崔建邦被前女友鄺敏慧控毆打的官司已獲撤銷控罪，昨日他在荃灣為珠寶店活動任司儀，官司甩身後首次復工，表現略為緊張，他解釋未習慣嘈吵的環境，又以「重新開始」來形容自己，並會繼續聽取恩師陳志雲的意見。

其他娛樂名人影片

新片《葉問前傳》的男女主角杜宇航、陳嘉桓，華姐朱璇、苟芸慧、港姐張嘉兒等昨日在荃灣出席金至尊珠寶店開幕剪綵活動，剛復工的崔建邦任司儀，表現明顯不及以往的淡定。

同志雲分憂放大圖片
崔建邦早前涉打中巴一案完結，昨日正式復工擔任司儀，卻表現緊張。

崔建邦早前涉打中巴一案完結，昨日正式復工擔任司儀，卻表現緊張。

崔建邦說：「可能環境比較嘈，我以重新一個自己出嚟工作，需要時間去習慣，我都冇諗太多，呢段時間以嚟我都有增值自己，早排食得多肥咗，都有做番多啲運動，希望有耳目一新感覺。」這段時間崔建邦仍有和陳志雲保持聯絡，並繼續為他分憂，邦邦說：「有通電話同見面，一直以嚟佢都係我人生路上面嘅恩師，畀好多意見我，我覺得自己家好似個新人咁，要重新面對一切，今後我會誠懇啲。」沒有恩師在背後力撐，問邦邦會否擔心遭無綫投閒置散？他說：「唔擔心，今次呢個司儀工作都係無綫幫我接，外邊工作，公司都會幫我安排好。」至於失去《勁歌金曲》主持，他會否希望將工作爭取回來？邦邦指沒有想這些事，而且 MC Jin的表現也很好，只希望將來有機會可以和他一齊合作擔當主持工作。

陳嘉桓離罩放大圖片
左起：張嘉兒、朱璇及苟芸慧擔任模特兒展示最新款鑽飾，份外明艷照人。

左起：張嘉兒、朱璇及苟芸慧擔任模特兒展示最新款鑽飾，份外明艷照人。

此外，陳嘉桓穿了低胸裙現身，可惜因衣不稱身離罩走光，她說：「條裙係大會提供，嚟到至知要着呢件，係有少少鬆，但都冇尷尬，意外避免唔到，我唔會走性感路線，今年 11月我至夠 18歲，都係做番打女。」採訪：魯萍　攝影：仇志德

《葉問前傳》女主角陳嘉桓悉心打扮穿上露肩裙剪綵，但「缽仔糕」卻彈了出來，她仍懵然不知。

崔建邦復工失準

崔建邦復工遭陳嘉桓峰殺

崔建邦昨日為珠寶店開幕擔任司儀，這是他「復出」後首個搵銀工作，他坦言對酬勞感滿意，身為陳志雲寵兒的他表示不怕被無綫投閒置散。而陳嘉桓則性感示人，搶盡同場苟芸慧、朱璇等的風頭。

崔建邦對「復出」後首個司儀工作之酬勞感滿意。

崔建邦昨日為金至尊珠寶店開幕活動擔任司儀，他表示今次不算太緊張，問到酬勞有沒有升跌？他謂︰「冇問題，都好滿意。」

有同志雲聯絡

崔建邦又表示今次是審訊後的第一個真正工作，他說︰「今次以一個新嘅自己出嚟做嘢，周日都會為慈善音樂會擔任司儀工作，（無綫有冇安排工作畀你？）未，不過有安排就會聯絡，（心唔心急？）唔會，自己都要時間去習慣，（你係陳志雲嘅人，怕唔怕喺無綫機會少？）今次重新出嚟工作，冇諗咁多，有工作就做，會裝備自己，希望令人耳目一新。」他又坦言有跟陳志雲保持聯絡，問對方有否給予意見？他說︰「佢係我人生路上嘅恩師，自己出番嚟就好似新人咁，會誠懇啲。」

談到歐陽靖接替了他擔任《勁歌金曲》主持，他表示對方做得很好，問有否信心攞番來做？他說︰「唔好咁講，都想同佢合作。」

陳嘉桓露胸墊

至於同場的還有杜宇航、陳嘉桓、張嘉兒、苟芸慧及朱璇，當中以「打女」陳嘉桓最性感搶鏡，不過佩戴了三十五萬鑽飾的她有點衣不稱身，不時露出膠紙及胸墊，要助手不時替她以圍巾遮擋及整理，事後她說︰「自己好少性感示人，條裙有少少鬆，因為瘦咗，（好尷尬？）意外避免唔到。」問她會否走性感路線？她說︰「唔會，公司想我做打女多啲，（打女都可以性感！）我仲細，未夠十八歲，（咁後生會否考慮出寫真？）暫時唔會。」

以低胸裝現身的陳嘉桓坦言自己不會行性感路線，會專注做打女。