豪無疑問，李小龍係傳奇級巨星，甚至成為精神代表，不過光輝背後，佢嘅童年、少年究竟又係點樣過嘅呢？今個星期新返影碟《李小龍》，就生動地重現李小龍出生到少年嘅經歷，雖無驚天動地，但仍然可以睇到李小龍如何由細打到大！記者：許福合
Push變 Bruce？
李小龍拎住支雙截棍形象，最為深入民心，不過小時候嘅佢又係點？劇本撰寫，因為有李小龍親弟弟的參與，所以《李小龍》內容包括咗好多佢由出生到少年時代，鮮為人知嘅生活點滴。李小龍洋名 Bruce Lee就好多人都知，不過原來都有段古，話說助產護士聽錯李小龍父親李海泉讀音，由 Push聽錯而成 Bruce，陰差陽錯下而成 Bruce Lee！
放大圖片 
■父親想兒子更有男兒氣概，竟然幫佢畫花面。
放大圖片 
■護士聽錯讀音，李小龍 就變成 Bruce Lee。
時代見證
電影中背景同場景都係舊日香港，可以見到極有香港特色嘅家庭生活；所以睇碟時除咗係李小龍少年紀錄外，仲係香港一個時代見證！演員主力係青春派，例如李小龍就由李治廷擔演，再配上梁家輝、鍾麗緹等老牌演員，效果唔錯，加上劇本出色，睇落都無乜悶場；不過比較失望係古仔只講到李小龍離開香港去美國留學，只輕輕帶過在香港的影藝發展，有啲唔夠喉。
放大圖片 
■小時候已經開始拍戲，成為小童星。
放大圖片 
■ MC JIN配角演出非常生鬼，幾突出。
放大圖片 
■專人指導動作場面，練好身手。
放大圖片 
■經常出現廣東式騎樓街，老香港風味。
動作失色
電影中有講到李小龍自細學習太極拳，之後拜師葉問學詠春， 17歲贏得校際拳擊比賽冠軍等；李小龍毫無疑問好打得，影碟 Bonus內亦有提及，還請了專人教李治廷打功夫，不過到電影內的身手表現，李治廷可算是差強人意，尾段拳賽還可勉強收貨，不過再來貨倉肉搏，打起來未見有李小龍風格，對愛好動作片嘅碟迷，可能就會有點失望。另外， Bonus內雖然只得製作特輯同 Trailer，不過製作特輯都叫幾豐富，一共分為 14個細項目，例如動作場面、李家大宅、天台戲等，睇完主菜再睇會幾好睇。
放大圖片 
■少年時，仍然不失本色，愛抱打不平。
放大圖片 
■自細立志，要全世界都識佢！
放大圖片 
■遇到不平事，拳頭解決！
放大圖片 
■拳賽熱鬧有餘，緊張不足。
放大圖片 
放大圖片 
$198（ Blu-ray）$89（ DVD）
留言列表
