地點：灣仔／時間：3月 23日

黃長興同黃長發兩兄弟都係選香港先生入行，不過講Noisy，大佬長興邊及得細佬，雖然大家喺無綫都係做啲二打六角色，但長發同之前度女友Karen愛得痴纏，幾乎日日見報，近日又有疑似佢嘅情慾照在網上流傳，加上最近成為經理人嘅佢，出入都有班模特兒傍住，係威係勢咁。

早前出席《子彈頭‧大復仇》嘅首映禮時，黃長發仲帶埋大佬黃長興一齊現身，佢仲好好口咁話：「睇下有咩機會幫到哥哥，但一定會問准無綫。」難怪問到黃長興對於疑似黃長發的情慾照被放上網，會唔會全力支持細佬時？佢好快咁回應：「佢已經大個仔，又做咗經理人，以前就要提示一下，依家就唔使喇。」人哋話妹仔大過主人婆，依家輪到細佬大過大佬?。


雖然黃長興比黃長發早出道，但近年細佬嘅人氣已經蓋過他，依家仲要細佬帶佢出席活動添。


做訪問時，黃長發又好識做咁企喺大佬後面，等大佬發言，多啲曝光機會嘛，都算唔話得。


當晚，黃長發（右）除咗帶模特兒現身外，亦帶埋大佬黃長興出嚟，睇吓有冇Job俾佢做。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄