近日盛傳第三度懷孕的千億新抱徐子淇，昨晚珠光寶氣現身珠寶活動。她特別穿上腰間綴以透視薄紗的晚裝闢謠，她強調未再有 BB，但近日她已開始喝含鹼性的水配合，希望下胎可順利為李家添個男丁。

其他娛樂名人影片

現年 27歲的徐子淇已是兩女之母，她昨晚 7時多現身中環四季酒店，出席名牌卡地亞晚宴，戴上總值 2,300萬元的鑽飾亮相。子淇近日被傳再度有孕，故大家的焦點都落在她的肚皮上，現場所見，她的腹部平坦。恨仔的子淇穿上透視腰肢的低胸晚裝現身，並向記者否認懷孕，但她承認正在做準備，希望下胎可以為丈夫李家誠添男丁。

「老公會配合」 放大圖片

一身珠光寶氣的徐子淇，全身鑽飾約 2,300萬，十分貴氣。

子淇表示暫未有孕，但當傳出懷孕消息後，卻收到各方致電恭喜，她說：「醫生話未夠一年唔好有住，但都差唔多時間，老公家喺度，佢收集咗一叠生仔秘方資料，我都會一次過試晒，老公會配合。」問子淇又會吃甚麼配合？她說：「要配合酸鹼度，我已經飲緊一啲含鹼性嘅水同寶礦力，老公要食多啲肉。」問其老公李家誠可有操弗身體和補身嗎？子淇說：「生 BB係自然嘅事，要順天意，家有兩個女，我都想生仔。唔係好大壓力，我哋會生好多 BB，唔得咪下次再生，醫生話剖腹可以生 5次。」她雖恨仔，但不打算採用控制性別的人工授孕科技，也不會改名轉生仔運。對於梁洛施再度為男友李澤楷懷男嬰，育有兩女的子淇謂並沒因此感到壓力，她輕鬆說：「好多人都生好多仔，兩個女都令我好開心，我鍾意大家庭。」子淇的二女即將 1歲生日，一家人準備出埠旅行慶祝，她說：「有一次我鬧姐姐，佢話好驚我，家唔使我抱，佢話自己唔係 baby，係 big girl。」

超瓊否認緋聞 放大圖片

徐子淇和老公李家誠近日密謀造人，希望為細女晞兒（圖）和晞彤添個弟弟。　資料圖片

此外，同場的何超瓊否認跟商台高層俞琤的緋聞，她說：「一齊食飯好普通，我唔係十八同廿二，留少少私人空間畀我，我唔會因為咁少見朋友。」採訪：顏英儀攝影：林德雄


徐子淇昨晚穿上低胸晚裝，腰間綴以透明薄紗，以證暫未有身孕。

徐子淇依足秘方追慈姑椗

盛傳再度有喜的徐子淇，昨晚穿性感低胸露腰黑色晚裝出席卡地亞晚宴，騷苗條身形力闢懷孕傳聞，又稱會依照生仔秘方為李家添丁。

盛傳有喜的徐子淇，出席活動時穿露腰裝證未懷孕。

「肚皮」向來備受關注的徐子淇，近日盛傳再度有喜！昨晚子淇以神秘嘉賓身份出席卡地亞晚宴；她透露品牌捐了六十萬給「智行基金」，而「智行基金」已將其中三十萬捐作玉樹賑災。對於盛傳再度有喜，子淇笑謂：「唔係，醫生話要休息一年，依家差唔多喇。」

徐子淇準備為媽咪（右）慶祝母親節。

再採剖腹生B

子淇向傳媒透露現時手頭上有總共三吋厚的生仔秘方：「我會一次過試晒佢，主要食多啲鹼性嘢。（Martin（李家誠）配合到？）OK，佢喺香港。」問到是否想生仔時，子淇表示：「梗係想生仔啦！屋企有個男仔會開心啲。我哋鍾意大家庭，所以打算生好多個。」 又指若再度懷孕仍會選擇開刀！談到兩名囡囡，子淇更忍不住甜笑謂：「對住啲女好開心，屋企有小朋友好過有舊金。」子淇笑指現時清減不少的細囡已不再似鄭則士，不過仍未懂叫爸媽。

徐子淇係時候諗計添丁

「千億新抱」徐子淇昨晚出席珠寶活動，以低胸露腰晚裝證明並沒再懷第三胎，但她揚言是時候會想盡辦法為李家添個男丁。

盛傳徐子淇懷了第三胎，一直未獲證實，昨晚她應邀出席卡地亞活動時，以低胸吊帶露腰晚裝「擊破」懷孕傳聞，但她坦言已為再生育做好準備：「細女下個月至一歲生日，醫生話要一年休息，差唔多o架喇！」她更做手勢表示獲不少有心人送上生仔秘方，問到老公李家誠（Martin）能否配合？子淇說：「OK！佢喺香港，女人要食多啲鹼性，男人就要食多肉，佢一向都食好多！」已育有兩女的她不諱言恨生仔：「屋企有個男仔開心啲，醫生話可以開五次刀，所以都唔驚！（新科技可以揀生仔？）太極端，想試吓自己嘅方法先！（改名助生仔？）我幾鍾意自己個名喎！總之盡力生，因為我哋鍾意大家庭，打算生多幾個！」

與丈夫李家誠育有兩女的徐子淇揚言，是時候為李家添丁。 資料圖片



徐子淇以低胸露腰裙大騷美好身段，同時否認有餡傳聞。

李桂蘭與老公盛裝出席卡地亞活動，認真畀面。

呻大女唔畀抱

談到兩名女兒，子淇即興奮地說：「細女就生日，但唔搞派對，或者去旅行慶祝，地點未定。（細女仲似唔似鄭則士？）唔似喇！佢依家識爬，少咗肥肉，都OK靚女o架！」她慨嘆女兒大得快，兩歲的大女兒已不肯讓她抱，令她大感心酸，問到可會買定珠寶給女兒做嫁妝？她說：「屋企嘅已經夠！（再生叫Martin送珠寶畀你？）再送會有內疚感，不如將啲錢捐出去！」她更將昨晚卡地亞捐給「智行基金」的一半善款共三十萬港元，捐助玉樹災民，認真有心！

文：影視組

徐子淇獲卡地亞遠東區總裁陸慧全傍實，盡顯「千億新抱」地位。