PSV自創賽道 雞牛嚇對手
賽車勝負關鍵，往往因一個死亡彎角，搞到你翻唔到本！既然係咁，倒不如自己話事， Set好賽道，再你入局。最新 PSV遊戲《 ModNation》，不論直路、彎位，抑或起伏不平嘅暗斜，百分百由你話事，砌出啱心水嘅賽道，繼而成功翻本！記者：陳國輝攝影：周旭文Model： Anladia@GME淘女郎
鴨仔羊仔隨處擺 放大圖片 
■用手指捽過隔籬就可以加添建築物，係 PSV先有。
《 ModNation》早前已喺 PS3出現過，嗰陣特別強調用武器對付敵人，而自創角色、砌靚車玩法，只屬於次要。今集鼓勵機迷發揮創意，連賽道都可自行設計，用手指喺芒上便可畫出賽道，遊戲仲提供幾十種地勢，揀出低地同丘陵，務求令地勢崎嶇，提升難度。透過 PSV輕觸芒同埋掃背功能，在自創賽道時，可用指尖將添加物直接拖拉到賽道位置，毋須靠十字掣慢慢擺；更改地形嗰陣，亦可透過掃背功能，將一大遍平原變成高低不均嘅山路。最過癮係可於任何位置添加物件，除花草樹木，仲可以擺複式豪宅、摩天大廈、甚至走來走去嘅雞鴨牛羊！咁過癮，齋諗賽道已夠你消磨一天。
放大圖片 
■連特色高腳屋也可加進賽道，提升激戰味道。
放大圖片 
■擺家禽入賽道，仲識得走嚟走去，分分鐘嚇窒對手。
執靚架車挑戰全世界
《 ModNation》以「生涯模式」作為遊戲主軸，畀你於大約 20條賽道之中，透過勝出賽事去換取唔同道具，今集連 PSV粒右 Analog都派上用場，當敵人駛近，只需轉下 Analog，就會做出神龍擺尾動作，以車身「屁股」將敵人撞開，呢招比起用武器更能羞辱對手。不過，玩得耐始終略嫌賽道單調，而且電腦對手也太過悶蛋，所以遊戲加入「 Mod探索者」以及「 Mod里程」兩種新模式，只要你去虛擬世界各地「打卡」，並且搵當地對手片車，唔止可賺取旅行點數以及 Mod里程數、解開隱藏道具，同時更有機會獲得當地限定道具，令耐玩性大增。
放大圖片 
■更改車身顏色，一樣靠 Touch Screen完成。
放大圖片 
■上網搵人片車之前記住執番個靚 Look。
放大圖片 
■武器仍然係最具殺傷力嘅道具，但要慢慢儲。
放大圖片 
■單人賽事僅 20條賽道左右，一定唔夠喉。
《 ModNation Racer: Road Trip》 放大圖片 
機種： PS Vita類型：賽車人數： 1人售價：$228 
留言列表
