江若琳舞出極限周身傷

江若琳（Elanne）近日為新歌排舞，挑戰多個高難度的動作，搞到周身瘀傷，即將要面對歌、影、視三棲同時發展，Elanne坦言：「我好辛苦，冇時間談情說愛！」

Elanne輕易一跳，就飛上男舞蹈員的背上。

Elanne最近因拍劇跟陳鍵鋒傳出緋聞，她就一於少理，事關排山倒海的工作已經令她忙到一頭煙，除了拍古裝劇外，Elanne最近為新歌排舞，在星級排舞師High King的指導下，她竟然輕而易舉跳上男dancers的背脊，跪地、側手翻、疊羅漢等多個高難度動作，令人非常驚喜。

清減不少的Elanne連跳舞褲都要靠扣針扣實避免甩褲。

練到銅皮鐵骨

Elanne說：「自從上次演唱會跳完勁舞之後，大家反應都唔錯，所以今次主打歌都係快歌，再挑戰極限，我已經練到銅皮鐵骨，硬命一條！」Elanne一邊拍劇一邊練舞，撞到全身都瘀傷纍纍，身形更日漸纖瘦，連跳舞褲都要用扣針扣實以免甩褲，令媽咪非常心痛，她說：「媽咪見到我瘀晒，佢好緊張咁sms畀我，要我保重身體，錫身啲！」

Elanne透露七月將遠赴泰國開拍電影，屆時拍劇、錄音將同時進行，令她分身不暇，她說：「雖然係唔夠時間休息，不過真係好開心做到自己喜歡嘅工作，今次電影同劉青雲有對手戲，真係個好難得嘅機會！」

她笑言忙於應付三棲的工作，無暇再理會緋聞，問到跟陳鍵鋒見面會否尷尬？Elanne說：「一定唔會啦，我同佢同謝天華都係好好朋友，大家仲周不時拎啲緋聞出嚟講笑，（發展機會？）唔會啦，今次當幫套劇宣傳啦，我好辛苦，冇時間談情說愛。」

示範疊羅漢時，Elanne差點撞到頭頂的天花板。

多次用膝頭大力跣落地，Elanne難免瘀傷纍纍。

江若琳舞撻好肉阿媽心痛

江若琳（Elanne）近日為新歌排舞，挑戰跪地、側手翻與疊羅漢等多個高難度動作，加上忙於拍劇、拍電影，搞到全身瘀傷，令媽咪非常心痛。

早前在處女演唱會上「舞」出成績的Elanne大獲好評，唱片公司食住個勢，為她推出全新主打快歌。她為新歌排舞時可謂吃盡苦頭，因為星級排舞師High King準備一連串的高難度動作，包括過膊、跪地、側手翻及疊羅漢等危險動作，見到都覺得危危乎，Elanne說：「今次真係再一次挑戰自己，練到銅皮鐵骨！High King都叫我去學功夫，覺得我要好有力！」

放大圖片



為怕媽咪擔心，江若琳用護膝避免再撞傷。



江若琳苦練疊羅漢，但上膊後仍畏高，需要扶實牆壁。

江若琳用扣針扣實褲頭，避免勁舞時甩褲。

冇時間拍拖

雖然辛苦，但勁舞為她帶來成功感，可是因邊拍劇邊練舞，最終搞到全身瘀傷，媽咪見狀也大叫心痛，Elanne說：「媽咪打開張被見到我對腳瘀晒，都話勁心痛，仲好緊張咁SMS畀我，叫我錫身啲！」問到最近因拍劇而傳緋聞的陳鍵鋒可有關心慰問？她說：「我同佢同謝天華都係好好朋友，大家仲會周不時拎啲緋聞出嚟講笑。（發展機會？）唔會啦！今次當幫套劇宣傳，我好辛苦，冇時間談情說愛。」

另外，Elanne透露下月將遠赴泰國開拍電影，歌影視三棲忙到爆，她也擔心休息不足。不過，她笑言只要有機會跟影帝級人馬劉青雲合作，心情仍非常期待。

音樂組

江若琳挑戰側手翻等高難度「舞」功，搞到全身瘀傷。