吳日言再接再厲於今年書展出新書，不過今次她不做導遊變身「食神」，雖然被封為星級「才女」和「食家」，身份明顯升呢，可是這個「封號」卻好睇唔好食，除採寫、攝影一腳踢外，最慘是連試食費都要自掏腰包。 吳日言（Yan）去年推出旅遊書後，今年力作是飲食書，化身美食專家帶「好食之徒」遊勻全港，品嘗各款特色美食，她說：「我呢本美食書同其他美食指南唔同，係以情侶搵食做出發點，提供好地方、好食嘢畀大家選擇，啲情侶揸住我呢本書，就唔會為食乜而拗交。」 由於她要試勻全港五十間特色食店，故Yan在搜集資料方面也相當費神：「其實香港有好嘢食嘅地方何止咁少，要精選五十間都幾難。」她除要採訪、執筆，連攝影都要靠自己，所以為了這本書，Yan已捱了幾晚通宵，儲在電腦的筆記已有三十幾版之多。 問她如此落力，酬勞是否相當可觀？Yan竟然說：「唔係喎！我可能要倒貼o架！」原來出版商僅提供五千大元給Yan試菜之用，平均每餐只可以花費一百元，不過因部分介紹的是高級餐廳，故一百元根本「埋唔到單」，惟有自資試食。 雖然如此，但Yan仍樂於接這單「蝕本Job」，皆因她天生愛食，能和同道中人分享美食心得是人生一大樂事：「好彩有啲餐廳知我係嚟介紹嘅！都會免費請我食，我好感激佢哋咁熱心幫我，如果唔係銀包就好傷啦！」 今年書展，不少青春模已揚言會推出終極性感寫真，誓要大賺一筆，問到Yan要力抗一班「賣肉少女」，如何突圍而出？她信心十足地說：「我未驚過。」因她覺得自己的書迷層面比模廣得多：「除咗情侶會買我呢本書去拍拖外，重點客路係一班高消費力嘅媽咪級Fans，自從我做過兩輯烹飪節目後，吸納咗好多媽咪級擁躉，佢哋好支持我，我覺得啲宅男嘅錢都係媽咪畀，所以我贏面仲大。」 另外，問Yan可有興趣再任烹飪節目主持，她坦言很「恨」再和電視台合作，皆因上次擔任兩輯《Cooking媽嫲》的主持時，除令她人氣急升外，還吸納了很多Fans，雖然早前的節目沒有和她續約，令她失去上鏡機會，但有信心只要有毅力，肯做肯捱，終於會有伯樂欣賞的她的才華：「我真係好鍾意做主持o架！如果電視台對我有興趣，就快啲嚟搵我啦！」
Yan天生愛吃，最喜歡和同道中人分享美食心得。
身材勻稱的Yan，曾擔任模特兒行泳衣騷。資料圖片
Yan（右）曾與歐陽靖（左）及Dear Jane樂隊往試食。資料圖片
採寫攝一腳踢
放大圖片
書迷層面廣闊
Yan即將推出美食書，有信心成功力抗 模的寫真集。
留言列表
