免費英式TEA SET！
睇到免費，立即瞪大隻眼睇吓係乜傢伙?!
三個廣告人，聰明地完成自己的理想。開了間小鋪，由早上十一點至晚上八點都淨係serve tea set！但係又死話自己唔係食嘢嘅鋪頭，而係一間賣吓杯碟，sell吓workshop同埋寫吓信嘅地方。
Gimmick喺邊呢？店主encourage自我溝通，用大多人已棄用的方式——寫信！係自己寫封信畀自己。完成封信，你的tea set全免。我好聽話咁寫咗封信畀自己，同行的朋友沒有，另外有兩個年青少女亦同我一齊寫。整個過程的pleasant，可以喺忙碌的生活，停十分八分鐘，想一想有乜要同自己講。
其實我時常提議每一個人都要時不時停落嚟，可以大膽地辭咗份工，想吓自己的優點弱點，再定位，立下新目標。一個怕失去的人，很難有突破，結果係一日淨係識埋怨。可悲！
環境
非常英國。全店分兩部分，一邊係shop仔，有杯有碟賣。而另一邊係有梳化又有櫈，大概十個位。梳化中間有幾張coffee tables。坐低，店員就會拿一個小木盒，內有一支筆，一張幾靚嘅信紙同埋信封。你就開始寫信。寫完封信我仲慢慢逛吓隔籬小shop。英式奶茶預備好在coffee table上。同朋友傾咗好耐，三世書都講埋，仍未見tea set到，真係大大話話等咗半小時，才有三「督」小食放在面前。
TEA SET
我那天有sundried tomato tartlet，scone和brownie，scone係一定有的，另外一定有一鹹和一甜。那番茄撻真不算鹹，店主說，通常有mushroom tart，scone普通，好重，唔夠鬆。反而brownies好好食，我好憎食brownies，好heavy。但佢好light，not bad，免費就唔好彈人啦！對唔對？
人生最值錢的信
信紙＋信封$198一位。
嘩！一生人未寫過咁貴嘅信!!!
但希望停留喺「Another Fine Day」這個下午可以給我一點自我反省。將漏做的事，做番。將做得唔妥當的事，做好，就此與大家共勉之！
「Another Fine Day」有意思!!!
Another Fine Day 地址：中環太子台13A地下電話：2525 8256
蘇施黃
資深電台人，天生異「口」，除了講嘢叻，食嘢同樣嘴刁，近年開咪、上電視做主持都不離教人食得精，吸引大批粉絲跟佢搵食。 ####
留言列表
