Christina打開糖膠盒蓋，她的大仔 Brandon（右一）、細仔 Alastair（左一）、家姐 Sheila（右二）和她的女兒 Alysia，見到咁大個月餅，都忍唔住嘩嘩聲。
名氣生活
陳妙蘭 自製中秋
Brandon見到個迷你月餅聞完先食，但咬落又係蛋糕。 
外表看似月餅的蛋糕，餡料是朱古力脆脆。 
匿埋煲蠟
今年中，陳妙蘭（ Christina）將她的餅店 Christina's Creation，由雲咸街地鋪搬到擺花街的樓上鋪做 workshop，蛋糕就只接受預訂，主力開親子甜品班，教人布置餐桌和宴客菜餚，小朋友還可以在這裡開 party，「上個禮拜姨甥女喺度開生日會，小朋友親手整 cupcake，之後仲可以拎返屋企。」
每年中秋節正日，她和四姊妹都要同父母在鄉村俱樂部做節，有了這新場，她便相約家姐陳瑞蘭（ Sheila）和姨甥女玩多轉， Sheila笑說：「佢好曳，細個最鍾意喺花園煲蠟……」 Christina即搶着說：「我四年班試過喺間睡房煲蠟，仲嫌火太細，攞幾粒冰掟落去，蓬一聲成條火柱衝上天花板，燒咗一個烘，我即刻用張被冚熄啲火。」聽到 O晒嘴的 Sheila，到今日才知這秘密， Christina就得戚說：「所以我唔俾兩個仔玩蠟燭，佢哋玩嘅係電芯花燈。」
將奶油蛋糕放雪櫃，待變硬後用圓模 cut出來。 
蛋糕搽上奶油後，再包上糖膠放入月餅模中。 
按壓月餅模，取出迷你月餅。 
用噴槍噴上食用顏料即成。 
蛋糕扮月餅
中秋派對的主角，當然是 Christina自製的月餅。她在五年前開始自己做月餅，傳統月餅、雪糕月餅、奶黃月餅通通整過， Sheila說：「人人食月餅鍾意食個黃，我哋幾姊妹就最怕食。」 Christina亦話：「最得人驚係四黃蓮蓉月，挑晒啲黃出嚟，剩番好少蓮蓉，仲要賣到咁貴。」
為了氹兒子開心，今年她玩玩新意思，整了迷你月餅蛋糕和一個特大月餅蛋糕，待十一歲的大仔 Brandon一到，就捉住他問：「呢個係乜？」囝囝即刻答：「嘩！好大個月餅！」但一啖咬落去才知「中計」。
Christina用 fondant做迷你水果糖，送給小朋友。 
三個小朋友一個亂字，他們竟然用花燈玩層層疊。
謝穎婷 玫瑰香
曾在意大利留學的謝瑞麟細女謝穎婷，個性其實都幾浪漫，喜歡粉紅色，又鍾情玫瑰花，所以護膚品要用有玫瑰花幹細胞的 Lancome Absolue L'Extrait，連食月餅都刁鑽過人，只吃媽媽老友謝寧親手做的玫瑰月餅，「蓮蓉餡有玫瑰花香，街無得賣㗎。」
今個中秋，她拉埋媽媽張美琳，跟開糖水鋪的谷祖琳取經，學整玫瑰花奶凍，準備在迎月夜氹爸爸謝瑞麟開心，「甜品最有用，食完又甜又開心，爸爸同我一樣鍾意食朱古力。媽咪廚藝好得，她話要綁住男人，最先要填飽他的胃， tiramisu、 ricotta cheese cake都係她拿手甜品，連意大利人都讚好食過本地人煮。」
Lancome請谷祖琳（圓圖）開班教整甜品，張美琳試食女兒的製成品，大讚好味。 
浸軟的魚膠片放入鮮奶和忌廉熱漿中混和。
將混合物倒入小杯中，放雪櫃至凝固。 
謝寧自製的玫瑰月餅。
回復單身
謝穎婷剛結婚一年，以為她的澳洲籍老公好有口福，冷不防她淡然自爆已離婚，「幾個月前我回復單身，主因係 long distance同性格唔夾，對方完全不想來香港或中國發展，我又要長駐蘇州，不如早點分開。」她看着在幫她準備食材的媽媽，帶點感慨說：「好彩有媽咪一直在我身邊，所以不覺 lonely，加上相處時間唔長，對我影響唔太深，父母當然不想我離婚，但長痛不如短痛。」
謝穎婷是媽媽的掌上明珠，從不用入廚，今次她學整甜品雞手鴨腳，幸好有媽媽在旁幫手，她打趣笑說︰「依家媽咪成日陪我喺國內住，做埋我個司機、保鑣同廚師。」
經歷離婚後，三十一歲的謝穎婷說思想、情感上都成熟不少，但講到底親情更勝愛情，「搵一個人唔易，但家人就永遠都在我身邊。」
場地提備： GAGGENAU 
把果凍倒出放在碟上，再用混和了天然玫瑰香精的士多啤梨醬（右圖），隨意淋上面。
謝寧自製的玫瑰月餅。 
謝穎婷用士多啤梨、玫瑰花粒等做裝飾，再用朱古力寫上中秋二字，大功告成。 
撰文：李美媚、鄭子瑩
攝影：李敏軒、葉志明
留言列表
