突爆戀情新歡求婚鄭秀文 10億富豪教友曝光快週刊 610 期－明星靚相大分享☆

突爆戀情新歡求婚鄭秀文10億富豪教友曝光

Dry六年，最近忽然傳出鄭秀文戀上中年教友的消息，更有指兩人已蜜運三個月。據知，今次Sammi終於肯同許志安「一刀兩斷」，傳因對方已跟女友Michelle秘密拉埋天窗，復合美夢宣告幻滅。

雖然痛失舊愛，但新歡質素絕不輸蝕，據Sammi所屬教會港福堂的教友爆料，新歡名字叫Jason，年約46、47歲，於香港和內地都有生意，身家估計達十億；以「師兄」身份苦追Sammi近一年，期間試過上香閨陪讀聖經、又表演過十卡鑽戒求婚，最重要係佢自細信主，乃一名虔誠教徒。在主的引領下，Sammi展開新戀情。

早前記者發現Sammi跟一名中年男子撐腳，席間她表現興奮，細聲講大聲笑，疑似男友正式曝光。

感謝主，令Sammi從臭四變四萬，只可惜覆水難收，04年一時意氣嗌分手，斷送了同安仔的13年情，其後兩人多次鬧出復合疑雲，本年初安仔更唔避嫌於Sammi演唱會上合唱《其實你心裏有沒有我》，兩人於台上又攬又抱，女方感動到喊晒；之後Sammi被發現夜闖男方加多利山寓所，密會五小時，令復合疑雲邁向高潮。

安仔結婚

無奈知己無法變回情人，舊愛身邊已多位女朋友余德琳（Michelle），佢從07年擦出愛火後，表現恩愛，安仔更破天荒公開戀情。

有指42歲的安仔一直羨慕老友張健、梁漢文的家庭生活，加上自己年紀唔細，想做老竇就要爭取時間，去年佢被踢爆帶女友見家長談婚事，令婚訊甚囂塵上；有最新消息指，兩人已於去年尾美國註冊結婚，Michelle正式取代Sammi之位成為許太。名草有主，當知悉舊愛有教友新歡時，安仔不單冇醋意，且大方送上祝福：「佢都係時候拍拖，做老友要恭喜佢！」

教友力追

情已逝，最近Sammi以「遺憾」兩字為一切劃上句號：「我以前好任性，把愛我人視為理所當然，好容易將情緒發洩佢身上，我生命真係有好多遺憾。」

「其實阿Mi之前仲鍾意安仔，有諗過復合可能，但去到差唔多開演唱會陣，佢知道呢件事（結婚），有過就冇得返轉頭，阿Mi好坦然接受呢個事實。」知情人稱。

以Sammi條件當然唔使愁，據知，自07年加入港福堂大家庭後，身邊出現唔少高質異性教友，當中有位叫Jason，佢一直以「師兄」身份照顧Sammi，無論係聖經上問題，抑或係生活上有唔開心，一個電話，即到，仿如Sammi的良師益友。

空窗六年，最近忽然傳出鄭秀文戀上中年教友的消息，更有指兩人已蜜運三個月。據知，這次鄭秀文終于肯同許志安“一刀兩斷”，傳因對方已跟女友Michelle秘密結婚，複合美夢宣告幻滅。

雖然痛失舊愛，但新歡質素絕不輸，據鄭秀文所屬教會港福堂的教友爆料，新歡名字叫Jason，年約46、47歲，于香港和內地都有生意，身家估計達十億；以“師兄”身份苦追鄭秀文近一年，期間試過上香閨陪讀聖經、又表演過十卡鑽戒求婚，最重要是他自小信主，乃一名虔誠教徒。在主的引領下，鄭秀文展開新戀情。

早前記者發現鄭秀文跟一名中年男子吃晚餐，席間她表現興奮，小聲講大聲笑，疑似男友正式曝光。