無綫新劇《飛女正傳》今晚首播，噚日成班演員喺奧海城舉行宣傳活動，出席的包括有蔡少芬（ Ada）、朱慧敏、黃德斌以及曹永廉等，男主角陳豪因為有嘢做就未有出現。Ada以劇中嘅大籮柚造型現身，佢喺活動上仲舉起一個道具啞鈴，而其他男演員就要着上一條「大籮柚」嘅短褲，模仿 Ada嘅造型，鬼咁搞笑。

放大圖片

噚日活動上蔡少芬紮晒馬咁舉起道具啞鈴，可謂交足戲。

放大圖片

其他演員如曹永廉、黃德斌等同時以大籮柚 look出現，企埋一齊相當搞笑。

想似 Kelly做靚媽 放大圖片

何傲兒（左）同朱慧敏不約而同着上短裙出現，但朱慧敏嘅背心款較為搶鏡。

靚女變醜人， Ada話要以呢個肥身形示人都好辛苦，一來要着好多衫，又熱又焗，佢仲講笑話最唔開心係遮掩咗佢美好嘅身段喎！ Ada話：「人哋 keep得咁弗，諗住有得露吓，點知又要人哋扮肥。」一向身形甚弗嘅 Ada話就算他日生 BB，都唔會畀自己變成一個肥師奶，仲話：「家有孕婦營養餐，肥晒落 BB度，我希望生完可以好似陳慧琳咁着迷你裙。雖然我姓張，但我一定唔會變張師奶。」 Ada又強調自己身材唔係靠托，所有嘢都係真材實料。另外今個月 22號 29歲生日嘅朱慧敏，話希望搵到男朋友，不過佢都怕好多人標籤咗港姐嘅夢想係嫁入豪門呢種眼光喎！


蔡少芬喺戲中經常要以呢個大籮柚嘅中女造型出現，唔怪得佢話嘥晒佢嘅美貌同身材。

蔡少芬（Ada）、朱慧敏、曹永廉及黃德斌等昨日到奧海城為《飛女正傳》宣傳，Ada以「大籮」肥妹造型示人非常出位，但就很熱很辛苦。她稱不會令自己有肥的一天，就算生了小孩，也要像陳慧琳生完即刻穿迷你裙。Ada更自稱身材是黃金比例，應該有肉的地方才有肉，不需靠「托」。

左起：黃德斌、曹永廉及蔡少芬造型趣怪，引得朱慧敏哈哈笑。

另外，本月廿二日生日的朱慧敏笑謂心境仍是十八歲，生日願望則是身體健康及快樂，至於感情則隨緣。她說：「做呢行識個有錢嘅又話貪慕虛榮，識個一般嘅又話賺錢貼仔，同圈中人拍拖又好大壓力，所以努力工作養自己。」

蔡少芬寧願拋胸唔做籮霸

蔡少芬昨日以新劇的「大籮」肥妹造型出席活動，她大呻又熱又辛苦，寧願以低胸女超人Look示人，結果被朱慧敏的吊帶露背裙搶鏡！



朱慧敏穿上吊帶露背裙，十分搶鏡。

蔡少芬（Ada）、朱慧敏、曹永廉和黃德斌等昨日到奧海城宣傳新劇《飛女正傳》，Ada以劇中的四眼「大籮」肥妹造型現身，她坦言現實中絕不可能變成肥婆：「我有啲阿姨都係咁肥，但我一定唔會畀自己咁。（生仔會肥喎？）生仔都唔會，我要好似陳慧琳（Kelly）咁，生完仔即刻着到迷你裙，唔鍾意變張師奶。（啲人話生仔都會變蠢同冇記性！）唔緊要，依家都差唔多。」Ada自誇身材屬黃金比例偏瘦，但應有肉的地方有肉，不需要「托」！

朱慧敏賺錢養自己

此外，朱慧敏本月22日便29歲生日，但她笑言心境依然是18歲，而且當日要開工不能慶祝。至於生日願望，她說：「健康快樂。（搵個男友？）隨緣啦！做呢行冇乜機會識到，識個有錢嘅又話貪慕虛榮，識個一般嘅又話賺錢貼仔。（圈中人呢？）好大壓力，所以都係努力工作，自己養自己。」

影視組

黃德斌（左起）和曹永廉裝假Pat，與蔡少芬鬥「大籮」！