Volvo C70 T5 30秒野性 @ 明星靚相大分享☆

對 Family Man來講，車最緊要實用。但男人這動物，本質總帶幾分不羈 DNA，生活上安份守己已算合格，講到揸車，總要容他有點放肆。講得白啲，車就代表男人， Volvo Facelift版 C70 T5，未開篷前是好老公一名，但 30秒打開篷頂後，野性即時湧現，這樣的「男人」，格外吸引。記者：趙慧敏攝影：陳陶鈞　Model： Debby@Pure Models

放大圖片
■銳利的頭燈設計加上 Xenon燈，更具霸氣。

■銳利的頭燈設計加上 Xenon燈，更具霸氣。

以前聽見 Volvo，總有點老氣橫秋嘅感覺，今時今日嘅富豪，已經夠 In夠新潮。就好像 C70當年已屬 Volvo開篷車經典， 2010 Facelift版都大玩換臉戲法，系列中頂級嘅 T5，經過設計師妙筆一揮，成個形象年輕晒，即時令吸引指數大增。其實 C70喺第一代階段，已經打破 Volvo一貫方方正正嘅車款設計，換上修長流線型。今次要玩換臉大法，就集中喺車頭位置，首先將原來偏向長形的頭燈改為向上微翹，加上菱形及起角的設計，營造銳利鷹眼嘅氣勢。鬼面罩亦經刻意改造，整個面積擴大，加上密集的網柵及電鍍裝飾，令整個車頭更添時代感及貴氣。至於車尾，改造位置雖不多，只是將尾燈設計稍加修改，以及重新將不同燈號鋪設，但足以令燈組更加搶眼之餘，亦給人煥然一新嘅感覺。至於尾箱容量，在收納篷頂後，亦由原來的 404公升下降至 200公升，不過瀟灑同載物量上，係就要稍作犧牲 o架喇。

三幅式硬頂摺合流暢

作為開篷車，開關形態才是我最關心的，才不要下雨天時，狼狽得淋到渾身雨水、人仍在車尾拉扯篷頂咁尷尬。 C70 T5開關篷頂過程，最令我動心，分成三幅式的硬摺篷，有條不紊在頭頂徐徐升起，再完全收納在尾箱之內，整個 30秒過程，動作優雅充滿美感，可以想像這過程在街頭上演，必定吸引高收視。開關篷頂必須在停車狀況下才能啟用，不設低速行駛關篷模式，稍嫌有點美中不足。性能方面， Facelift版的 C70 T5仍沿用 2.5公升直五引擎，長度與舊款相同，重量雖為 1,651kg，但速度絕不能睇小，有成 230匹馬力，由 0至 100km/h只需 6.7秒。根據廠方數字，每 100公里只耗油 9.4公升，以現時每公升約$14.3計算，每公里約只需$1.3，以同級車來講，已算慳油喇。

放大圖片
■微微翹起的尾翼，含蓄得來不乏跑味。