o靚模新歡曝光
一身谷胸短打嘅 Hailey，在遊艇會內已黐實 Edison， Edison更為女方開路，讓她先登遊艇。
封面故事
陳冠希帶周秀娜師妹　出海開 P
2009年09月25日
淫照風暴後，陳冠希衰運連連，先是演藝事業插水，接着就是父親陳澤民破產。今年 5月， Edison舊緋聞女友鄧麗欣的姊妹 Angela，更在電台大爆他與女友 Vincy（楊永晴）分手消息。
對於情場殺手 Edison來說，失戀當然冇有怕，因為甩拖唔夠半年，身邊已經有獵物出現。本月中，陳冠希低調返港，除打理時裝生意外，還密謀力捧新寵樂瞳。 19日， Edison約埋生意拍檔，齊齊出海開 P，更乘機帶埋 o靚模 Hailey上船，既可冧老細又可女，一箭雙鵰！
本月 19日下午 2時，陳冠希與一行十數人，由深灣遊艇會上船，出海開 P。當日除了陳冠希旗下藝人何超儀外，大部分人都是他的員工，還有一班鬼佬生意拍檔，以及好友 DJ Tommy。紜紜眾人中，卻突然出現了「八模兵團」中的 o靚模 Hailey。


今年僅得 21歲的 Haliey，樣靚身材正，笑容甜美，難怪被 Edison睇中邀上船。
 
Edison與 Vincy拍拖三年，拍拖期間兩人愛得癡纏，不時被傳媒拍得親密照，不過今年 5月已傳出兩人分手。
 
未上船， Edison已急不及待除去背心，打大赤肋騷結實肌肉。
 
急住騷肌
有型靚仔的 Edison依然不改鼻嘴本色。
 
當日作為主人家的 Edison，送了 o靚模上遊艇後，再折返接老友何超儀等上船，坐在船頭的他戴上黑超，十足大佬款。
 
吹水扯煙

搞船 P，美食唔多，煙仔啤酒就大量提供，赤膊 Edison扯煙招呼眾人。
 
今次 Edison搞船 P，除咗請香港班員工同朋友，更有多個鬼佬、鬼妹生意拍檔。
 
Edison旗下除了農夫外，還有新簽的新人樂瞳（左一）及馬米（右二）。

匿埋船艙
記者觀察，陳冠希對她十分照顧，上船時陪伴左右，招呼完 Hailey上駁艇，陳冠希又折返碼頭，再接一班外國人及何超儀等上船。當日所見， Hailey上遊艇後即溜入船艙，而陳冠希亦大部分時間匿在船艙內，偶爾才走出舺板與眾人吹水煲堙，遊艇停留了大半小時後，便向着大潭方向駛去。
據知 Hailey與陳冠希在夜場認識，不久即被睇中，更有幸成為 Edison今次船 P的女主角。知情者話︰「 Edison同 Vincy甩咗拖後，就出番嚟蒲，聽講 Hailey同 Edison旗下藝人馬米好熟，咁大家一齊喺夜場蒲，搭上搭話咁快就熟咗。」
23日，本刊就 Hailey成為 Edison新女一事求證女方，她甫見記者十分愕然，記者遞上照片時，她慌忙說：「唔係淨係得我。（同 Edison識咗好耐？）因為朋友識，我同佢唔熟……只係見過佢一、兩次！」
問到當日 Edison陪伴在側，她說︰「吓！咁啱啫！嗰日好多人，有啲人之後再坐快艇嚟！（係咪馬米介紹 Edison俾你識？）咁又唔可以咁講，之前見過吓囉！大家傾吓偈、食吓嘢，我本身怕水，所以冇玩 wakeboard。（怕水你又着泳衣？ Edison有冇同你影相？）冇…冇…冇…我着 bikini係打底啫。」


舺板曬肌
一身肌肉嘅 Edison，膚色過白，令型仔度大打折扣，難怪他上船後即在舺板上乾煎，十分鐘才返回船艙。
 
船頂設固定枱櫈，方便眾人玩樂。
 
遊艇共三層，長一百呎，可容納 80人。
 
作為搞手嘅 Edison（圈），安頓咗 Hailey同 CMD同事後，再招呼鬼佬、鬼妹上船。

千萬豪艇
當日 Edison搞船 P的豪華遊艇，是何超儀父親何鴻燊擁有。這艘遊艇是賭王送給二太太藍瓊纓的禮物，船名亦以二太的英文名 Luciana命名，價值過千萬。深灣的會員年費高達 20萬美元（約 160萬港元），遊艇月租泊位費要 6萬元，每月燃油約兩萬元，加埋每月要花兩至三萬元作維修及牌費，每月最低消費都達廿萬。
鍾意佢嘅音樂
再問兩人長時間匿船艙，她騰雞解畫︰「我哋成班朋友純粹傾吓偈啫，冇其他嘢！（同佢有冇發展機會？）嘩！依家冇諗呢啲嘢喎！一向有聽佢嘅音樂……以前做學生雜誌時訪問過佢。冇乜話……諗……有冇發展！（咁你即係好欣賞佢？）嗯……鍾意佢嘅音樂。（咁個人呢？）……我同佢唔係好熟。」
問她知否對方甩拖，她避忌說︰「吓，甩咗拖咩？真係冇留意，佢冇講關於呢方面嘅嘢。（佢係咪追你？）吓！冇，冇……」
雖然口口聲聲話同 Edison唔熟！但問到佢知唔知陳冠希今次返港有咩大計，佢又瞭如指掌。「佢應該係搞緊新人馬米啲嘢，同埋簽咗個女仔（即樂瞳），聽佢講嚟緊仲有一連串計劃。」


9月 22日扮唔識 o靚模
Edison避談分手之餘，對自己帶 o靚模上船一事，亦大玩失憶。
 
22日下午 2時許， Edison與助手到銅鑼灣西苑嘆下午茶，其間他不時扁嘴、唞大氣，似乎有點煩惱。
 
嘆茶個半鐘， Edison滔滔不絕，離開時依然手指指，向員工吩咐這吩咐那。
 
23日，問到是否與女友 Vincy分手，陳冠希雖然拒答，但態度出奇友善。

超儀借艇溝女
至於陳冠希，自從老竇陳澤民破產後，風光不再。當日他搞船 P，亦是慷他人之慨，借助旗下藝人何超儀的家族遊艇，一來可以在生意拍檔及公司同事面前充撐場面，二來可以乘機女， Edison這個如意算盤，的確打得非常響。
失去老竇這個靠山，陳冠希惟有食自己，努力發掘「錢」途。連日來，陳冠希大部分時間均留在公司處理業務。 22日晚，記者上前問他是否帶 o靚模 Hailey遊船河，他一臉錯愕。再問兩人是拍拖時，他竟說：「咩叫 o靚模？我唔識呢個人！」說罷匆匆上車。
翌日下午，記者問他為何不與女友 Vincy返港，他今次明顯有備而來，更笑容滿面答︰「佢返學吖嘛！」但再問兩人是否已分手，他則扮聽唔到，同記者講拜拜上車。
為新寵執形象
除了力 o靚模 Hailey外，據知陳冠希對旗下新人樂瞳亦疼愛有加，其實當日的船 P， Edison本來還有一個獵物上船，就是他旗下的新人樂瞳。「 Edison對呢個女仔好緊張，呢幾日都係返公司開會，又話要撥多啲資金俾佢做宣傳，仲親自落場幫佢執形象㖭。」
Edison新寵樂瞳「佢話會捧我！」
Edison旗下 CMD娛樂公司新簽的樂瞳，本來是無綫三、四線演員，去年尾被 Edison睇中，簽約兩年做歌星。被 Edison錫到燶的樂瞳話：「 11月我會出碟，歌係 DJ Tommy揀， Edison都有越洋聽過我啲歌，佢讚我有潛質。」

樂瞳對住記者做訪問時，斯文乖巧，但之後匿埋一邊講電話，即大罵：「佢問咗我好多嘢呀……我答咗呀！咁點呀……」變臉功力驚人！


背住騰雞

揼本拍 MV
談到 Edison為人，樂瞳讚不絕口︰「開頭我以為佢好後生，原來佢係好認真嘅老闆，佢話會捧我！仲問我 5年後嘅目標，我話想開 mini concert，點知佢話我目標太細，下年已經幫我做到，令我好開心。我知佢幫到我發展，我後日就去台灣拍 MV，好多謝佢投資咁多錢俾我去台灣拍。」
問到 Edison有冇讚過佢，樂瞳沾沾自喜︰「佢梗係有讚過我，讚我靚囉，佢係老闆，一定要經佢審視過，先執我返嚟！（同佢有冇發展機會？）唔會啦！佢太靚仔啦！（之前佢影咁多嗰啲相……）老闆嘅私事我都唔會理。（佢有冇同你影過相？）之前喺陸永個 talk騷度佢有搵寶麗萊影相。我影 PR相，佢都會喺度睇住。（佢搞咗個船 P，你有冇去？）我知道佢哋出海，老闆有叫我去，我話怕暈船浪，所以冇去。」
身邊靚女氹氹轉，就算甩拖， Edison的感情生活一定不愁寂寞。


本周一 Edison忙個不停，去完自己公司 CMD開會，下午就上一轉東亞娛樂，之後再折返自己公司。
 
當晚他做到晚上十時許，便返回下榻的四季酒店休息。

八模寫真女 Hailey C.陳俞希
原名：陳煦晴
年齡： 21歲
身高： 158cm
三圍： 31B、 23、 32
學歷：演藝學院文憑課程
演出經驗：電視電影《鬼計》
TVC廣告： KFC、 One2Free、萬寧……等
平面廣告： yahoo！、英國文化協會、淘大商場等
曾奪獎項：《 APPLE GIRL 2007》亞軍、《 Sony高清寶寶才藝比賽》亞軍
現況： Hailey是周秀娜師妹，同樣是模特兒晉身為多棲類藝人。她與七位 o靚模在剛過去的書展推出寫真《八模兵團》，寫真銷量達二萬本，最近更被公司安排她錄製 demo，轉送日本和台灣兩間唱片公司進行挑選。


Hailey扮唔熟
o靚模 Hailey雖然口口聲聲話同 Edison唔熟，但係 Edison搞船 P，只請得十幾人去玩，唔熟嘅佢都有份去，講唔通喎！
 
Hailey（右）與周秀娜（左），同屬 GME，是同門師姐妹。
 
Hailey身材均勻、陽光味重，經常為報章、雜誌當 model影泳衣相。
 
《 8模少女館》寫真封面，只有 Hailey着比堅尼（右上）。

專嗒嫩口
陳冠希入行以來，女無數，除了是女星殺手外，不少嫩口 o靚模亦是其獵物，淫照事件爆發後，令不少 o靚模與他的親密關係曝光。 
顏穎思
00年， Edison與顏穎思因為拍《特警新人類Ⅱ》搭上，而網上流傳的淫照中，亦有多張疑似顏穎思為男性口交的照片。
 
陳育嬬
01年， Edison為華姐做表演嘉賓，與落選華姐陳育女需認識，而疑似陳育女需的淫照僅得一輯，大部分是她自己的愛撫動作，非常大膽。
 
陳思慧
02年加入樂壇的陳思慧，因認識陳見飛而與其胞弟 Edison熟落，她與 Edison當年沒有傳出緋聞，但卻因為疑似淫照被公開，才揭發她與 Edison鮮為人知的關係。
 
黃榕
04年， o靚模黃榕簽約英皇（後不足一年解約），因而認識陳冠希，不過戀情維持年半，黃榕即被飛。黃更大爆 Edison與她分手後仍半夜 call她到男方家過夜，但完事後卻不會送她返家。

Edison旗下新女
Cilla樂瞳
原名：龔茜彤
年齡： 23歲
身高： 153cm
三圍： 30A、 24、 32
電視劇：《 PTU女警之絕處逢生》、《伊沙貝拉》……等
獎項：《 APPLE GIRL 2007》亞軍、《 Sony高清寶寶才藝比賽》亞軍
入行經過： 06年參選《美女廚房》中的美少女廚神後，成為 TVB藝員，首個節目就是《一擲千金》內的一位千金小姐。
現況：現為 TVB合約藝員，去年簽約陳冠希公司當歌手，今年 11月將會推出首張 EP。 
06年，樂瞳因參加《美少女廚神》，與無綫簽經理人約。
 
無綫新劇《宮心計》，樂瞳（中）飾演李詩韻嘅小宮女，屬大茄角色。
 
一時美女廚神，一時又 Lolitta，形象咁百變，唔怪得甚得 Edison歡心！
 
未入行前嘅樂瞳，都算半個 model，有唔少「龍友」 book佢影相。

採訪、撰文、攝影︰娛樂組












娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 過期 週刊 及 雜誌(4-6月刊)★ 過期 週刊 及 雜誌(6月-8月刊)★ 過期 週刊 及 雜誌(4-9月刊)☆


 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄