唐寧前世欠落拯救流浪犬

向來對動物有無限愛心的唐寧，早前與一班善心人士，出席「拯救遺棄寵物中心」開幕活動，籌款為流浪犬在流浮山興建容身之所。已飼養數頭愛犬的唐寧，笑言將來擇偶也以愛狗行先，認真我為「犬」狂。

對狗有特別感情的唐寧，希望為牠們盡一分力。

出名是愛狗之人的唐寧，雖然早前忙於演舞台劇及返內地拍劇，仍分心為流浪犬服務。早前唐寧與其他演藝人，包括海俊傑等出席了「拯救遺棄寵物中心」的開幕活動，呼籲善心人士捐款為流浪犬建設美好家園。

活動上，唐寧與狗狗們玩得相當盡興，更忍不住與其中一隻來個下巴貼鼻尖的「煙韌」動作，認真冤氣。雖然玩得盡興，但說到流浪犬的容身之所問題，唐寧即正色道：「呢個機構喺流浮山搵咗個地方畀班流浪狗住，仲買咗幾個大貨櫃安置佢哋，期間又有善心人士捐咗一批冷氣。不過由於裝冷氣要拖線，仲需要一大筆錢，所以我希望大家可以共襄善舉、慷慨解囊。」

唐寧親親狗狗，下巴對鼻尖十分親暱。

左二起：唐寧、外籍演員河國榮及海俊傑出席開幕活動。

寵物變主人

向來對狗狗情有獨鍾的唐寧，笑指希望將來退休後亦能做些服務狗狗的義工，她笑謂：「我覺得可能前世我畀啲狗救過啩，所以今世好似欠咗佢哋咁。好似我屋企嗰班大帝（指狗仔），我有時覺得佢哋似主人多過我似，因為我聽佢哋話多啲。（擇偶條件都要鍾意狗？）梗係，如果呢關都過唔到，真係唔使旨意做我男朋友。」

唐寧為流浪犬請命建家園

早前唐寧與海俊傑出席《拯救遺棄寵物中心》開幕活動，呼籲善心人士捐款，為流浪犬建設美好家園。活動上，唐寧與狗狗玩得相當盡興，又不時合照留念，當她談到流浪犬問題時說：「呢個機構喺流浮山搵咗個地方畀班流浪狗住，仲買咗幾個大貨櫃安置佢哋。不過仲有好多設施要建設，所以需要好多資金，希望各位有愛心嘅人，就算你鍾唔鍾意狗，都捐少少錢幫忙呢班流浪狗，等佢哋有個安樂窩。」



唐寧呼籲大眾捐輸，為流浪犬建安樂窩。

出名愛狗的唐寧笑言將來揀男友，也希望對方是愛狗之人：「我覺得可能前世我畀啲狗救過啩！所以今世好似欠咗佢哋咁，好似我屋企嗰班大帝（指狗仔），我有時覺得自己太聽佢哋話，如果做我男友點可以唔鍾意狗呢？拍拖要有共同興趣嘛！」

愛心爆棚的唐寧與狗仔玩個不亦樂乎。