貿發局勒令禁o靚模在書展灑鹽花，自稱寫真純過蒸餾水的「百果園咪神」陳靜（DaDa）怒踩勁敵「浸大E神」楊梓瑤（Carol）似出鹹書，暗指Carol佗衰家令自己絕迹書展！

DaDa明寸浸大E神Carol出寫真如出鹹書，佗衰家害到一眾o靚模絕迹書展。

書展推出寫真是o靚模吸金的黃金機會，貿發局決定不接受品味低俗及意識不良的簽名活動，變相令一眾o靚模絕迹書展。今年有份推出寫真的DaDa以清純自居，如今有可能被其他o靚模拖落水，「興過火屎」的她即把矛頭指向同樣擁有E Cup上圍的死敵Carol。

浸大E神Carol的比堅尼照，的確令人想入非非。

「擺鹹書甫士」

昨日DaDa與「動漫Maggie」李曼筠出席《apm6.25懷念米高積遜逝世一周年紀念活動》時，深感自己是代罪羔羊，並說見過某o靚模的寫真照，覺得內容極之「過分」，初時含糊其詞不想開名：「唔知邊個呀！只見到有人將粒冰擺喺個胸度！」在寫真中含冰、舔波板糖的Carol登時呼之欲出，DaDa亦點頭承認所指的是Carol，還暗示有人佗衰家：「係呀，我係女人睇到都覺得好肉赤，佢（Carol）話係睇鹹書學番嚟，咁呢啲係咪鹹書呢？我好尊重大會，對我冇乜影響，我本書冇比堅尼冇內衣，大家會見到乜係健康性感。」

DaDa對於貿發局的行動覺得十分無奈，一心諗住一見支持者：「我本書唔會好似某啲人咁着廿幾件內衣，又話公司教話擺埋啲鹹書甫士，我覺得應該照顧吓啲小朋友，我會尊重大會決定。」

袁彌明

「佢有幾清純」

對於被DaDa無限上綱，Carol在電話中反駁叫無辜：「佢都未正式睇過我本寫真，就畀啲咁嘅觀點，唔通佢本寫真冇比堅尼就代表唔意識不良？我唔覺佢有幾清純囉，據知我本寫真都通過淫審處，佢嘅指摘好有挑釁性！我仲後生，對擺甫士冇乜經驗，撇除鹹書意識不良，人哋啲甫士真係擺得好靚。」

袁彌明（Erica）對o靚模被下封殺令，認為是好事，建議眾o靚模集合起來另覓場地搞簽名會，是否覺得o靚模寫真意淫？她說：「唔一定着比堅尼就係低俗，係啲甫士囉，記得有個o靚模着校服故意走光，意識不良囉！」矛頭直指冬甩的胡心諾（Rainbow）。Erica又說暫時不會參與有線世界盃節目，因嫌衣着太性感，眼濕濕地向節目負責人提出不想參與。

DaDa狂插含冰似鹹書

o靚模變相被貿發局禁足書展，「百果園咪神」陳靜（DaDa）直指「浸大E神」Carol似出鹹書佗衰家，Carol卻反駁DaDa扮清純，一對「E Cup宿敵」隔空互片，好睇過寫真大戰！

貿發局勒令書展嚴禁灑鹽花，決定不接受品味低俗及意識不良的簽名活動，變相令一眾o靚模絕迹書展，自稱寫真純過蒸餾水的DaDa深感無辜被牽連，昨日她出席《apm6.25懷念米高積遜逝世一週年紀念》活動時，自爆最近見過某o靚模的寫真照，更以「過分」來形容寫真極其露骨，問到所指是誰？DaDa起初說：「唔知邊個呀！只見到有人放粒冰喺個胸度！」問所指的是否在寫真中含冰、舔波板糖、勁擺誘人甫士的Carol（楊梓瑤）？DaDa大力點頭說：「係呀！我係女人睇到都覺得好肉赤，佢話係睇鹹書學番嚟，咁呢啲係咪鹹書呢？我好尊重大會，對我冇乜影響，我本書冇比堅尼冇內衣，大家會見到乜係健康性感！」

Carol的寫真集玩冰，引誘宅男。



Carol早前特地飛到峇里拍攝寫真，她笑言過程只着三點式，大呻「冇衫着」。



放大圖片

第一手消息請瀏覽on.cc
《即時新聞》

專案組

DaDa不屑Carol的寫真集以玩冰作招徠，出言勁踩。