傅穎B Cup水着撼o靚模

「宅男女神」傅穎（Theresa）拋開建立多年的「玉女」形象，加入一眾o靚模水着寫真戰，重金禮聘日本攝影大師米原康正（Yasumasa Yonehara）親自操刀拍攝，率先發功送上「抱抱」，再以性感B Cup比堅尼嚴陣以待。

「微波」一族的Theresa拿起比堅尼度身，一臉自信。

為迎戰寫真集激烈一仗，「玉女」Theresa矢言轉走性感形象，這亦是Theresa轉投星皓重炮第一擊，重金禮聘曾為日本水着女星野亞希、蒼井空、名模Lena等拍攝的攝影大師米原康正，將越洋來港為Theresa親自操刀拍攝寫真。

Theresa試誘人熱褲及跌膊衫。

發功送抱

當日米原在中環胡敏珊的錶舖CHOUETTE，甫見Theresa即熱情張開手攬到實，雖然當街當巷但Theresa完全受落，還跟他臉貼臉打招呼，眾人在錶舖內左挑右揀，侃侃而談，原來當日胡敏珊的老外男友也在場，大約半小時後Theresa再親送米原離開，兩人在街頭也傾談了一會才握手道別。

Theresa坦言寫真集請得米原為她操刀拍攝，對米原貼身抱抱，她笑說：「佢熱情，影相又靚，嗰日我帶佢去睇錶，因為胡敏珊贊助我本寫真集，米原話啲錶好靚，咪介紹佢去，老闆娘送咗隻錶畀我哋。」

Theresa與米原康正當街抱抱。

米原康正到胡敏珊店舖買名錶。

騷肩晒腿

翌日，Theresa再到尖沙咀搜羅性感比堅尼，見她專揀鮮色泳衣，雖然身形屬於「微波」一族，但都有B Cup Size，見她攞住一件件B Cup泳衣掛頸度身，又試誘人的跌膊衫及熱褲，在鏡前左照右照，最終大手筆買了三套比堅尼及露出股邊的熱褲，她笑說：「我買嚟影寫真，啲款式好靚，睇到我眼花繚亂。」