拖已一段日子。
談及與男友相處之道，歐陽巧瑩指參選期間男友為免影響她，每日只以短訊聯絡，但其實二人一直有見面，一個月前，還孖咇與大班朋友去睇格鬥賽事；將感情事淡化，原因是她不想被外界知道男友是有錢人，免得其釣金龜的作風，被一語道破。
據二人的好友透露，歐陽巧瑩很懂得捉心理，明知男友貪玩，毫無怨言之餘，甚至任對方自由發揮，永無詐型。
「 Tammy好識得咩叫欲擒先縱，參選嗰排要集訓，佢由得 Adrian去蒲，唔會 check住晒。講真，佢唔想俾人知道 Adrian係有錢仔，都係唔想外人認定佢真係貪慕虛榮。」
歐陽巧瑩刻意將男友 Adrian的有米家底淡化，是避免外人覺得她貪慕虛榮。 
Adrian是一家資產管理公司的 Marketing Director，家住四千萬蟠龍半島獨立屋，相對屋邨長大的 Tammy來說，確是筍盤。
女人緣旺
男友鍾意自己唔黐身， Adrian本身是蒲友，而且好有女人緣，甚至被朋友稱他做「蘭桂坊王子」。
「 Adrian成日同啲女仔玩到好癲，仲將啲相鋪晒上網，但 Tammy都隻眼開隻眼閉，話晒個男友有錢又後生，所以佢好緊張呢段關係，到而家都相安無事，係 Tammy識做人，俾着第二個，一早吵大鑊啦。」
據稱，同不少圈中人相熟的 Adrian也曾跟組合 Mi55成員 Olivia行得好埋，關係非比尋常。本刊也在網上發現不少 Adrian船 P同夜蒲相，還有 Olivia像女主人般，坐在身邊陪他過生日的親密照。歐陽巧瑩要箍住有米男友，確係唔忍唔得。
新鮮出爐的四位港姐選完即爆不和；亞軍蔡思貝（右二）更曾當眾指 Tammy又假又扮嘢（右一），很難令人相信二人會冇嫌隙。 
Tammy參選期間日日被爆臭史，又遭揭出多張唧胸床照，形象插水。 
女人緣旺的 Adrian攬女盛況（右）與 Tammy攬仔（左）數目有得揮。 
Adrian曾與組合 Mi55成員 Olivia過從甚密。
自言參選期間與男友（左一）只以短訊聯絡的 Tammy（左二），月前與男友及一大班友人睇格鬥賽。 
Tammy經常上載與 Adrian拍拖的相片晒恩愛兼宣示主權。 
撰文、攝影：娛樂組
留言列表
