今年書展水着 o靚模群起推出寫真集一決高下，其中周秀娜將正面對撼冒起的浸大咪神楊梓瑤（ Carol），兩人前晚及昨日同以三點式出現，率先隔空進行前哨戰。不過論身材， Carol憑着 34E成功擊敗 32D的周秀娜，難怪周要出動男友送蛋糕搶分。

其他娛樂名人影片

周秀娜去年憑着「露暈」寫真集爆紅書展，人氣持續高企成為吸金王，今年她再度推出寫真乘勝追擊，卻要面對多位 o靚模貼身挑戰，其中以近日冒升最快、有 34E浸大咪神之稱的楊梓瑤對周秀娜的威脅最大，兩人埋胸戰一觸即發。

放大圖片

周秀娜前晚穿比堅尼拍ＭＶ，大騷美好身材。

放大圖片

浸大咪神身材太勁，昨日行騷時出現漏奶情況。

周秀娜獲男友賀壽

周秀娜和 Carol分別於前晚和昨日以三點式示人，前晚周秀娜與師弟 Bro 5於柴灣拍攝世界盃打氣歌 MV，適逢當日是她的 25歲生日，其髮型師男友 Avis突然現身送上皇冠形生日蛋糕，更寫上「 Chrissie Queens Happy Birthday！」講明女友是他心目中的女王，周秀娜即時冧爆，更一度感動到眼紅紅。當記者要求 Avis吻賀女友，周秀娜即錫男友一啖回禮，她表示不知男友會到場，她說：「我冇諗過要佢通宵陪我咁辛苦，之前我去法國做嘢，睇中咗個手袋買咗，佢就畀番錢我當係生日禮物，好過佢亂買嘢我又唔鍾意。」問周秀娜可有考慮結婚？她說：「結婚我冇計劃呀，我哋兩個都係以事業為重，想搵錢。」至於年僅 21歲的 Carol昨日和汪圓圓及梁政珏等在沙田行泳衣騷，吸引近 200龍友塞滿商場。擁 34E巨胸的 Carol穿上比堅尼，但臀部卻露出橙皮紋，巨胸兩邊更不時出現「漏奶」情況，她說：「可能着時太趕，所以未整得好。」

放大圖片

男友送上生日蛋糕，周秀娜甜蜜獻吻。

放大圖片

梁政珏穿比堅尼拖着小女孩行騷，青春可人。

Carol成性幻想對象

問到 Carol被大量龍友向其上圍對焦，她說：「泳衣當然係 show body，開心人哋欣賞我。」問她會否介意成為性幻想對象？她說：「人哋諗乜我唔可以控制。」擁 33B上圍的汪圓圓面對同場的 Carol來勢洶洶，即暗寸說：「唔需要超大，頂住都麻煩啦。」採訪：魯萍、顏英儀攝影：黃文成、仇志德


有 34E上圍的浸大咪神 Carol穿三點式行騷，睇頭十足，但臀部的橙皮紋（小圖）卻相當趕客。

新 8模自爆遭兇徒面
其他娛樂名人影片

周秀娜師妹、新 8模今年也會推出寫真集，昨日她們到上環參與新戲《五號停機坪》選拔演員比賽，各人自選才藝表演。成員馬卓寧（ Vibeke）被指曾遭襲擊，故臉上有長疤痕，她憶起往事時淚如雨下，她說：「當時俾人用刀從後襲擊，有報警，但都搵唔到邊個做，呢件事對我都好大影響，不過家人、朋友同公司都好支持我，曾經都有諗過輕生，但係覺得做人唔可以咁易放棄。」成員 Suki的表演相當騎呢，她擺出不同表情後便表演飲維他奶，怎料漏到成口奶，還笑說：「我係咪好癲？」採訪、攝影：胡比


Vibeke談到當年遇襲的經過時，忍不住當場落淚。

周秀娜拍MV晒湯碗胸

周秀娜（Chrissie）前日生日，不過就要穿上比堅尼top，大騷湯碗胸通宵拍MV，Avis為讓女友驚喜，特意帶備生日蛋糕探班，冧得Chrissie開心不已。

周秀娜穿上比堅尼，大騷湯碗胸。

周秀娜前晚與師弟Bro 5為世界盃打氣歌《World Wide Wild》拍攝MV，Chrissie着上比堅尼top熱褲，大騷湯碗胸，十分性感。

前晚是Chrissie生日，不過全日在工作中度過，她表示會通宵拍攝。而拍攝期間男友Avis突然到場並攞出蛋糕給她驚喜，Chrissie即場吹蠟燭許願，為答謝男友還送上香吻。她興奮地說：「事前唔知佢會嚟，完全冇諗過會見到佢。」

周秀娜與師弟Bro 5為世界盃打氣歌拍攝ＭＶ。

男友拿着蛋糕突然出現，令壽星女周秀娜甚驚喜。

搵錢至上結婚拖住

問到Chrissie男友有否送禮物，她說：「之前一直想買個袋，但搵唔到，後來喺法國拍寫真見到，自己就買咗，叫男友畀錢。」她透露生日願望是身體健康，至於會否想結婚？她說：「冇諗過咁快，大家都諗住做嘢搵錢先。（男友是否結婚對象？）都係理想對象，佢係好好嘅男朋友，好細心、體貼，講過嘅嘢都記得。」另外，被問到在公開場合會否着比堅尼跳舞？她說：「未必，要睇環境。（驚現場環境失控？）最重要畫面夠靚。」

採訪：名人組