高海寧和羅仲謙昨日到鑽石山出席「足球情侶 Cafe」活動，二人一起炮製足球蛋糕及示範控球，高海寧不懂用腳控制，司儀就叫她用身體一個部位控球，可惜高海寧只選擇用手，未有善用其豐滿身材控球。問高海寧會否喜歡謙仔這類健碩男？她直認說：「 OK呀，佢好 gentleman，頭先又提醒我小心走光。」她又稱有興趣找謙仔教健身，二人稍後會交換電話，問謙仔會否喜歡高海寧這類型女仔？他笑說：「要約會咗，再了解對方先知，其實我一早喺無綫識佢。」高海寧透露將赴南非主持世界盃，由於當地治安差，令她也有點擔心。採訪、攝影：溫敏芝

高海寧和羅仲謙昨日情侶檔姿態出席活動，二人互笠高帽並交換電話號碼。

高海寧做宅女免引人犯罪

高海寧即將到南非採訪世界盃，但由於當地治安時有負面傳聞，所以她決定變「宅女」，除工作之外，其餘時間必定匿在酒店玩電腦以保安全。

高海寧唔擔心到南非採訪，她打算晚上唔出夜街。

四年一度的世界盃盛事即將在南非舉行，屆時各地傳媒將派遣攝製隊伍到南非進行採訪，但鑑於當地治安負面傳聞甚多，有見及此，有指日本多間電視台禁派遣女主播到南非，實行安全第一，不過無綫方面未有改變初衷，仍然派高海寧夥拍馬啟仁到當地拍攝世界盃特輯。

頻向母報平安

而高海寧對於即將要深入「虎穴」三十八日，表示不太擔心，揚言在當地一定會與其他工作人員集體行動，其餘時間必定匿在酒店，絕不會單獨出街，她說：「好多工作人員都叫我小心啲，所以首飾、貴重物品，唔係必需品都唔會帶去，而夜晚唔會出街，日間就集體行動跟大隊，唔使做嘢就一定留喺酒店，而我哋住嘅酒店保安好好，我已經準備帶埋電腦，到時匿喺酒店同屋企人聯絡，媽咪叫我隔幾日報平安。」

一定集體行動

至於無綫外事部副總監曾醒明，透露公司選人到南非，定必有考慮過治安問題，他說：「同當地有聯絡過，到時當地會有專人安排攝製隊採訪同聯絡等所有事，有提出過要特別注意人身安全。（有冇為攝製隊買保險？）所有出外拍攝都會買，我哋喺出發前都交帶咗工作人員要特別警惕，重要財物唔好放當眼，一定要集體行動。」

此外，高海寧與羅仲謙昨日出席商場活動，羅仲謙表示羨慕對方可以到南非睇世界盃，席上二人表現合拍，高海寧更大讚對方有風度，羅仲謙笑言：「我哋應該要交換電話，跟住約會、了解，先睇吓有冇進一步發展。」

高海寧與羅仲謙出席商場活動好合拍。

羅仲謙一展球技，更羨慕高海寧去南非睇世界盃。

南非採訪世盃高海寧做宅女保命

新一代咪神高海寧即將到犯罪率高企的南非，拍攝世界盃特輯。對於有指日本多間電視台為保障人身安全，嚴禁傳媒派女主播到當地，高海寧表示不太擔心，指工作以外的時間會躲在酒店上網：「好多工作人員都叫我小心啲，首飾同貴重物品都唔會帶去，夜晚更加唔會出街。除咗跟大隊集體行動外，其餘時間會留喺酒店，已經準備帶埋電腦匿喺酒店同屋企人聯絡，媽咪叫我隔幾日報平安。」至於無綫外事部副總監曾醒明表示，當地有專人協助攝製隊採訪及聯絡，並提醒員工要特別注意安全，亦有為攝製隊買保險，並要求攝製隊集體行動。

此外，高海寧與羅仲謙昨日出席商場活動，對足球有濃烈興趣的羅仲謙表示，羨慕高海寧可到南非睇世界盃。